لأچلك أفعل المستحيل

الحلقه الثالثة عشر ❤

رفيف.. : الو مين
أنور..:انتى مسحتى رقمى من عندك ولا ايه
رفيف..: يابن الحلال قول انت مين عشان انا لسه مصحيتش ومش فيقالك
أنور..: رفيف انا أنور
رفيف..: معلش يا أنور انا لسه صاحيه على صوت الموبايل ومشوفتش الاسم
أنور..بضحك: لا عادى
رفيف..:فيه ايه متصل عليا من بدرى ليه كده
أنور..:  انتى ....
رفيف..: مالك يا أنور انا ايه
أنور..: يعنى انتى مش هتيجى تانى الشركه ..
رفيف ..بعدم استيعاب:  سركه ايه.. هو انا لسه مكانى موجود؟
أنور..: طبعا ده مكانك لسه موجود في قلبي مش هيكون موجود فى الشركه
رفيف ..:طيب ماشي انا هرجع بس بلاش النهارده خليها من بكره أن شاء الله
أنور بتساؤل..: ليه فيه حاجه لسه مضايقاكى منى؟
رفيف ..:لا يا أنور مفيش حاجه والله
أنور..:طيب بصى انا عايز اقولك حاجه بس بلاش تقولى لا عشان خاطرى
رفيف ..: قول عايز تقول ايه
أنور..: هو احنا ينفع نحدد معاد الفرح ونتجوز بقا
رفيف ..:.....
أنور..:انتى روحتى فين
رفيف..بمكر:مانا مش عارفه ارد ..نتجوز ليه لسه بدرى ده احنا لسه مخطوبين امبارح
أنور..:انتى هتستهبلى احنا مخطوبين بقالنا كتير ده انا كنت بصالحك يعنى
رفيف..:يا أنور ما هو ...
أنور..:ماهو ايه تانى
رفيف..:انا خايفه اوى بصراحه
أنور..:ممكن متخافيش انا وعدتك قبل كده أن انا مش هسيبك وحصل  وبقيتى معايا تانى الحمد لله يعنى
رفيف..:طيب ده هيتحدد امتى ده
أنور..:شوفى اللى انتى عايزاه بس خليه قريب والنبى
رفيف..: مالك يا أنور فيه ايه مستعجل كده
أنور..: نفسي تبقى معايا طول الوقت بقا
رفيف..:أن شاء الله هنبقا مع بعض
أنور.. : باى باى يا حبيبتي عشان عندى شغل دلوقتي
رفيف..:باى

لؤى..: بقولك ايه يا صاحبى انا هقولك على حاجه بس متقولش لحد خالص
على ..:قول يلا واوعدك أن مصر كلها بس اللي هتعرف
لؤى..:لا لا متقولش بص بقا انا .........
على..: يابن الايه والله انت عبقرى طيب وافرض كسفتك قدام الناس
لؤى..:نبقا نشوف بقا ساعتها بس عايزك تيجى معايا
على..:طبعا هاجى عشان اتفرج واشوف ايه اللي هيحصل
لؤى ..: ماشي يا اخويا تعالى اتفرج
على بضحك..: يوم تاريخى الصراحه
لؤى..:انت بتخوفنى ليه انا ناقص
على..:خلاص نتقابل هناك
لؤى..:تمام ..

فى منزل المحامى مصطفى محمود ....
بيسان..:انا جعانه عايزه اكل بسرعه معلش
الام ..(رقيه ) ..: يابنتى طيب قولى السلام عليكم حتى انتى جايه بدرى كده ليه
بيسان ..: يا ماما يا حبيبتي انا جعانه دلوقتي هبقا اقول لما اكل انا مش جايه بدرى الساعه  واحده يعنى معنديش شغل كتير النهارده
رقيه ..: ربنا يهديكي يا بنتى قومى غيرى هدومك لحد ما حضرلك الاكل
بيسان..: حاضر

