لأچلك أفعل المستحيل

الحلقه الخامسه❤

فى مصر ..فى منزل محمد العمري..
(جميله) مامت رفيف..: رفيف وحشيتنى اوى
محمد..: وانا كمان بس هنعمل ايه اكيد هتكلمنا
جميله ..: هى مكلمتناش خالص من ساعه اما مشيت انا قلقت عليها اوى
محمد..: أن شاء الله خير متقلقيش انا  أنور صعبان عليه اوى ..
جميله .: ليه هو فين ؟
محمد..: معرفش اخر مره قال انه هيقعد فى الشقه بتاعته ومش عايز حد يكلمه لحد ما يرجع تانى
جميله..: أن شاء هيبقى كويس ويرجع تانى .. ربنا معاهم 
محمد..:يارب
عند أنور ..
أنور ..بتوعد ..: إما وريتك يا چورى ميبقاش اسمى أنور انا هوريكى انا هرجع أنور بتاع زمان بس ده من ورا قلبي انا قلبى اتكسر مليون حته بعد ما  رفيف مشيت.. بس هحاول اكون متماسك عشان اقضى عليكى يا زباله ..ورفيف ترجعلى تانى ..
هاجى على نفسى على قد ما اقدر بس خليكى فاكره انى وعدتك انى مش هنساكى وانا قد وعدى معاكى يارفيف يارب انتى متكونيش نستينى بس ..

"عايز اعمل زيك وانسى قولى نسيتنى ازاى اصل انا بفتكرك لسه خساره أنا مش نساى..💔"
______________________
رفيف وهى تكتب فى مذكراتها الخاصه ..: كل يوم هيعدى عليه من ساعه لما جيت لحد ما همشي حبك بيزيد عندى اكتر انا بحبك اوى وهفضل كده  بس ساعات فيه حاجات بتحصل لازم اننا نبعد بس اكيد ديه فتره وهتعدى لان انا مش هقدر افضل بعيده عنك كده لوقت طويل.. رغم انى بضحك قدام الناس لكن انا فى قلبى ألم كبير محدش هيحس بيه غيرك يا أنور عشان انا متأكده أن انت عندك نفس الالم ده يا حبيبي  انا اه شوفتك بعينى لكن انا قلبى مش مصدق أن انت عملت كده ....
بعد مرور اسبوع ....
فى مصر
فى شركة الكيلانى ..
أنور ..دلف الى مكتبه وعاد الى أنور القديم  قبل أن يرى رفيف القاسي الذي لا يهمه احد ..
داليا ..: مستر أنور ازى حضرتك  هى فين رفيف ..
أنور بجمود ..: شوفوا مساعده جديده
داليا..: ليه؟
أنور..: نفذى اللى بقولك عليه وخلاص من غير كلام كتير ..انتى جايه تشتغلى ولا تتكلمى بعد كده لما اقول حاجه تتنفذ مش عايز تعليقات كتير
داليا .. بإستغراب شديد :حاضر
وخرجت من مكتبه ...
داليا خرجت وهى تحدث نفسها..: هو ده مستر أنور ولا انا بيتهيألى ..اكيد فيه حاجه غلط
سليم ..: مالك يا داليا انتى كنتى فى مكتب أنور بتعملى ايه وهو مش موجود ...
داليا..:مستر أنور جيه من شويه بس غريب اوى  ..
سليم..: بجد أنور جيه
داليا..: اه
سليم..: طيب انتى مضايقه ليه
داليا..: كنت بسأله على رفيف زعقلى وقالى شوفوا مساعده جديده وفضل يقولى كلام وانا مقولتش حاجه والله
سليم..: خلاص  معلش اعملى اللى بيقولك عليه وخلاص عشان هو مضايق الفتره ديه
داليا..: حاضر يا مستر سليم
أنور..بجمود ..:ادخل
سليم ..: اخيرا رجعت
أنور..: اه
سليم..: انت كويس يا أنور
أنور..: اه كويس اوى مالى
سليم..: أنور من امتى وانت بتضحك عليا
أنور..: انا مش بضحك على حد يا سليم مش انتوا كنتوا عايزنى انزل الشغل تانى نزلت اهو سيبونى فى حالى واستحملونى بقا معلش الفتره الجايه .. عشان انا رجعت لانور القديم بتاع زمان فاكره اكيد طبعا كلكوا فاكرينوا
سليم..: خلاص يا أنور انا ماشي لو عوزت حاجه قولى ..
أنور..: تمام..متزعلش منى يا سليم مش عايز اخسركوا كلكوا خليك انت جنبى حتى
سليم..:لا مش زعلان..انا جنبك  اهو هو انا هسيبك يعنى متضايقش نفسك
_____________________
رفيف..: (لماذا لا تعملون بجد لا تكونوا كسلى هكذا..اننى أراكم لن ابعد نظرى عنكم لا تهملوا عملكم  )