آسر : أنا واثق ومتأكد إنك أحسن مصممة بس ...
جوري مقاطعة : أنا مش قصدي أحسن مصممة في الشغل وبس، قصدي إني مش خاينة وهوريهم وهيندموا
آسر : خلاص يا حبيبتي إهدي وريحيلك شوية ولو إحتجتي حاجة أنا موجود
جوري : ميرسي يا آسر تصبح على خير
آسر : وإنتي من أهل الخير
بعد إسبوع واحد إستطاعت جوري أن تشتري شركة وتبدء عملها ولم تترك التصاميم أو الملفات المهمة في المكتب بل كانت تأخذها معها إلى المنزل وفي أقل من شهر إرتفع اسم شركتها في السوق ولاحظت أنه بمجرد ذهابها وإمساك يوسف وأحمد الإدارة لم يتم سرقة ولو ملف واحد وأدهم ترك العمل وذهب ليعمل معها
جوري وهي تدخل شركتها بكل ثقة وتذهب إلى مكتبها : أدهم إي أخر الأخبار
أدهم : يارا بتقول إن أغلب إللي بيتعاقدوا معاهم عادين جدًا يعني واحد عايز يبني عماره سكنية حاجات بسيطة خالص
جوري بابتسامة : هانت وتبقى شركتي أحسن الشركات في مصر، أدهم قدرت توصل للي عمل كدا معايا
أدهم : الكاميرات إللي ركبتها في أماكن خفية في الشركة بتوضح إن كل حاجة ماشية عادي مفيش غير يوسف إللي مش قادر أراقبه لأنه أخد مكتبك وأنا مش حطيت كاميرات هناك
جوري بغيظ : لو طلع يوسف هخليه يندم على اليوم إللي إتولد فيه، خلي يارا تحط كاميرات هناك
أدهم : بس إزاي هتقدر تعمل كدا من غير ما حد يشوفها في الكاميرات الأساسية
جوري : إفتح العلبة إللي قدامك دي
فتحها ونظر لجوري باستغراب لأنه كان يوجد بداخلها أنتيكة صغيرة وجميلة وجهاز تنصت صغير
أدهم : مش فاهم
جوري : أنا ههكر الكاميرات في وقت الغداء تقولها تدخل بسرعة وتحط الكاميرا في أي رف من الرفوف وجهاز التنصت ده يتثبت في المكتب من تحت ناحية كرسيه
أدهم : طيب تمام هكلمها لما تروح وبكرا بالظبط هنقدر نراقب يوسف
خبط الباب وسمحت جوري للطارق بالدخول وكان سليم ومحمد
أدهم : طيب عن إذن حضرتك
جوري : إتفضل أقعد يا سليم باشا ومحمد باشا
محمد : ليه بتعملي كدا يا بنتي أنا أبوكي مش محمد باشا
جوري بغضب وصراخ : أبويا إللي وقف يتفرج وشايف بنته بيتقال عنها خاينة وحرامية ها رد عليا
سليم : يا بنتي إنتي مش فاهمة
جوري بضحكة سخرية : مش فاهمه إيه فهمني إنت طالما أنا غبية ومش فاهمه
خبط المكتب ودخلت فتاة في عمر الثلاثين
الفتاة : المتعاقد وصل يا فندم
جوري بصراخ : براااااا إطلعي براا مش عايزة أشوف حد هنا وقولي للزفت المتعاقد يتنيل يستنى في غرفة الإجتماعات لحد أما أخلص
الفتاة بخوف : ح ح حاضر
جوري : ها هتفصلوا قاعدين كتير أنا ورايا شغل فياريت تطلعوا برا
محمد : إنتي بتطردينا يا بنتي
جوري : إعتبرها زي ما تحب المهم تقولوا عايزين إيه وتتفضلوا
سيلم : نسيتينا يا بنتي بالسرعة دي على الأقل إفتكري العيش والملح إللي أكلناهم مع بعض إفتكري إنك بنتنا مننا وعلينا إفتكري إللي كنا بنعمله علشانك
جوري بسخرية : أه وياترا إنتوا إفتكرتوا ده قبل ما تتهموني لا، أه معلش نسيت حاجة كمان إنتوا عملتوا إيه علشاني ههههه أنا إللي طول الوقت بشتغل وبقتل نفسي شغل كمان علشانكم وفي الأخر عند أول مشكلة أقع فيها ترموني إنتوا إيه مش بتحسوا دلوقتي لما مشيت حسيتوا بقيمتي إفتكروا إني قولتلكم هتندموا ويلا مع السلامة
وخرجت وتركتهم وذهبت لغرفة الإجتماعات، وبعد عودتها للمنزل وجدت آسر وكريم وأنور وآسيا في إنتظارها
جوري بابتسامة : أهلا متحاولوش لو فتحتوا الموضوع ده معايا هطردكم زيهم
كريم بضحك : ومين قال إننا جاين علشان كدا أنا جايبلك أيس كريم
آسيا : وجايبين بيتزا كمان
جوري بضحك : أنا مش قادرة أصدقكم طيب يلا ناكل لحسن أنا هموت من الجوع
بعد تناولهم الطعام جلسوا يأكلوا الأيس كريم ويشاهدوا التلفاز
آسر : وصلتي لإيه يا قلبي
جوري : هانت وأعرف مين إللي كان بيعمل كدا وبدعي إن شكي يطلع غلط
أنور : أنا عايز أعرف أنتي بتشكي في مين
جوري : لما أتأكد هقولكم
ورن جرس المنزل فقام كريم ليفتح
كريم بفرحة وابتسامة بلهاء : يارا
يارا بخجل : ممكن أعدي، هي جوري جوا
جوري بصوت عالي : تعالي يا مزة
دخلت يارا
يارا : ها يا ستي أنا هلبس السماعة تحت الطرحة وهكلمك أول ما تبدأ إستراحة الغداء مين إللي هيهكر الكاميرات بقى علشان أنا توهت
أنور : كاميرات إيه !!؟
آسيا : لا بقى فهموني فضولي هيقتلني
جوري : أنا إللي ههكرها متقلقيش
يارا : أيوة بس هو إنتي بتعرفي تهكري أصلًا
جوري : أه بس أخري أهكر حاجات بسيطة زي الكاميرات وكدا، والنظام الأمنى بتاع الشركة قديم يعني مش هيأخد في إيدي ثواني
كريم وهو يتأمل يارا وغير منتبه للحديث أصلا : جوجو انا عايز أتجوز
لاحظت يارا نظراته فنظرت لأسفل بخجل
جوري بضحك : ههههه وماله كلها 4 شهور وتتخرج وتشتغل وبعدها أجيبلك أحلى عروسة
كريم : لا أنا إخترت خلاص
جوري بخبث : منا عارفة وهي دي نفس إللي أنا أخترتهالك بردو
يارا بخجل : طيب عن إذنك يا جوري أنا ماشية
كريم بخضة : إيه!! ليه؟! إنتي لسه واصلة
ضحك الجميع على كريم وذهبت يارا
جوري : بعد تخرجك بشهر هعملك مفاجأة
كريم : هتجوزيني
جوري بضحك : لا
كريم : يبقى مش عايز مفاجأت
جوري بخبث : براحتك
كريم : ........
*بقلمي: أميرة الظلام (مروه كمال محمد)*
أنت تقرأ
فتاة تتحدى الجميع
Teen Fictionجوري الأمير فتاة تتحدى كل من يقف في طريقها ودائمًا تفوز؛ ولكن عندما يظهر آسر في حياتها تنقلب اللعبة وتقع في حبه، من سيربح في لعبة العشاق جوري أم آسر ؟!
