فتاة تتحدى الجميع

البارت العاشر

آسر بضحك : ههههه واضح
جوري : الفيلم ده ممل إيه رائيك نلعب بلايستيشن
آسر : فكرة يلا نلعب ده أنا ههزمك شر هزيمة
جوري بسخرية : ها ها ها إنت متعرفش أنا مين ده أنا حريفة الحريفين
آسر : هنشوف
بدؤا يلعبوا حتى نام كلاهما مكانهما على الكنبة
استيقظ آسر على رنين هاتفه ووجد جوري تسند ظهرها على ذراع الكنبة وقدم عليه والأخرى بجانب وجهه ولم يستطع أن يكتم ضحكته ولكنه توقف عندما رأى أنها تشبه الأطفال كيف يمكن لفتاة مثلها أن تمسك شركات كبيرة وتديرها ببراعة تجعل الجميع يتكلم عن قوتها استيقظت جوري على صوت هاتف آسر الذي نسيه أثناء تأمله لجوري أنزلت جوري قدميها على الأرض بسرعة وخجل
جوري : إنت بتبصلي كدا ليه
آسر :......
جوري : طيب رد على الفون
آسر بتوهان : ها
جوري : لا الواضح إنك لسه نايم
أجاب آسر على الهاتف وهو يبتسم لجوري
آسر : أيوة يا أستاذ عبد الله
عبد الله : إنتوا فين يا بني أنا مستنيكم في مطعم الفندق من زمان ولما زهقت طلعت أوضتي أنا والعيال
آسر بصدمة : إيه هي الساعة كام؟!
نظرت جوري في الساعة بصدمة وجدتها الواحدة ظهرًا
جوري : أحييييه
آسر بضحك على منظر جوري وفمها يكاد يقبل الأرض : أسفين يا عبد الله باشا راحت علينا نومه بس كلها نص ساعة ونيجي لحضرتك
عبد الله : خلاص تمام وأنا هكلم إبني وخطيبته يجوا على ما توصلوا
آسر : تمام .. سلام
عبد الله : سلام
أغلق الخط وجوري مازالت في نفس الوضع
آسر : ههههه مهو لو فضلتي كدا هنتأخر تاني يلا إطلعي إلبسي وأنا كمان طالع ألبس
ركضت جوري إلى غرفتها واستعدت في عشر دقائق بالظبط مما جعل آسر يُصدم
آسر : إنتي لحقتي إنتي أسرع بنت بتجهز شوفتها في حياتي
جوري : إنجز ومش تتنح كتير أنا كل إللي عملته خدت شور سريع ولبست ونزلت
آسر بصدمة : نعم وخدتي شور كمان لا أنا ممكن أتجن كدا
جوري : وإيه فيها 8 دقائق في الحمام واتنين لبست فيهم ده فستان يعني مخدش إلا 10 ثواني ودقيقة و50 ثانية في تسريح شعري
آسر : لا مهو أنا ممكن أتجلط من الصدمه يلا بينا
ذهبوا إلى المطعم وإتفقوا على كل شيء وعرفوا الأفكار التي تريدها العروسة والعريس وجاء وائل الذي إنصدم آسر برؤيته ولكنه عرف فيما بعد أنه جاء لأجل عقود العمل
ذهب وائل للفيلا لأنه متعب ويحتاج إلى النوم وذهبت جوري مع آسر إلى أحد الشواطئ ليتمشوا
آسر : أوبا أنا نسيت الفون في العربية هروح أجيبه وأجي بسرعة
جوري : متتأخرش عليا
آسر بفرحة : عيوني
بعد ذهاب آسر بدقائق إقترب شابين من جوري
الأول : هو الجميل ماشي لوحده ليه
الثاني : بس عيب علينا نسيبها وحدها ولا إيه
الأول : ولا أه
جوري بشجاعة لا تعرف من أين جاءت : إحترم نفسك أنت وهو وسعوا من قدامي
أمسكها الأول من ذراعها : لا يا موزة إنتي فاكرة إننا هنسيبك تمشي بسهولة كدا هو دخول الحمام زي خروجه يا قطة
جوري : أديك قولتها وأنا بقى مدخلتش الحمام عشان أخرج منه
ونفضت يده بقوة ولكنه أمسكها مجددًا
جوري : بص يا اسمك إيه لو مش سبت إيدي حالًا هخليك تندم
الأول : أنا عايز أندم
وحاول تقبيلها بقوة ولكن هناك من أمسك يده الممسكة بيدها وأبعدها بقوة وظل يضربه ولكن صديقه ضربه بعصا على رأسه من الخلف
جوري بصراخ ودموع : آسررررر
سقط آسر مغشيًا عليه وهرب الشابين وجلست جوري بجانب آسر وظلت تبكي بهستيريا على منظر آسر والدم الذي ينزل من رأسه شاهدهم رجلين وجاءوا لمساعدتهم ووضعوا آسر في السيارة وركبت جوري وقادت السيارة إلى المسشفى بسرعة جنونية
جوري وهي تبكي وتنظر لآسر الفاقد للوعي بجانبها : آسر أرجوك مش تسيبني أنا مش هستحمل بعدك أنت الشخص إللي دايمًا بيتحداني وبحب خناقاتنا أرجوك أنا ممكن أتدمر لو حصلك حاجة
في المستشفى تقف جوري أمام غرفة آسر ومنتظرة خروج الطبيب بفارغ الصبر وتبكي في صمت
الطبيب بعد أن خرج : هو حضرتك مراته
جوري : إيه لا.. هو كويس يا دكتور
الدكتور : الحمد لله إنك جبتيه هنا على طول لو إتأخر كمان شوية كان فيه احتمال يدخل في غيبوبة
جوري : هو أنا أقدر أشوفه
الدكتور : هو حاليًا نايم تحت تأثير المخدر وياريت تكلمي حد من أهله إنتي تقربيله إيه
جوري : هو صديقي بس أهله مش هنا إحنا جينا هنا علشان شغل
الدكتور : طيب لازم حد يسجل بيناته ويدفع الحساب
جوري : أنا ههتم بكل ده
الدكتور : طيب تقدري تروحي  مع الممرضة
ذهبت جوري مع الممرضة ودفعت الحساب وسجلت معلوماته كلها وجلست على كرسي بجانبه وهي تمسك يده في إنتظار أن يستيقظ رن هاتف جوري
جوري بصوت مبحوح من كثرة البكاء : ألوو
وائل : مال صوتك يا جوري وإنتوا إتأخرتوا كدا ليه إنتوا فين
جوري بعد أن دخلت في نوبة بكاء جديدة : وائل ....
وحكت له ما حدث
وائل : إهدي يا حبيبتي أنا جاي في الطريق متخافيش أنا مش متعود عليكي كدا إنتي قوية يا جوري
جوري ببكاء : لو آسر حصله حاجة أنا مش هسامح نفسي
وائل : مش الدكتور قال إنه كويس يبقى خلاص إهدي بقى
أغلق وائل الخط مع جوري وبعد بضع دقائق بدأ آسر يستيقظ
آسر وهو يجلس : أه دماغي أنا فين
جوري بفرحة : أنت صحيت يا حبيبي أأأأأ أقصد إيه صحيت يا يا آسر آسر بابتسامة : لا الأولى أحلى
جوري :.....
*بقلمي: أميرة الظلام (مروه كمال محمد)*