رقيه..: الحمد لله شبعتى ولا تاكلينى احسن
بيسان بضحك..:لا الحمد لله خلصت هروح انام بقا شويه
رقيه.. : هو انتى ترجعى من الشغل تاكلى وتنامى موراكيش غير كده من وانتى صغيره اكل ومرعى وقله صانعه
بيسان..: على فكره انا ليا قمتى فى البلد انا مهندسه وجامده اوى على فكره
رقيه ..: طيب روحى نامى يا حبيبتي انا ومصطفى نازلين وساعه وهنرجع ماشي
بيسان..:هنام فاكرانى عندى دم ومش هنام هنام والله انا صاحيه بدرى بس ساعه وصحينى اما ترجعوا يعنى
رقيه..: ماشي هصحيكى
بعد مرور ساعه ونص ..
رقيه..: قومى افتحى يا بنتى انتى مش سامعه الجرس بيرن انا لسه جايه من برا مش قادره خلى عندك دم
بيسان..: حاضر حاضر انا مش عارفه مين اللي جاي دلوقتي والله حاجه تقرف
رقيه ..: يابنتى هتسيبى اللى واقف ع باب كتير يعنى عيب كده قومى شوفى مين وافتحى
بيسان..: قومت اهو عاجبك منظرى ده يعنى والله اللي هيشوفنى مش بعيد يقع يموت من المنظر
رقيه ..:جميل افتحى بقا
بيسان بصدمه ..:  ايه اللي جابكوا هنا
لؤى وعلى بضحك..: جينا فى وقت مش مناسب باين
بيسان اغلقت الباب فى وجههم وجريت على غرفتها
رقيه ..: مين يابنتى بترزعى الباب كده ليه
بيسان ..:دول دول بصى يا ماما دخليهم وخليهم يقعدوا لحد ما لبس
رقيه ..:ماشي ..اتفضلوا نورتوا عامل ايه ياعلى
على..: الحمد لله وحضرتك عامله ايه
رقيه ..:الحمد لله وانت عامل ايه يا لؤى
لؤى..: الحمد لله كويس أن حضرتك فاكرانى
رقيه ..:طبعا فاكراك اتفضلوا لحد ما بيسان تيجى
لؤى ..: الصراحه يا طنط احنا عايزين حضرتك الاول وبعد نبقا نشوف بيسان
رقيه ..:ماشي يا بنى اتفضل
لؤى ..: انا جاى اطلب ايد بيسان
رقيه ..:لا استنا بقا  اعرف باباها
على ..: تمام
لؤى..: يلا نمشي بقا وخلاص
على..:فيه ايه بس اقعد أن شاء الله يوفقوا
مصطفى..: السلام عليكم ازيكوا يا رجاله  عاملين ايه
لؤى..: الحمدلله
على..: الحمد لله
لؤى..: انا جاى اطلب ايد بيسان بعد اذنك يعنى
مصطفى..:انتوا تعرفوا بعض منين
لؤى ..:احنا بنشتغل مع بعض و صحابى الاتنين خاطبين صحابها الاتنين يعنى احنا كلنا اصحاب فى بعض كده ..ايه اللي انابقولوا ده
مصطفى ..: طيب يابنى نشوف هى هتقول ايه والله انا عارفك بس مش فاكر اسمك مش فاكر اوى معلش وانت شكلك راجل محترم
لؤى..: انا لؤى
مصطفى..:اه افتكرتك خلاص ..بيسان تعالى يا حبيبتي
بيسان..:حاضر يابابا ثم تابعت ..هو الولا ده جيه هنا ليه دلوقتي
على بضحك..: اهلا بالعروسه
بيسان..:عروسه مين
مصطفى..:البشمهندس لؤى طلب ايدك وانا موافق بس نشوفك انتى
بيسان..:انت ايه بتقول موافق على طول كده قصدى ماشي
مصطفى..: ايوه يعنى موافقه ولا لا
بيسان..: والله انا فاكره أن فيه ناس سالتنى قبل كده وقولت هتنيل افكر
مصطفى..:عيب كده يابنتى
بيسان..:انا اسفه .. اللى تشوفه
على بصوت واطى..: لؤى خلينى امشي مش قادر امسك نفسي من منظرها هموت واضحك مش قادر بجد
لؤى..: لا خليك طيب انا اعمل ايه دلوقتي وكمان كل لما افتكر لما فتحتلنا الباب كان منظرها يضحك
على بضحك..:اسكت عشان هى لو طالت تقتلنا هتعملها
لؤى ..: لو مضايقكوا امشى عادى
رقيه ..:لا عيب يابنى ثوانى بس وهنرد عليك معلش اصل هى دماغها ناشفه شويه
لؤى بإبتسامه ..:عادى  براحتكوا
بعد مرور نصف ساعه..😂
مصطفى..:الناس قاعده مستنيه عيب كده
بيسان..:ماشي يابابا موافقه
مصطفى.. بخبث ..:انتى عايزه تفهمينى انك  مش بتحبيه عيب ده انا بابا
بيسان فى نفسها ..: ده عرف منين ده
مصطفى..:اكيد مش هتلاقى احسن منك يا بشمهندس
لؤى..: هى وافقت بجد
مصطفى..:اه مالك فيه ايه
لؤى..:لا مفيش حاجه هنقرا الفاتحه امتى
مصطفى..:وقت ماتحب
لؤى..:خلاص نقرأها دلوقتي وهاجى بكره ومعايا والدى ووالدتى عشان نحدد معاد الخطوبه
بيسان فى نفسها ..:لا ومستعجل اوى ماشى يا لؤى اما وريتك ده انا قايلالك سيبنى افكر عشان اقرفك ماشي
مصطفى..: ماشي يا بنى تنوروا فى اى وقت
وبداؤا فى قراءه الفاتحه ...
لؤى ..:هنستأذن احنا بقا مع السلامه
على ..: نشوفكوا قريب ..باى يا عروسه ا
بيسان..بتوعد : اشوفك بكره أن شاء الله
مصطفى ..:روحى يا بنتى وصلى الناس لحد الباب
بيسان بغضب ..: حاضر يا بابا ..اتفضلوا
لؤى..: بس انتى قمر اوى فى كل حلاتك على فكره
بيسان بخجل .. : شكرا ده انا بكره هفرج عليكوا امه لا اله الا الله اما وريتكوا
على..: انا بكره مش هاجى الشغل يا لؤى ابقى قولهم ده مات
لؤى..: انا اروح ليه يا حبيبي  عايزها تاكلنى
على ..: هسبقك على العربيه انا
بيسان..:هروح لكل واحد بيته ماشي ماشي ده انا هوريكوا بقا انت يا استاذ يا محترم قولتلك سيبنى افكر تقوم جى كده على طول
لؤى بغمزه ..: يعنى انتى مش بتحبينى
بيسان..بتوهان : بحبك
لؤى..:بضحك : طيب امال مش عايزانا نتجوز ليه بقا
بيسان بعصبيه ..: ده انت حيوان والله العظيم
لؤى..:باى باى يا قطه اشوفك بكره