لأچلك أفعل المستحيل

الحلقه الرابعه والعشرون❤

الحلقه ٢٤..

رفيف ..: يلا بقا يا أنور رد عليه انت ايه انا عمرى ما شوفت مدير شركه مبيصحاش بسرعه ياعم ده انا رنيت عليك ميت مره رد بقا.....

أنور..بضيق .. بدون ان ينظر الى من هو المتصل ..: الو مين ع الصبح كده
رفيف بتنهيده ..: لا بجد ده اللي ربنا قدرك عليه
أنور..:ايوه مين يعنى
رفيف بغضب ..: أنور متستهبلش انا رفيف ولا انت مش مسجلنى
أنور..: لا مسجلك بس مش معقول انتى مبتلطيش رن من الصبح فيه ايه
رفيف..: لا والله نسي كمان أن احنا المفروض نتقابل كمان نص ساعه عشان مسافرين الغردقه. يابنى ده انت لو ميت كان زمانك صحيت من كميه المكالمات ...
أنور.. بضحك .. : والله انا كنت نسيت فعلا او مش نسيت بقا انا عايز انام فى بحاول انسي نفسي
رفيف بتقليد صوته. .: قولى يا حبيبتي اى مكان عايزه تروحيه وانا اودهولك ...لا الصراحه واضح يعنى واول لما جينا نقول يلا خلاص بقيت عايز تنام .. خلاص بقا خليك نايم يا استاذ وانا كده كده هروح مع صجابى مش عايزاك فى حاجه
أنور.. : استنى بس فيه ايه بهزر معاكى انا هقوم البس اهو متبقيش اموصه كده ..
رفيف..: لا يا أنور انا امو..
أنور.. :بحبك
رفيف..: مبيكولش معايا
أنور..: ماشي اما اشوفك باى بقا عشان الحق البس
رفيف..: باى يا خويا

بعد مرور ساعه
بيسان..  الو يا رفيف احنا مستنينك انتى وانور وسليم  مجيتوش ليه 
رفيف راكبه بجانب أنور وهى تنظر له .. : لا اصل الاستاذ كان نايم ونسي
بيسان ..بضحك : مين
رفيف..: هو في غيره
بيسان..: اها حبيب القلب
رفيف..: ماتلمى نفسك بقا الله
أنور ..: ماخلاص بقا هو انتى كل ما تشوفى حد هتحكيله ولا ايه
رفيف..: شكرا
أنور ..: هو انا بشحت منك
رفيف..: شكرا
أنور..: استغفر الله العظيم يارب
سليم..:خلاص بقا انتوا مجانين
رفيف..: والله اخوك اللى مجنون الوحيد مفيش غيره
أنور..  :بقا كده
رفيف بعند..: اه
أنور..:ماشي  يلا احنا وصلنا اتفضلوا انزلوا عشان نركب الاتوبيس معاهم ...انا مش عارف هنروح ليه بأوتوبيس وكل واحد معاه عربيه مش فاهم بجد
رفيف..: عشان نبقى متجمعين مع بعض يا استاذ
أنور..: طيب يلا يا ختى
وركبوا كلهم الاتوبيس ...
رفيف جلست بجانب الشباك فهى تفضل هذا المكان ...
واسيل جنب بيسان وريان جنب رفيف 
ولؤى وانور  مع بعض  وچود جنب على ورفيف مرضيتش تقعد جنب أنور ..😂 وكرم مع سليم  لن يتحرك بهم الباص  ربع ساعه وسيتحرك بهم

لؤى ..: انا مش عارف هما حلوين كده ازاى
أنور ..  : مش عارف والله بجد رفيف ديه لو حد سمع نبضات قلبي بتنبض بإسمها المحفور جوا قلبي
لؤى..: خلاص ياعم الحلو راعى أن انا مش خاطب زيك يعنى حرااام
أنور..: انت يابنى اللى عامل نفسك طيب ما انت بتحبها لسه مش بتروح تتقدملها
لؤى ..: ياعم والله عايز بس ده انا كل ما اجى اكلمها تكلمنى فى حاجات تانيه خالص وبتوه مش عارف هى شكلها مش بتحبنى بس انت هفضل لحد ما اتاكد هى بتحبنى ولا لا أن شاء الله تكون بتحبنى عشان انا بحبها اوى وهى مجنونه كده 😂😂
أنور.. : أن شاء الله عشان نخلص منك بقا
لؤى ..:ايه يلا هو انا قاعد ع قلبكوا
أنور..: لا خالص ده انت اللى محلى الشله بتاعتنا
لؤى بغرور ..: مبحبش اتكلم عن نفسي كتير
أنور..:انت ايه صدقت
لؤى..:مين قالك 😂
بيسان..: بقولكوا ايه انا عطشانه وعايزه اجيب اى حاجه عشان  جعانه
رفيف ..:اه تعالو نجيب كانز ومياه ونشوف اي حاجه ناكلها كيكه بسكوت كده يعنى
بيسان ..: مع انه مش هيحوأ بس عادى ده اللي قدمنا
ريان..:انتوا على طول جاعنين
رفيف..:ونبى اسكتى انتى شبه عود القصب كده
چود..: لا وانتى الصادقه ديه محصلتش عود قصب
ريان. : ع فكره انا عطشانه بس مش جعانه دلوقتي
أسيل ..: خلاص يبقا تسكتى  خالص احنا حلاليف
ريان بضحك...:ديه حقيقه
بيسان ..: طب يلا ننزل عشان الرجاله قاعدين بيتكلموا مش فاضين اصلا احنا نعمل الحاجه بنفسنا
رفيف. : هو قاعد بيتكلم مع لؤى ولا اكنه خاطب جاموسه اااه نسينى خالص الا حتى ماسالنى بقيتى عامله ايه
أسيل..: يلا احنا بس هنسالهم وخلاص
رفيف..: ماشي يلا مش طايقاه اصلا
ريان ..:يا جماعه احنا نازلين نشترى مياه وكانز وكده عايزين حاجه
أنور..: طيب ماتقولوا واحنا ننزل وخلاص
رفيف بقرف ..:لا شكرا اصل احنا بنحب نعمل الحاجه بنفسنا
سليم..: ماشي هاتيلى معاكى اى حاجه يا ريان
ريان..: خلاص خلاص هنجيلكوا زيينا
لؤى ..: ياريت
بيسان..فى نفسها..: ده اللي انتوا فالحين فيه .... ماشي ماشي  ونزلوا