لأچلك أفعل المستحيل

الحلقه الثلاثون❤

وجاء الصباح .. ولكن هذا الصباح لم يكن مبشراً بالخير ابدا ً.. سيحدث تغيرات كثيره فى حياتهم ولكن هل سينسى القلب بسهوله من احبه !؟ ... قلوبهم ستتحطم .. ولكن من يحب احد لن ينساه بسهوله فسيظل فى قلبه وعقله حتى وان اصبح متاكداً انه لن يكون له بعد الان .. أن احببت احد لا تفعل شئ يحطم قلبه‍ ويجعله يفقد ثقته بالجميع لانه يكون يثق بگ اكثر من كل شيء واى شى ♥
_________________________

عند بيسان..
لؤى..دق على باب المكتب ..
لؤى..: ممكن ادخل
بيسان..: ما انت دخلت
لؤى..: اه صح ماشي كنت عايزك في موضوع مهم ..
بيسان..: ايه !؟
لؤى..: بس متتعصبيش
بيسان..: موعدكش ..
لؤى..بتنهيده: طيب بصى انا بحبك
بيسان..: نعم!
لؤى..: فيه ايه بحبك هو انا شتمتك
بيسان..: لا ده انت كنت شتمتنى اهون
لؤى..بحزن بعض الشيء فهو يظن انها تمزح معه..: هو انا نفسي افهم انتى بيبان عليكى ساعات انك بتحبينى وساعات بحسك عايزه تقتلينى
بيسان..: بص يا لؤى احنا اخوات واصحاب وكل حاجه لكن تبقى جوزى كده لا لا
لؤى..: انتى بتهزرى اكيد!
بيسان ..: وانا اهزر ليه يابنى انا ..
لؤى..: انتى ايه
بي..: انا بحبك يا لؤى اخويا وصاحبى لكن مش بحبك حب تانى خالص معلش انا اسفه لو كنت يضايقك بس اعمل ايه مقدرش اضحك عليك
لؤى..بحزن لم يستطع اخفاؤه ..: طيب ايه كده يا بيسان انا بحبك وعارف انك بتحبينى كويس ليه بتقولى انك مش بتحبينى انا بحبك اكتر من اى حاجه
بيسان..: لؤى والنبى بلاش تعمل كده فى نفسك عشان انا هعيط حالا اهو
لؤى..: انتى بتهزرى كمان ..ماشي شكرا يا استاذه بيسان انا دايما بكرر الغلط مرتين بس كنت فاكرك بتحبينى
بيسان..: طيب مانا فعلا بحبك بس بحبك كأخ مش حاجه تانيه
لؤى..وهو يعود لصوابه ..: خلاص يابيسان ماشي عن اذنك وطلع وكاد أن ينكسر الباب وهو يغلقه
بيسان ..: هو بيفاجأنى وانا مش حمل مفاجات ده لو كان عيط شويه كمان كنت ممكن اقوله يلا نتجوز اصلا بس الحمد لله انه مشى يارب ميكلمنيش فى الموضوع ده تانى بقا عشان عايزه اتقل عليه شويه 😂
على ..:انتى يا اللي اسمك بيسان
بيسان..: نعم يا اخ على خير
على..: هو انتى اللى مخليه لؤى زعلان كده
بيسان..: اه ..لا
على..: يبقا انتى ..لا وكمان بتضحكى
بيسان..: اعمله ايه يعنى اروح اطبطب عليه
على ..: لا يا حلوه كنتى اديله الرد الى عايز يسمعه
بيسان..: على متخلنيش اقلب عليك هو بمزاجه
على..: متستهبليش عليه عشان احنا عارفين بعض من ساعه اما اشتغالنا هنا واحنا اكتر من اخوات وعارفك كويس جدا وانتى بتحبيه ومتكدبيش ومتستهبليش بردو
بيسان..: انت على طول كده بتعرف كل حاجه مش معقول ياجدع كده اه يا على بحبه بس انا مبحبش ابان مدلوقه ومش من اول مره هقوله اه يلا نتجوز
على..: تمام ماشي يا بيسان انا ههليه ميزعلش منك  هو اصلا مبيزعلش منك يعنى لحد ماتبقى حضرتك تحنى عليه 
بيسان..: الله يخليك يا على صاحب جدع
على..: تسلمى ياختى ..انا رايح عند أنور الشركه كده عشان فرع الشركه الجديد اللى المفروض ياست هانم أن انا وانتى ولؤى مشرفين على بناءه ولا نسيتى
بيسان..: والله منسيتش بس كنت بفكر فى لؤى بس
على..: طيب ماشي انا هروح عشان اعرف بقا التفاصيل وابقى اما اجى هعرفك او بكره سلام
بيسان..: تمام .. سلام