ထိုက်တော်ဝ်မှာ မျက်နှာကြီးတည်လျက် စာအုပ်ကိုသာစိုက်ကြည့်နေသည်။ သူထင်သည့်အတိုင်း အတန်းတစ်ခုလုံးရဲ့မျက်လုံးတွေက သူတို့လေးယောက်လုံးကိုအကြည့်မခွာနိုင်။ တစ်ချို့တွေဆို ပေါ်တင်တစ်မျိုး ကွယ်ဝှက်၍တစ်ခါ သူတို့အုပ်စုကို ကင်မရာလှမ်းချိန်နေကြသည်။
ဘေးကိုကြည့်လိုက်တော့ သူ့ကိုဝိုင်းရယ်ခဲ့ကြသည့် သုံးယောက်က ခေါင်းချင်းဆိုင်ကာ အကြောင်းအရာတစ်ခုကိုလေးလေးနက်နက်ဆွေးနွေးနေကြသည်။ သူမှာ အပယ်ခံရသည့်ခံစားချက်ကြီး။ ဆရာမကစာသင်နေသော်လည်း အားလုံးရဲ့အာရုံက သူတို့ဆီမှာ။
ဆွေးနွေးလို့ပြီးသွားကြပြီထင်သည်။ သူ့ဘက်ကိုလှည့်လာကာ အနီးဆုံးမှာရှိသည့် လှိုင်းရိပ်ထင်က...
"ဟေ့..ထိုက်။ ငါတို့ ရွက်ဝါအိမ်သွားမလို့ လိုက်ခဲ့မလား။ ကျူရှင်ပြန်ရင် ထမင်းတစ်ခါတည်းဝင်စားမလို့။ ရွက်ဝါကပိုချက်ခိုင်းထားတယ်တဲ့။ "
"တော်ပြီ။ အဆောင်ပဲပြန်တော့မယ်။ စကားမပြောနဲ့တော့ စာသင်နေတယ်။ "
ခေါင်းငြိမ့်ပြပြီး ဟိုနှစ်ယောက်ဘက်လှည့်သွားသည်။
လှိုင်းရိပ်က ဆရာမကြားသွားမှာကြောင့် ထိုက်နှင့်တိုးတိုးလေးပြောနေတာတော့ ဘေးကနှစ်ယောက်မှာမကြားရ။ ဒီတော့သူက ကြားခဲ့သမျှကိုပြန်ပြောပြရုံသာ။ ဒီနှစ်ယောက်ရဲ့ စိတ်ဝင်စားမှုအားကအတော်ကောင်းတာကြောင့် ကျူရှင်ဆင်းသည့်အထိတောင်စောင့်နေနိုင်ဟန်မရှိ။ ဒီအထဲ လေပြေမှာ ထိုင်ခုံပေါ်ကနေ မြောက်ကြွမြောက်ကြွပင်ဖြစ်နေပြီ။ ရွက်ဝါကတော့ သူ့ထက်နည်းနည်းငြိမ်သေးသည်။
လှိုင်းရိပ်ထင်လေပြေကိုကြည့်ပြီး ရယ်ချင်လာသည်။ ထိုက်နဲ့ပတ်သက်ရင် သူကဦးအောင်သိချင်ပေမယ့် သူရလိုက်သည့်နေရာတိုင်းက ထိုက်နှင့်အဝေးဆုံး။ ခဏကဆိုင်ကယ်စီးတုန်းကလည်း ကြားထဲမှာသူနှင့်ရွက်ဝါကခံထားပြီး ခုလည်းဒီတိုင်း။ အဖွဲ့ထဲမှာ လေပြေက စပ်စုဆုံးနှင့် အသွက်ဆုံး။
"မလိုက်တော့ဘူးတဲ့။ ထင်တော့ထင်သား ရွက်ဝါအိမ်ကိုဆိုလိုက်မှာမဟုတ်ဘူး။ ဖူးသစ်အောင်ကိုစိတ်ရှုတ်လို့နေမှာ။ သူမပြောနဲ့ငါတောင်မင်းညီမကို မျက်စိနောက်တယ်။"
