وائل : ههههه بقيت وحش دلوقتي ماشي هعديها سلام يا قطة
جوري لآسر : حبيب قلبي إنت
آسر : أيوة كُلي بعقلي حلاوة
جوري : ليه بس كدا دا إنت إللي في القلب يا واد
آسر بضحك : والله مجنونة
جوري : أنا مجنونة بيك
آسر : وأنا بحب جنونك ده، يلا انزلي أدينا وصلنا
جوري : أخيرًا
آسر : غمضي عينك
جوري : ليه
آسر : غمضي من غير رغي وهاتي إيدك
غمضت جوري وأمسكت يده وظلت مبتسمة حتى دخلوا وقال لها: فتحي
لقيت المطعم كلو فاضي ومفيهوش غير ترابيزة واحدة وعليها شموع وورد ومعمول طريق بالورد على الأرض لحد الترابيزة أخدها وقعدها وقعد قدامها واتعشوا في جو شاعري تحفة ورقصوا وبعدها أخدها البيت
جوري وهي تدخل : إيه ده أنا كنت منورة النور قبل ما أمشي ....
آسر هات إيدك أنا خايفة
آسر : ....
جوري بخوف : آسر إنت فين متهزرش إنت عارف إني بخاف من الضلمة
آسر : ......
جوري بصوت مخنوق : آسر أنا خايفة أرجوك
وفجأة تشتعل الأضواء وتجد جوري ورد على شكل قلب على الأرض ومكتوب بداخله بالورد تتجوزيني جوري من فرحتها جريت وحضنت آسر
آسر بضحك : يعني أعتبر الحضن ده موافقة
جوري بضحك : أممم لا سيبني اسبوع أفكر لوحدي في هدوء
آسر : لا أسبوع كتير
جوري : خلاص شهر
آسر : إيه لا لا خلاص هي اسبوع حلو جدًا
جوري : طيب يلا باي باي
آسر : نعم!!
جوري : نعم الله عليك يلا Go out
آسر بحزن مصتنع : متخلي الإسبوع يبدأ من بكرا
جوري بضحك : no way يلا مع السلامة
آسر : ماشي يا قطة سلام
آسر في نفسه : هانت وتكوني مراتي هانت يا جوري الأمير
ذهب آسر وبعد ذهابه بقليل إتجهت جوري إلى قصر الأمير وأخذت كل أغراضها معها ووجدت الجميع مجتمع
إبراهيم : وحشاني يا قردة أخيرًا قررتي ترجعي وتسامحينا
جوري : وإنت كمان واحشني يا هيما بس ....
شهد : بت يا جوري متدلعيش جوزي أنا بس إللي أدلعه
جوري بضحك وهي تحضن شهد : أخص عليكي يا شوشو بردو أنا تزعلي مني دا أنا جوجو
شهد بفرحة : وحشاني يا شقيه
جوري : وإنتي كمان بس قبل ما أقعد هنا عندي شوية شروط بما إن أشرف باشا ويوسف باشا مش عايزين يعتذروا الشركة هتتكتب باسمي وهضمها مع الشركة إللي فتحتها لأني أساسًا كنت ناوية أفتح فرع تاني ليها علشان المكان مش مكفي أه ولو قلبتولي قرود سوري في الكلمة مش هرجع الشركة لحد، وافقوا على شروطي وأنا أقعد هنا
يوسف : لا طبعًا
أشرف : إنتي كمان ليكي عين تتشرطي
سليم بغضب : اسكت يا أشرف إنت وابنك
جوري : ثانية واحدة يا جدو بما إن إنتوا مصممين تكرهوني فأنا أحب أفرجكم على الفيديو ده الصراحة مكنتش ناوية أخلي حد يشوفه بس إنتوا إللي مصرين
قامت جوري بتوصيل هاتفها بالشاشة وعرضت فيديو ...
