فتاة تتحدى الجميع

البارت السابع

جوري بسخرية : لما أنت تعقل الأول
كريم : مش هيحصل
جوري : مي تو
ذهبوا إلى محل الأيس كريم المفضل لدى جوري
جوري : إزيك يا أنكل محمود واحشني مووت
عم محمود صاحب المحل : ههههه يعني مش الأيس كريم بردو إللي واحشك كريم بضحك : حتى الراجل فاهمك
جوري : إسكت يا واد بص يا عمو النهارده عايزة 15 علبة كبيرة وأنا هختار الأطعمه
كريم بردح : نعممم ياختي 15 إيه لا أنا مش هدفع إدفعي إنتي
عم محمود : متحاولش دايمًا بتقنعك بس عندي فضول ليه 15 المرة دي ده كتير جامد
جوري : أصلي أنا هاخد 9 وال 6 الباقين هوزعهم على المساكين إللي في البيت
كريم مقلدًا فؤاد المهندس في مسرحية سك على بناتك : على يدييي مش بعيد تدينا إتنين بس وتعيشي بالباقي
جوري بلا مبالاة : يلا وسع خليني أختار ..بص يا عمو عايزة شوكلاته فيها قطع أوريو وفراولة دي علبة والتانية من نفس الشوكلاته ومانجا والتالته كنتلوب والباقي مشكل بقى على زوقك
ذهبوا إلى سوبر ماركت وإشتروا الكثير والكثير من الأشياء
" في فيلا عائلة آسر "
بسمة (والدة آسر): آسر حبيبي سرحان في إيه
آسر :......
مصطفى بضحك (أخو آسر): يا بني سرحان في مين يا بخت إللي واخد عقلك
آسر : هااا إيه بتقولوا حاجة
بسمة بضحك : يا بختها
آسر بذهول وتوتر : مين دي
مصطفى : إللي واخده عقلك
آسر في نفسه : هي أه حلوة بس أنا مش مصدق إزاي عيله زيها تفوز عليا
آسر بصوت منخفض : أه يا جوري إن ما وريتك أنا تفوز عليا، ياه دي حلوة بجد
مصطفى : مين دي إللي حلوة
آسر بصدمة : إيه أنا مقولتش كدا خالص
مصطفى بخبث : على إيدي بس تعرفي يا ماما في بنت إسمها جوري تقريبًا مسكت الشركة بتاعت الأمير وآسر صعب عليا مش قادر ياخد ولا صفقة من بتوعها
بسمة بابتسامة : بقى كدا يعني دي إللي واخده عقلك على العموم باين عليها شاطرة
آسر بضيق : أمي أنا طالع أنام قولي للرخم ده يسبني في حالي.. روح جيب مراتك من بيت أبوها وسيبني في حالي
مصطفى بضحك : مهي جايه بكرا هي والعيال
" في غرفة آسر "
قلب آسر : وحشتني موت
عقل آسر : مين دي يا غبي إنت ناسي إنها فازت عليك واللعبة خلصت وهزمتك
قلب آسر : بس أنا بحبها
عقل آسر : يبقى إنت غبي وغبي جدًا كمان وأنا مش همشي وراك
قلب آسر : ماشي بس هيجي يوم وتحن وإنت كمان تحبها
" في منزل جوري "
جوري : طلع الحجات دي يا عم حسين على الدور التالت وسيبهم في الصالة
عم حسين : حاضر يا بنتي
إبراهيم : إيه كل ده
أنور : ههههه حبيبتي هو إحنا داخلين على الشتاء علشان تجهزي للبيات الشتوي
جوري : ها ها ها بارد هضربك يا أنور وإنت مش معزوم على حفلتي
أنور بحزن مصتنع : كدا يا بنت قلبي أنا زعلت منك ده إنتي إللي في القلب يا بت
ضحك الجميع على مزاحهم فجوري واخوتها هم روح البيت
