لأچلك أفعل المستحيل

الحلقه السابعة عشر ❤

كرم..: انتى ليه بتعاملينى كده  وليه رفضتينى لما جيت اتقدملك يا اسيل ليه عملتى فيا كده
اسيل..ببكاء: بص يا كرم  انا هحكيلك كل حاجه   لأنى عايزه افهم عشان تعبت.. فاكر قبل ما تيجى عندنا بيومين لما كنت عندى فى الصيدليه 
كرم باستغراب..:  اه فاكر بس ايه اللي حصل 
فلاش باك..
كرم..:  ايه يا حبيبي  عامله ايه 
اسيل..:  الحمدلله  انا كويسه 
كرم..:  فيه حاجه  عايز اقولك عليها
اسيل..:  ايه قول
كرم..:  هاجى عندك بعد بكره اطلب ايدك عشان كده كتير انا عايزك تبقى مراتى وزوجتى العزيزه
اسيل..:  بجد ولا بتهزر
كرم..:  انا نفسي افهم انا ههزر ليه دلوقتي   بتكلم جد طبعا
اسيل..:  واخيرا
كرم  ..:  ثوانى هرد واجيلك
اسيل..:  تمام
كرم..:  بصى انا لازم امشي دلوقتى  حاجه  مهمه
اسيل  ..:  ايه فيه ايه شغل يعنى
.. اكيد عنده شغل فى المستشفى
لا لا انا لسه شاكه فيه انا هراقبوا
چود..:  رايحه  فين يا ختى
اسيل..:  مشوار كده وهاجى سلام
كرم..:  عامله ايه  يا بنتى وحشتيني جدا 
نانا..:  الحمدلله  وانت كمان وحشتني  وحشنى ايام زمان
كرم..:  انا اكتر والله  اخيرا قررتى تستقرى هنا
نانا..:  اه خلاص بقا انا خلصت دراستى وجيت اشتغل هنا
كرم..:  وياترا الهانم بقيت دكتوره ايه
نانا..:  دكتوره القلب عشان اعالج قلبك
كرم..:  والله  انا قلبى لازم يتعالج فعلا قلبى مش معايا
نانا..:  انت اتجنيت خالص
كرم..:  انتى هتيجى تشتغلى معايا فى المستشفى 
نانا..:  اممممم ماشي
كرم..: تيجى من بكرا
نانا..:  خلاص اتفقنا
أسيل جريت علي  عربيتها قبل ان تسمع باقى حديثهم وذهبت الى منزلها وهى تبكى واخبرت والدتها بكل شي فهى لن تخبئ شيأّ  عنها..
نانا..: مش هتعرفنى على اللى خاطفه قلبك
كرم..:اكيد هعرفك ان شاءالله يلا عشان اوصلك
باك...
اسيل ببكاء..: ديه كل حاجه يا كرم ياريت تفهمنى عشان انا كل ما افتكر اللي حصل ببقا هموت انك ضحكت عليا
كرم بصدمه..: انتى فهمتى كل حاجه غلط
خالص بس انا غلطان انى مقولتلكيش انا اسف علي ديه بجد
اسيل..: يعنى ايه؟
كرم..: يعنى ديه بنت خالتى وكانت بتدرس فى المانيا وانا روحت عشان استقبلها لما رجعت من السفر وهى اكتر من اختى احنا متربين مع بعض
اسيل..: وايه ان شاءالله هعالجلك قلبك ديه
كرم..: مانتى لو كنتى سمعتى الباقى  كنتى هتفهمى هتعالجلى قلبى من  حبك انا حاكيلها كل حاجه عنى وهى بردو كذلك
اسيل..: يعنى انت مش بت....
كرم..: لا انا بحبها اختى لكن بحبك انتى مراتى واختى وصحبتى وكل حاجه بالنسبالي
اسيل ببكاء..ودفنت وجها بين يديها:انا غبيه انى مقولتلكش ساعتها عشان تفهمنى وضيعتك من ايديا يوم لما جيت واتقدمتلى انت دلوقتي مش هتكلمنى تانى صح ومعدتش بتحبنى كمان
كرم مسك ايدها..: شششش انتى مضيعتنيش ولا حاجه ولا زعلان وعشان ننهى الموضوع ده تعالى اعرفك على نانا عشان هى كان نفسها  تشوفك
بس الاول فيه حاجه
اسيل..: ايه.. انا عارفه خلاص معدتش بتحبنى
كرم جلس على ركبتيه امامها..: تقبلى تتجوزينى يا دكتوره اسيل
اسيل..بفرحه: ايوه
كرم..:عرفى باباكى انى هاجى بكره..يلا تعالى
كرم..: نانا..