كان يوسف يجلس في المكتب ومعه والده ودار الحوار التالي
يوسف : بابا أنا تعبت ومش عايز أشتغل أنا هعتذر لجوري وهي تيجي تشتغل الشغل ده متعب جدًا
أشرف : إنت اتجننت أنا مصدقت إن إنت بقيت المدير
يوسف : بص يا حج أنا مش ناقص طلبت مني أسرق الملفات وإتفقت مع إللي بيراقب الكاميرات يظبط الأمور بحيث يبان كل شيء عادي بس أنا مش عايز أشتغل
أشرف : وهو أنا عملت كدا ليه مش علشان مصلحتك إنت وأختك
وإنتهى الفيديو
نظر الجميع بصدمة لأشرف ويوسف
جوري وهي تقف أمام أشرف : عمرك يا عمي طلبت مني فلوس علشانك أو علشان يوسف أو لوجي وقولتلك لا
سليم إتجه ناحية إبنه وضربه قلم
سليم : إتفوو على دي تربية يا خسارة تربيتي دي فيك
جوري : جدو لو سمحت أرجوك متعملش كدا أنا وريتكم الفيديو مش علشان تضربه جدو سامحهم وأنا سامحتهم
سليم بغضب : مش هسامح إنتي ذنبك إيه إنك طيبة، إطلع برا بيتي إنت وابنك
جوري : لا يا جدو محدش هيطلع من البيت ده ولو همن طلعوا أنا هطلع بس المرة دي من غير رجعه ومش هتشوفوا وشي ده تاني إلا لما أموت
سليم : سامع سامع مين إللي بيدافع عنكم الوحيدة إللي المفروض تبقى ضدكم
يوسف جري لجوري وباس رأسها وفضل يعيط ويردد : أسف والله أسف مقدرتش أقوله لا دا والدي
جوري بدموع : مسمحاك مسمحاكم إنتوا الإتنين بس نفسي تحبوني زي ما بحبكم
أشرف بحزن وضيق من نفسه : أنا أسف يا جوري يا بنتي أنا غلطت في حقك بس كل إللي عملته دا كان علشان ولادي بس
جوري : مسمحاك من غير ما تبرر ممكن بقى تاخدني في حضنك يا حج
أشرف بفرحة : تعالي يا بنتي
مر اليوم على خير وجعلت جوري الجميع يسامح أشرف ويوسف وجوري أعطت ليوسف عمل في الشركة ولكن ليس متعب ولكنها أصرت على ذلك لكي لا يرجع إلى أصحاب السوء
وفي اليوم التالي استيقظت جوري وذهبت إلى أحد المولات وأثناء تجولها وجدت آسر يجلس في أحد الكافيهات وكانت تنوي أن تذهب وتفاجأة ولكنها صدمت عندما وجدته يجلس مع فتاة ويضحك وهي تمسح له بجانب فمه
جوري بدموع : مستحيل
أخرجت جوري هاتفها واتصلت بآسر لترى ماذا سيفعل
جوري بصوت تحاول أن تجعله طبيعي : آسر حبيبي إزيك يا قلبي إنت فين
آسر وهو يشير للفتاة أمامه أن لا تتحدث : إيه أنا أنا في الشركة يا حبيبتي هكلمك بعدين لحسن أنا هلكان في الشغل دلوقتي
قفل معاها وهي تنظر بصدمة اقتربت من طاولته واستمعت لهما
الفتاة بضحك : إنت بجد هتتجوز الهبلة دي
آسر بسخرية : حظي بقى أعمل إيه لازم أتجوزها وأقنعها نضم شركاتنا لحد ما ألاقي طريقة أخد بيها أملاكها كلها سيبك إنتي من السيرة الزفت دي وقوليلي عاملة إيه دلوقتي يا مزة
*بقلمي: أميرة الظلام(مروه كمال محمد)*
أنت تقرأ
فتاة تتحدى الجميع
Teen Fictionجوري الأمير فتاة تتحدى كل من يقف في طريقها ودائمًا تفوز؛ ولكن عندما يظهر آسر في حياتها تنقلب اللعبة وتقع في حبه، من سيربح في لعبة العشاق جوري أم آسر ؟!