جوري : يا هيما هو فين بابا وجدو وعمو أشرف
شهد : في المكتب .. ومدلعيش جوزي يا بت
إبراهيم : ياه دا أنا هربت منهم مش بيتكلموا غير عن الشغل
لوجين بدلع : وبمناسبة إيه الحفلة دي
جوري بصوت منخفض : بمناسبة موتك يا شيخة بارده بصحيح
كريم بضحك : لو سمعتك هتاكلك
جوري بردج : مين دي يا واد ده أنا أقطعها حتت بسناني
نرجس : جوجو بقولك إي إنزلي كدا
جوري إنخفضت وتكلمت بصوت منخفض : ها مستعدة الخطة هتتنفذ بعد بكرة
نرجس : أيوة إحنا المرة دي هنقطعهم
جوري : عاش يا شبح
نرجس بضحكة طفولية : عاش يا وحش يلا أنا هطلع أنام
عبد الرحمن لجوري : خدي يا بت
كريم : يا بختك ياخي الوحيد إللي بيقدر يقولها يا بت
عبد الرحمن وهو يخرج لسانه لكريم : علشان دي بت قلبي مش أي بت
أنور بصراخ : لاااااا خيانه خيانه
جوري : مالك يلاه
أنور : بتخونيني ومع ده ( وهو يشير على عبد الرحمن ) إنتي بنت قلبي أنا يا جوجو هانم
جوري وهي لا تعير أنور أي إهتمام : خد يا عبودي يا حبيبي (وهمست في أذنه) الخطة هتتنفذ بعد بكرا يلا يا شبح إطلع نام
عمر (عنده لدغه في حرف الراء): جولي إنتي بتكلمي نلجس وعبده وأنا لا
جوري : حبيب قلب جوري يا ناس لا طبعًا بس أنا عملالك مفاجأة بعدين كدا
عمر : أممم طيب يلا هستناكم تصبحي على خيل
جوري : وأنت بخير يا قلبي
جوري خبطت قدمها في الأرض بحركة عسكرية : إجمع هنا يا ظباط
وقف الشباب جميعًا أمامها وقاموا بتأدية التحية العسكرية
أنور : تمام يا فندم
كريم : تحت أمر سعادتك
مازن : تحت أمر سعادتك
أحمد : تمام يا فندم أأمر
سلمى : هههه إيه ده شكلكم تحفه
ندى : هتتعودي دي جوري بردو مش أي حد
جوري وهي تتمشى أمامهم : دلوقتي يا عساكر تطلعوا على فوق وكل واحد ياخد زوجته معاه يلا وحد يجهز الفشار
كريم : خلي حد من الخدم يعملوه
جوري : لا طبعًا عيب عليك تصحيهم دلوقتي وعلشان كدا إنت إللي هتعمل الفشار
كريم ببكاء مصتنع : عاااا لا حرام مش عدل أنا إللي جايب الحاجات إللي فوق دي حد غيري يعمل الفشار بقى
أنور بضحك : صعبت عليا أنا هعمله
آسيا بخجل وصوت منخفض : ممكن أساعدك
جوري بخبث : أممم طيب يلا روحي وراه
جلسوا جميعًا في الصالة في الأعلى وشاهدوا مسرحية العيال كبرت وصوت ضحكهم كان يصل إلى أخر القصر وناموا جميعهم في أماكنهم
مر يومين وأصبحت جوري وآسر أصدقاء
" في صباح اليوم الثاني "
جوري : يلا بينا كدا على البسين المقفول
كريم : ياااه لينا زمان مش عملنا كدا
مازن : أيوة والله
" في غرفة البسين "
جوري : يلا كلو يترص جنب بعض علشان هعد لتلاته وكلنا ننط مع بعض
الكل : أوكية
جوري : 1..2..3
قفز الجميع عدا جوري ونرجس و عبد الرحمن وعمر
الكل : يح يح يح وقاموا بإصدار أصوات إحتكاك أسنانهم ببعضها
كريم بصراخ : يح المية..........
*بقلمي: أميرة الظلام (مروه كمال محمد)*