نانا..:نعم
كرم..: مفاجأة
نانا..: استنى ديه من كتر كلامك عليها اكيد ديه حب عمرك اسيل يعنى
كرم..: صح
نانا..: انا حبيتك اوى من كلام كرم عليكى
اسيل..: انا اسفه اوى
نانا باستغراب..:اسفه ليه فيه ايه يا كرم
كرم..: كانت فكراكى حبيبتى وفكرانى ضحكت عليها
نانا..:طيب خلاص متتأسفيش هسمحك بشرط
اسيل..: ايه هو
نانا..: نبقا صحاب
اسيل..: طبعا
نانا..:ده غير انك هتبقى مرات اخويا
اسيل..: ربنا يخليكي
..همشي انا بقا اروح اطمن على طنط
كرم..:طيب ماتسألى نانا هى كانت معانا فى العمليه وهى ودكتور وائل اللي متابعين حالتها
اسيل..:هى بقييت عامله ايه دلوقتي
نانا..: لا ديه بقت كويسه خالص الحمدلله وفاقت كمان
اسيل..: شكرا بجد
نانا..: ده شغلى
اسيل..: عن اذنكوا
•••••••••••••••••••••••••••••••
سليم..:  السلام عليكم 
محمود..:  وعليكم السلام  نورتونا
الكيلاني..: بنورك والله
رفيف..: هى فين ريان ياعمو
محمود..: لسه طالعه من الشغل  شويه وهتيجى.. خير قلقتونا والله 
انور..: لا ولا قلق ولا حاجه خير ماتتكلم بقا يابنى
سليم..: انا اتكلم
انور..: امال انا
سليم  ..: احم.. انا جاى اطلب ايد ابن حضرتك ليا
انور بضحك..: انا كنت كده بس مش للدرجادي  اسكت انت بقا بابا اتكلم  لو سمحت
محمود..: انا مش فاهم حاجه هو ازاى طالب ايد ابنى يعنى
الكيلانى..: احنا طالبين ايد بنتك لا بننا سليم
محمود  كح..: ايه
سليم..: فيه ايه يا انور هو مش هيوافق ولا ايه خلاص ياعم يلا نمشي انا مش عايز اتجوز هيرفض بقا وانا مش حمل رفض والله 
انور..: الراجل متكلمش اصلا
كيلاني..: حضرتك مش موافق 
محمود..: لا انا موافق  بس لما نشوف العروسه طيب 
سليم..: لا لو كده يبقا نقرا الفاتحة  انا عارف راي العروسه
محمود..: نعم!!
انور..: هو يعنى بيقول اكيد هى مش هترفضوا يعنى عندوا امل يعنى
محمود..: اها
رفيف  بخفوت..: انور انا خلاص مش قادره سليم بيعكها  هضحك وهنتفضح
انور  بغمزه..: هو انا واخويا كده لما بنحب من قلبنا جامد مبنعرفش احنا بنقول ايه 
رفيف..: انت حبيبي  والله بس احترم نفسك عشان احنا قاعدين عند  النااس
انور..بغمزه: لينا بيت يترد عليكي فيه عشان هنا مش هينفع خالص
رفيف..: ريان وصلت اهى
مروه..: تعالى اقعدى يا حبيبتي
ريان  باستغراب..: خير ياماما فيه ايه ومين اللي  عندنا...
رفيف..: عامله ايه يا قلبي 
ريان بتوعد..: الحمدلله  .. ممكن افهم فيه ايه
محمود..: يابنتى الراجل طالب ايديكى وبيحبك
سليم..: اه وهموت لو عشت من غيرها كمان
انور..: انت قادر تخليهم يطردونا  اسكت بقا ممكن
ريان بفرحه  ..: امم وحضرتك قولت ايه
محمود..: انا موافق بس مستنى رأيك
ريان  بتلقائيه..: انا موافقه بردو
سليم..: يبقا نقرا الفاتحة 
وبدءؤا فى قرايه الفاتحة 
سليم..: ممكن اطلب منك طلب ياعمو بس لوحدنا
محمود..: اه اتفضل يابنى
سليم  ..: انا عايز الخطوبه تبقا اخر الاسبوع ومعاها كتب الكتاب  والفرح
محمود..: ايوه بس
سليم  ..: مفيش بس ياعمو والله  انا بحبها وكل حاجه جاهزه حتى البيت جاهز بكل حاجه  انا عايزها هى بس ومش عايز حاجه  تانيه
محمود..: مش عارف طيب نسألها
سليم..: ماشي واللي هى هتقوله هيحصل
محمود..: تعالى ياريان
ريان..: حاضر  .. نعم يا بابا
محمود..: بصى يا بنتى سليم عايز....
ريان..: لا ممكن تبقا خطوبه وكتب كتاب لكن خلى الفرح بعدهم بلاش معاهم
سليم..: وانا موافق من غير ما اسالك ليه بس الفرح يكون الاسبوع اللي  بعده
ريان  ..بتفكير:.. ماشي
محمود..: ربنا يفرحكوا يا حبايبي..
•••••••••••••••••••••••••••••••
رفيف..:انا فرحانه اوى انهم هيتجوزوا ونفسي كلهم يتجوزوا زينا كده
انور..: طيب ما تسيبك منهم شويه صغيرين بس
رفيف..بتنهيده:عايز ايه يا انور
انور..: عايزك تنامى فى حضنى ممكن ولا ايه
رفيف..: ممكن ونص كمان انور انا بجد فرحانه اوى انى بقيت معاك ومش هبعد عنك ابدا
انور.:انا مبقيتش استريح لو نمت وانا بعيد عنك لازم انام فى حضنك
رفيف..:وانا
انور..:حبيبتى واختى وصحبتى وكل دنيتى
رفيف باسته فى خده..: بحبك والله