နန်းတော်ရင်ပြင်တွင်လူအပေါင်းရဲ့နာနာကျင်ကျင်အော်ဟစ်သံများနှင့် ဓါးသံတို့ဟာတချွင်ချွင်နဲ့ဆူညံနေတယ် မီးလောင်ကျွမ်းနေသံတို့ဟာလည်းတဗျစ်ဗျစ်
နဂါးနီဝတ်ရုံကိုဆင်မြန်းထားသောလူတစ်ယောက်ကတော့ သူ့အခန်းထဲမှာတံခါးဝကိုကျောပေးရပ်ရင်းလာခေါ်မယ်ပြောတဲ့တစ်စုံတစ်ယောက်ကိုစောင့်မျှော်နေလေတယ်။
ဝုန်းခနဲတံခါးပွင့်သံနှင့်အတူ ကြမ်းတမ်းစွာလှမ်းလိုက်တဲ့ခြေသံကြောင့် အလန့်တကြားနောက်လှည့်ကြည့်မိတော့ စိမ်းဖန့်ဖန့်ဝတ်ရုံကိုဝတ်ဆင်ထားသော သူ့ရဲ့ကြင်ယာတော် လက်ထဲတွင်လည်းသွေးများစွန်းပေနေသောဓါးတစ်လက်ကိုကိုင်ထားကာ သူတစ်ခါမှမမြင်ခဲ့ဖူးတဲ့အပြုံးမျိုးပြုံးနေသေးသည်။
မျှော်လင့်နေတဲ့လူဆိုပေမယ့် ကြင်ယာတော်ရဲ့အပြုအမူကြောင့်နည်းနည်းတော့စိုးရိမ်လာမိတယ်
"ဝမ်..."
ကြင်ယာတော်ဝမ်ကဟက်ခနဲတစ်ချက်ရယ်လိုက်ပြီး သူ့လက်ထဲမှဓားနဲ့တည့်တည့်ချိန်ထားလိုက်တယ်။
"အပြစ်လုပ်ထားပြီးထွက်ပြေးလို့ရမယ်ထင်နေတာလား"
"မင်း မင်းသစ္စာဖောက်ပဲ..."
"အဟက် ကျုပ်အစတည်းကအရှင့်ဆီမှာသစ္စာမခံထားပါဘူး ကိုယ်ထင်တာတွေဇွတ်ပြောမနေနဲ့"
"မင်း..."
"ခင်ဗျားကခပ်အအ ဘုရင်တစ်ပါးဖြစ်နေလို့သာ အခုလိုပုန်ကန်ဖို့ပိုလွယ်သွားတာ
စိတ်ချပါ ခင်ဗျားကိုအညင်သာဆုံးနည်းနဲ့အသက်ပေးထွက်ပါ့မယ် ရှောင်ကျန့်"
"...."
သူအံ့သြလွန်းလို့ဘာမှမပြောနိုင်တော့ပေ။ သူသိတဲ့ကြင်ယာတော်ဝမ်ကဒီလိုစကားတွေကိုမပြောတတ်ဘူး အမြဲတမ်းသူ့အပေါ်ဂရုစိုက်နားလည်ပေးကြင်နာပေးတဲ့လူတစ်ယောက်။
ဒါဆို ဒါတွေအားလုံးကအတုအယောင်တွေ သူ့ကိုအယုံသွင်းခဲ့တာတွေပေါ့
မင်းကြီးရှောင်ကျန့်ဟာတုန်လှုပ်စိတ်နဲ့နောက်ကိုယိမ်းယိုင်ကာဖင်ထိုင်ရက်လဲကျသွားတယ်။
YOU ARE READING
𝐈'𝐦 𝐑𝐞𝐚𝐥𝐥𝐲 𝐒𝐭𝐫𝐚𝐢𝐠𝐡𝐭!!!! 𝐁𝐔𝐓... (Cᴏᴍᴘʟᴇᴛᴇᴅ)
Fanfiction𝐘𝐢𝐳𝐡𝐚𝐧 𝐟𝐚𝐧𝐟𝐢𝐜 [𝗡𝗼𝘁 𝗧𝗿𝗮𝗻𝘀𝗹𝗮𝘁𝗶𝗼𝗻]✓ အမယ် သေပြီးမင်းကြီးဖြစ်သွားလို့ ဝမ်းသာမယ်ကြံသေး ငါလေးက'ကော'တစ်ယောက်တဲ့ (သွေးတစ်ပွက်အန်သွား) လက်ခလယ်ပဲနော် 6ᵗʰ Sᴛᴀʀᴛ - 11.6.2021 Eɴᴅ - 3.11.2021 အမယ္ ေသၿပီးမင္းႀကီးျဖစ္သြားလို႔ ဝမ္းသာမယ္ႀကံ...
