فتاة تتحدى الجميع

البارت 17

ذهبت جوري مع آسر وكريم ويارا إلى الشركة وبمجرد أن نزلت من السيارة ورأت الموتُسكل صرخت بفرحة
جوري وهي تنظر لكريم : يااااي تحفه إنت مش عارف أنا كان نفسي فيه قد إيه
كريم : عارف وعلشان كدا جبتهولك يا هبلة
يارا : سوري هو أه سؤال غبي بس إنتي معاكي فلوس تبني مستشفى يا جوري ومش معاكي فلوس تجيبي موتسكل
آسر : أه أنا عندي نفس السؤال
كريم : جوري لما شافت الموتسكل ده كانت هتجيبه بس مازن اتصل بيها وكان عايزها في حاجة تبع الشغل وجوري طبعًا أحلامها في المرتبة التانية وإحنا والشغل المرتبة الأولى وبعدين لما حبت تشتريه ملقتهوش كان خلص أنا جايبه من برا مصر أصلًا
جوري : وإيه يعني مهو ده الصح
كريم : جوري متعصبنيش
جوري بضحك : خلاص حاضر
كريم : بما إنك النهاردة عماله تحققيلي أحلامي واحد ورا التاني في حلم بحلم بيه من لما ماما ماتت الله يرحمها
جوري بحزن : مقدرش
آسر : هو إنتي سمعتي إيه هو الأول
كريم : عايزها تغني
آسر : إنتي بتغني طب ليه مش قولتيلي
كريم : كانت بتغني زمان بس من لما ماما ماتت وهي رافضة رفض قاطع إنها تغني
آسر : ليه يا جوري
جوري : آسر لو سمحت
كريم : علشان ماما كانت بتحب صوتها جدًا وجوري مش بتغني غير لما ماما تقولها
آسر بتفكير : أممم
كريم بحزن : جوري علشان خاطري
جوري بدموع محبوسة : وحياتي عندك متزنش مش هقدر حاولت ومش قدرت سامحني
وذهبت هي وآسر وبعد قليل
آسر : جوجو
جوري بضحك : نعم
آسر : بتضحكي ليه
جوري : علشان عارفة إنك عايز تقول حاجة إنجز قول عايز إيه
آسر : ليه مش بتغني أنا عارف إن كون مامتك بتحب صوتك ده مش سبب رئيسي
جوري تنهدت وبدأت دموعها في النزول : محدش يعرف الموضوع ده
آسر : طيب انا آسف مش هتكلم فيه بس متبكيش
جوري : لا أنا لازم أقول لحد مش هقدر أخبي أكتر من كدا.. قبل ما ماما تموت صحتني وجات قعدت جنبي وقالتلي أغنيلها إستغربت من طلبها وقولتلها إستني للصبح مش قادرة بس هيٰ رفضت فقومت وغنيتلها وبعدها سابتني وراحت أوضتها رحت وراها أشوف مالها لقيتها نايمة زي الملايكة ( وإزداد بكائها ) سيبتها ورحت أوضتي، الفجر بابا بيصحيها علشان مش من عادتها إنها تفوت الفجر بس مصحيتش إنت عارف يعني إيه أخر صوت والدتك تسمعه يكون صوتك أنا فضلت سنة بتعالج علشان أقدر أتكلم تاني كلهم كانوا فاكرين عدم كلامي سببه حبي الشديد ليها ورجعت أتكلم بس مش قادرة أغني تاني مش قادرة حاولت بس مش قادرة
أوقف آسر السيارة وإحتضنها وظل يحاول تهدئتها
آسر : ليه كتمتي السر ده جواكي مش ذنبك إنها حبت تسمع صوتك ده المفروض إنك تفرحي إنك محظوظة إنتي أخر واحدة سمعت صوتها وبدل ما تغني وتسمعي الكل الصوت إللي مامتك كانت بتحبه بتحرميهم منه
جوري وهي تمسح دموعها بكف يدها كالأطفال : يعني إنت شايف كدا
آسر : أه يا حبيبتي وبعدين حرام عليكي يا مفتريه تحرميني من صوتك يا طماعة
جوري بضحك : خلاص هغني يوم فرح كريم وتبقىةمفاجأة ليه
آسر : هو الفرح امته؟!
جوري : كريم هيروح بكرا يتفق مع عمو أبو يارا
آسر : أممم هيروح لوحده يعني
جوري : لا أنا هروح النهارده عند بابا أكلمه هو وجدو يروحوا معانا
آسر بفرحة : إتصالحتوا خلاص
جوري : ومالك فرحان أوي كدا ليه
آسر : علشان أنا زهقت وعايز أتجوز ارحمي أمي بقى
جوري بضحك : حاضر هفكر في الموضوع دا
آسر وهو يرفع حاجب وينظر لها من فوق لتحت : أفندم ها إيه عيدي مسمعتش
جوري بضحك : خلاص يوه بهزر معاك
آسر : لا لو هزرتي في الموضوع دا هقتلك
جوري بابتسامة : سوري
آسر : هموت أنا من الإبتسامة دي أنا مستعد أعمل أي حاجة وأشوفها
جوري : طيب إحنا رايحين فين دلوقتي
آسر : عازمك على الغداء يا قطة
رن هاتف جوري فضحكت عندما رأت المتصل
آسر : مين وليه بتضحكي
جوري : ألوو إزيك يا حبيبي
المتصل :.....
جوري : واحشني والله
آسر وهو ينظر لها بغيرة ويكاد يقتلها : بتكلمي مين
جوري بضحك : قولتلك قبل كدا متجبش سيرة حد وهو مش هينط
آسر بغباء : مش فاهم
جوري : ده وائل يا ذكي إنت قولتلي يا قطة وعارف إن هو بس إللي بيقولي يا قطة أو قطتي
آسر : بقولك إيه اقفلي مع الواد ده أساسًا أنا مش قادر أصدق إنكم إخوات ومش بطيقه أصلًا
وائل بضحك : افتحي الإسبيكر يا قلبي
جوري : أهو
وائل : بقولك إيه دي قطتي أنا وبس يعني متفتكرش إنها علشان بتحبك هتنساني أو تبطل تحبني
آسر : ارجع إنت من شرم وأنا مش هخليك تنطق أسمها أصلًا
وائل : هههههه شايفة يا قطتي بيهددني
جوري : سيبك منه إنت كنت عايز إيه؟! وإمته هترجع!؟
وائل : أمم عايز إيه عايز أقولك كل سنة وإنتي طيبة يا مزة وهديتك أول ما أجي هدهالك.. وإمته هرجع أممم إيه بعد اسبوع كدا
آسر : طب يلا غور في داهيه وسيبني أستمتع مع البت بتاعتي
وائل : ههههه لا عيب عليك وأنا مين يمتعني، بقولك إيه يا قطتي عايز أعرفك على حد لما أرجع
جوري بخبث : حد ولا حداية
آسر بضحك : إيه حداية دي يا هبلة اسمها واحدة
وائل بضحك : أموت فيكي وإنتي فاهماني أيوة واحدة يا ستي
جوري : طيب ارجع بسرعة بقى خلص الشغل وتعالى طيران
وائل : من عيني
آسر : إيه طيران دي إنتي شايفاه سوبرمان علشان يجي طيران
جوري : دمك تقيل
وائل بضحك : وأنا بقول كدا بردو
آسر : بقى أنا دمي تقيل ماشي مفيش مفاجأت
جوري : إيه لا طبعًا سلام يا وائل يا وحش
وائل :......
*بقلمي: أميرة الظلام(مروه كمال محمد)*