جوري : تمام خالص كدا سيبه يا كريم وإنت إطلع نام وبكرا لينا كلام تاني لما تبقىٰ في وعيك
صعد الجميع للنوم عدا جوري التي ذهبت لغرفة المكتب وظلت تعمل حتى الساعة الرابعة فجرًا صلت الفجر وذهبت في نوم عميق
وفي الصباح الساعة السابعة وجدت الجميع في الأسفل عدا يوسف الذي مازال في سابع نومه
جوري بسخرية : هو الباشا لسه نايم، ده حتى نام قبلي على العموم أنا لما أرجع هتكلم معاه، جدو أكيد قالولك على قراري ممكن تقولي ده صح ولا غلط
سليم : وإنتي من إمته قراراتك بتكون غلط أنا فرحان بيكي ومش ندمان ولو بنسبة واحد في المية إني خليتك المسؤله بس عايز أسالك متأكدة من قرارك ده يا بنتي
جوري : مية في المية علشان لو فشل محدش يفتح بوقه ولو نجح هشيله على رأسي والشركات هتتقسم بالعدل وبس
بعد تناول الإفطار ذهبت جوري إلى العمل والساعة 7 ونصف كانت في الشركة مر اليوم وعادت جوري للبيت ووجدت يوسف والجميع بإنتظارها
يوسف : كنتي فين إتأخرتي ليه أكيد علشان أتلطع أنا هنا
جوري : لو محترمتش نفسك أنا عارفة هخليك تحترمها إزاي ده واحد، إتنين بقى أكيد حكولك ودلوقتي سمعني قرارك مستعد ولا لا
يوسف : ماشي بس مش عدل إنك تبقي الوصيه عليا أنا كبير وأقدر أبقى وصي على نفسي
جوري : كبير على نفسك أنا مش مستعده أخسر ولا شبر من الشركات
مر إسبوع وجوري لم تخسر أي صفقة وعاد أحمد وسلمى وإستطاعت جوري أن تجعل آسر يجن بموهبتها بسبب عدم مقدرته على أخذ أي صفقة منها
جوري : يلا بينا أنا فهمتك كل الشغل وأرجوك أرجوك متغلطش
يوسف بضيق : متخافيش أنا مش عارف ليه إنتي إللي بتعلميني أصلا
جوري : علشان إللي هيشتغل في الشركة هيشتغل بطريقتي أنا وبس
أحمد وهو يتجه نحوهم : أنا خلاص خلصت
جوري : رايح فين
أحمد بابتسامة : الشركة يعني هروح فين دلوقتي
جوري : هههههه ده عند مامي يا بطه
أحمد : ليه إن شاء الله
جوري : يا بني إنته لسه محرمتش من إللي عملته إحمد ربنا إني مش قتلتك
أحمد : خلاص سوري بقى
جوري : أعمل إيه بيها سوري دي هترجع الصفقات إللي خسرناها
أحمد : مقولنا سوري الله بطلي رخامه
جوري : طيب أما نشوف أخرتها بس مش هتعمل حاجة إلا لما تقولي
أحمد بهزار : ومش هدخل الحمام كمان غير لما أقولك تمام
جوري : أوف دمك تقيل إمشوا إنتوا الإتنين قدامي
في الشركة وتحديدًا في مكتب جوري
جوري : إتفضل إنته وهو أدي صفقة إجتماعها بعد ساعة عايزاكم تدرسوا الملفات كويس وتطلعولي المشكلات وإيه إللي مش هيفيد الشركة أو هيضرها ..يلا إختفوا
أحمد : إعتبرينا إختفينا وعندي سؤال معلش إنتي ليه منكده كدا عامله زي إللي كبوا طبيخها
يوسف : ههههه لا مش قادر أتخيل شكلها
جوري : هتطلعوا بره بالزوق ولا تحبوا تطردوا
أحمد وهو يتجه للباب مع يوسف وهما يضحكان : خلاص طلعنا
في غرفة الإجتماعات قبل وصول المتعاقدين
جوري : ها إيه المشاكل أو إيه إللي مش مناسب لينا
يوسف : ولا حاجة الصفقة حلوة جدًا
أحمد : أنا رأي من رأيه، تقريبًا مفيش مشكلة
جوري : طيب يوسف من حقه ميعرفش علشان لسه جديد وحضرتك إيه جديد بردو
أحمد : طب أنا مش شايف مشكلة قوليلي إنتي
جوري : أولًا المبلغ مش حلو خالص
يوسف : بس دا مبلغ كبير جدًا إيه إللي مش حلو فيه
جوري : أكمل كلامي متعصبونيش إنتو قررتوا إن المبلغ حلو من غير ما تحسبوا المصاريف المبلغ إللي هناخده بعد كل ده قليل جدًا وثانيًا دول حاطين شرط إنهم يقدروا يسحبوا الشغل مننا في نصه ويسلموه لحد تاني
أحمد باستغراب : أنا ملاحظتش ده خالص إزاى دا
جوري : علشان همن أذكية حطوا الجملة دي وسط السطور علشان مش نلاحظها بس على مين عمومًا لما يجوا نشوف الموضوع ده
دخل وائل غرفة الإجتماعات مقاطعًا لهم
وائل : سوري على التأخير وحشاني يا قطة
جوري وهي تحضن وائل وتبتسم : إتأخرت بس هعديهالك إدخل إقعد لحد ما يجوا
أحمد : أنت بتعمل إيه هنا أنت مش سيبت الشركة أول ما جوري مشيت
وائل : يا بني أنا مش بشتغل غير مع الأفضل.. الأفضل وبس وأنا وأنت عارفين إن جوري الأفضل
جوري بغرور مصتنع : ياه حاجة حلوة لما تكون قاعد وتسمع مديح الناس ليك
وائل : ده مش مدح ده واقع ..أيوة صح حظري مين كان عايزني أشتغل معاه
جوري بضيق : يا رب ما يكون إللي في دماغي
وائل بضحك : يبقى هو
أحمد بفضول : مين ده
وائل : آسر يا باشا وعازمني النهارده على الغداء وأعتقد علشان يحاول معايا تاني
جوري بابتسامة خبث : يبقى أنا هاجي معاك
وائل : ههههه النظرة دي والإبتسامة دي مش وراهم حاجة كويسة وبعدين ده عازمني أنا مش إنتي
جوري ببراءة مصتنعه : أنا دا أنا كيوت خالص وبعدين هاجي بالعافية يا أما أنت مش هتروح
وائل : يا بنتي عيب تيجي من غير عزومه
جوري : اسمع بس أنا عندي خطه تحفه.......
*بقلمي: أميرة الظلام(مروة كمال محمد)*
أنت تقرأ
فتاة تتحدى الجميع
Fiksi Remajaجوري الأمير فتاة تتحدى كل من يقف في طريقها ودائمًا تفوز؛ ولكن عندما يظهر آسر في حياتها تنقلب اللعبة وتقع في حبه، من سيربح في لعبة العشاق جوري أم آسر ؟!
