𝐈'𝐦 𝐑𝐞𝐚𝐥𝐥𝐲 𝐒𝐭𝐫𝐚𝐢𝐠𝐡𝐭!!!! 𝐁𝐔𝐓... (Cᴏᴍᴘʟᴇᴛᴇᴅ)

11

လမ်းဘေးစျေးသည်တို့၏အသံစွာစွာစွာစွာဖြင့်ရောင်းချနေသံများဟာ စျေးအတွင်းဆူညံလျက်ရှိနေလေသည်။
ဆိုင်ခန်းများထဲရှိစားသောက်နေကြသောလူတွေဟာလည်းရောက်တတ်ရာရာစကားများအားပြောဆိုနေကြပြီး  စျေးလမ်းမထက်တွင်တော့ကလေးတစ်သိုက်ရဲ့ဆော့ကစားနေမှုကြောင့်သွားလာနေသူများကိုပင်တွန်းတိုက်မိသွားကြသေးသည်။

အမှတ်တရအမွှေးအိတ်လှလှလေးများနှင့်မိန်းကလေးသုံးအလှကုန်များရောင်းချနေသောမိန်းမပျိုလေးဟာလည်းသူမ၏ချိုသာသောအသံကိုသုံးကာ လှပျိုဖြူတို့အားသူမ၏ကုန်ပစ္စည်းအရည်အသွေးတို့အားပြောဆိုကာ ဝယ်ချင်လာရန်ပြောဆိုရောင်းချနေလေသည်။

ကောက်ရိုးခမောက်ကိုခပ်ငိုက်ငိုက်ဆောင်းထားပြီး ခပ်နွမ်းနွမ်းအဝတ်တို့ဝတ်ဆင်ထားသောလူတစ်ယောက်ဟာထိုမိန်းကလေး၏စျေးဆိုင်ရှေ့တွင်ရပ်တန့်သွားပြီးအမွှေးအိတ်တစ်အိတ်ကိုကိုင်တွယ်ကြည့်ရှုလာလေသည်။

သူ့ရဲ့ကုန်စည်ကိုစိတ်ဝင်တစားကြည့်လာတဲ့လူကိုတွေ့တော့မိန်းကလေးဟာအပြုံးချိုချိုတို့ဖြင့် သူမကုန်စည်ရဲ့ကောင်းကြောင်းတွေကိုဟုတ်သည်မဟုတ်သည်အပထားအမွှန်းတင်ကာပြောဆိုလာတော့သည်။

"အစ်ကိုလေး အဲ့ဒီအမွှေးအိတ်ကအရှေ့တိုင်းပြည်ကနူးညံ့လှတဲ့ချည်သားနဲ့ရက်လုပ်ထားပြီး သစ်ခွပန်းနံ့သင်းသင်းလေးကလည်းတစ်ချိန်လုံးမွှေးပျံ့နေမှာပါ သာမန်အမွှေးအိတ်တွေထက်တစ်ပတ်ကြာအောင်အမွှေးနံ့ကတာရှည်ခံပြီး ကြေးပြားငါးပြားပဲကျပါတယ်ရှင့်..."

အရှေ့တိုင်းပြည်ကချည်ထည်နဲ့ရက်လုပ်ထားတာတဲ့လား
သူတော့ သဘောကျလောက်မှာပါ...

လူငယ်ဟာအမွှေးအိတ်လေးအားနှာခေါင်းအနားသို့ကပ်ကြည့်လိုက်တယ်။
ထို့နောက်သူ၏ပါးလျသောနှုတ်ခမ်းလေးကလှပစွာကော့တက်သွားခဲ့ပြီး ကလေးဆန်ဆန်သာယာနာပျော်ဖွယ်အသံလေးကထွက်ပေါ်လာခဲ့တယ်။

"ကျွန်တော်နှစ်ခုယူပါ့မယ် ကျေးဇူးပါ.."

မိန်းမပျိုလေးဟာပြုံးပြုံးရွှင်ရွှင်ပင်သူမ၏စျေးဝယ်သူအားအမွှေးအိတ်နှစ်အိတ်ပေးလိုက်ပြီး ပေးလာသောကြေးဆယ်ပြားအားသူမခါးထက်ရှိငွေအိတ်ထဲသို့ထည့်လိုက်လေတော့သည်။