لأچلك أفعل المستحيل

الحلقه الخامسه❤

..الحلقه ٥..

بيسان : يااااه لؤى شرفت والله ...بكره بقا نتكلم عشان هنعرف نبدا الشغل امتى
لؤى بهدوء: ممكن نتكلم فى حاجه تانيه غير الشغل
بيسان بإيماء :خلاص تمام  ماشي
لؤى بتسأل: انتى بتحبى والخروجات والسفر وكده ؟
بيسان :اه اوى ...بس ليه !؟
لؤى : لا عادي بسأل
بيسان : المهم انت عامل ايه ؟
لؤى :. كويس ..انتى شكلك حلو اوى وقمر كمان والله
بيسان بضحك..: شكرا  بس انت بتجامل اوى  انا شكلى زى البوابين خالص
لؤى : لا والله
بيسان  بإبتسامه :شكرا
لؤى :اكلمك بكره أن شاء الله
بيسان : تمام يا مهندس لؤى
لؤى ..: تمام يا استاذه ..
_______________________________________
هل تقول لى احببتك ..؟! كيف لك الحق فى ذلك ..

رفيف :كنت عايز تقول ايه ..يا اا..أنور
أنور  بإبتسامه:حلوه منك اوى
رفيف بغضب :شكرا بس ممكن تقول اللى انت عايز تقوله
أنور ..: انا معجب بيكى او بمعنى اصح شكلى حبيتك..
التفت كل من فى المكان على صوتها  ... 
رفيف..بغضب وصوت عالى :ايه اللي انت بتقولوا ده هو فيه حد يقول كده لحد بيشتغل معاه الناس تقول ايه بعد كده الناس تيجى تقول اصل اللى كانت بتشتغل معاه هى رايحه تشتغل عشان توقعه فى حبها واللى يتكلم هيتكلم عليا انا مش عليك... مش كده يا استاذ أنور

أنور بتوتر..: طب اهدى بس الناس كلها اتفرجت علينا

رفيف : ولا اهدى ولا بتاع مفيش حد كده اصلا ..لو كنت فاكر انى عشان بتكلم معاك بأدب لحد دلوقتى ف انت غلطان انت اه المدير بتاعى بس لحد هنا ومش هسمحلك لان باللى انت بتقوله ده هتخلى اللى يسوا واللى ميسواش يتكلم عليه
أنور بحزن.. : خلاص انا اسف بس وطى صوتك
بيسان .. : خلاص اسكتى بقا فضحتينا ..
حاولوا أن يجعلوها تهدأ
رفيف ببكاء وغضب وضحكت بسخريه : شكرا على اللى انت عملته وخليك فاكر انت عملت ايه يا ... يا استاذ أنور 
خرجوا من الكافيه وركبوا السياره.

جلس أنور بالسياره وامسك رأسه  بحزن وكان يبكى مما فعلته رفيف 
..
سليم بحزن على أخيه : خلاص يا بنى متعملش في نفسك كده
على : انت قولت مره واحده كده مينفعش ...معلش بردو  ابقى الاول صالحها  وبعد ما تتصلحوا ابقى ا
قولها تانى
لؤى : ده اللي المفروض يحصل
أنور ..بحزن ..: خلاص انا مش هقدر استنى للصبح هكلمها
كرم : ايه يا بنى لا استنى لحد بكره الصبح فى الشغل لو كلمتها دلوقتي مش هترد عليك اصلا ولو ردت هتقولك كلام يضايقك ف استنا بكره لحد ماتهدا
سليم : ايوه اعمل كده
أنور : خلاص ماشي ...
أنور حضن سليم وكأنه يختبئ من شيئ رغم انه اكبر من سليم الا انه كان يختبئ بحضنه وكأنه ولد صغير
سليم بحزن : بلاش تعمل فى نفسك كده هتخلينى اعيط معاك  ...

ظلوا يتحدثون .. وبعدها ذهبوا الى منازلهم ..

~~~~~~~~~~~~~~~~~
عند البنات
ريان هى من كان يقود السياره لان رفيف من المحتمل أن تفعل بهم حادث..
بيسان ...بهدوء: ممكن بلاش تعملى فى نفسك كده عشان انا مش بحب اشوف دموعك
چود..: لو سمحتى بلاش تعملى فى نفسك كده عشان هعيط
ريان : خلاص يا جماعه هى لما تروح هتبقى كويسه أن شاء الله
أسيل : امسحى وشك وظبطى الميك_أب.. أنا عارفه أن مينفعش اقولك كده فى الحاله اللى انتى فيها بس عشان عمو وطنط ميقلقوش عليكى ويفضلوا يسألوكى مالك وانتى اصلا مش قادره تردى على حد