لأچلك أفعل المستحيل

الحلقه الثامنه عشر❤

يوم كتب كتاب لؤى وبيسان وسليم وريان......

بيسان..:  انا مش عارفه  انتوا وافقتوا ليه اكتب كتابى النهارده
رقيه..:  يابنتى انتى هبله مش انتى وافقتى هو احنا غصبناكى على حاجه 
بيسان..: وغيرت رأيي ومش عايزاه النهارده
رقيه..:  روحى البسي يا بنتى ربنا يهديكى عريسك مستنى تحت بقالوا كتير وانتى لسه ملبستيش يلا عشان منتأخرش

بيسان..: حاضر.. قوليلوا شويه وهتنزل
رقيه..:  ماشي

ريان..:  انا فرحانه اوى يا  سليم 
سليم..:  انا فرحان اكتر منك اقسم بالله  اخيرا بقا  عقبال الفرح
ريان..:  على فكره انت ضحكت عليا قولتلك خلى الفرح بعد كتب الكتاب بشويه مخليه كمان تلات ايام يا سليم والله انت بتهزر
سليم..:  انتى مش عاوزه تتجوزيني بقا
ريان..:  لا طبعا بس مش عارفه
سليم..:  ربنا يهديكى ياحبيبتى  يلا عشان المأذون زمانه على وصول
ريان..: بيسان ولؤى وصلوا ولا لسه
سليم..: لا قالوا فى الطريق كله موجود معدا هما
ريان..هييجوا هيروحوا فين يعنى...

المأذون...: بارك الله لكما وبارك عليكم وجمع يينكم فى خير..
انتهى اليوم وجميعهم سعداء...
لؤى..: طيب هاخد انا بقا بيسان
مصطفى..:هتاخدها فين يابنى
لؤى..: ياعمو هخرجها متقلقش وبعدين ديه بقت  مراتى
مصطفى..: ماشي بس بلاش تتاخروا
لؤى..: حاضر  يلا يا بيسان
بيسان..: يلا

سليم..: ريان تعالى معايا انا مش هستأذن زى لؤى انتى مراتى هنخرج شويه واروحك بيتك مش هنتأخر
ريان..:امممم ماشي يلا
••••••••••••••••••••••••••
صباحا...
ريان..:  يا سليم  الفرح بعد  بكره يا حبيبى  تعالى انزل معايا عشان الفستان
سليم..: ياحبيبتي حاضر بقولك بليل بعد الشغل عشان ورايا شغل كتير
ريان..بحزن مصطنع: الشغل اهم منى
سليم..:  لا والله يا حبيبى  مش قصدى بس بليل هجيلك ونروح نجيبه اتفقنا
ريان..: اتفقنا
داليا..: مستر سليم فى واحد  عايزك برا
سليم..: مين
داليا..:  بيقول انه قريب مرات حضرتك 
سليم..: طيب خليه يدخل
سامى..:  اهلا اهلا استاذ سليم
سليم..:  اتفضل حضرتك  تبقى مين
سامى..:  انا خطيبها
سليم..:  ايه!!!!
سامى..: مالك اتخضيت كده  ليه
سليم بغضب..:  اطلع برا ومش عايز  اشوف وشك هنا تانى
سامى..ببرود:  اهدى بس كده غلط عليك
سليم..: انت عايز ايه
سامى..:  هقولك واللي  هقوله يتنفذ عشان القطه متتعورش
سليم..: ماتجيبش سيرتها على سانك
سامى..:  انتوا دلوقتي  كتبتوا كتابكوا صح انا عايزك بعد فرحكوا على طول  تعاملها معامله اكنها جايه من الشارع وتقولها ان انت مكنتش بتحبها  و...
سليم..:  امشي اطلع برا يالا وانا ايه  اللي  يخلينى اعمل كده  امشي بدل ما اقتلك 
سامى..:  لو ده محصلش يبقا نقرا الفاتحة  على روح ريان
سليم..:  وانت بتعمل فيها كده ليه هى عملتلك ايه
سامى..: والله  انا قولت اللي عندى وعلى  ما اظن انى مش مضطر ابررلك سلام يا..يا باشا
سليم  ..:  ياترا هو بيعمل كده ليه 
.. انا لو عملت كده  مش هيبقى فيه حب سليم وريان  وهى مستحيل تقبل تفضل معايا لحظه لو عملت اللي قالو بس لو معملتش كده هيقتلها.. طب اعمل ايه
اقول لانور.. لا لا لسه عريس جديد مينفعش اضايقه طيب اقول لمين بس كلهم مشغولين يارب..