فتاة تتحدى الجميع

البارت 15

رحاب : يبقى أحسن
جوري بتبتسامة : حبيبي اضربني بالجزمة لو قلتلك تمسكني
آسر بضحك : خلاص يا قلبي بقى سيبك منها
رحاب : سيبها هي فاكرة نفسها مين دي أساسًا باين جدًا عليها إنها شوارعية
جوري بصراخ : سيبنننني أنا شوارعية يا زبالة يا حقيرة
وضربت آسر بكوعها فتركها ومسكتها من شعرها
جوري : مش أنا شوارعية في نظرك يبقى مفيش مشكلة أعمل زيهم
رحاب بوجع وصراخ : أأأأأأه شعري يا مجنونة
آسر بضحك وهو يحاول إبعاد جوري عنها : خلاص يا جوري بقى سيبيها
تركتها جوري وتنهدت
جوري : لولا إني عندي شغل كنت خلصت عليكي.. يلا باي باي يا حبيبي
آسر بضحك : باي نتقابل بالليل
جوري : ماشي باي أه صحيح ببباي يا رحاب
رحاب : في داهيه
جوري بنبرة تهديد : أفندم عيدي تاني مسمعتش معلش أصل شعري كان على ودني
رحاب بخوف : قولت باي
جوري بغرور : أفتكر
ذهبت جوري وأثناء قيادتها السيارة تذكرت أول مرة اعترف لها آسر بحبه من شهرين
Flash back
كانت جوري في مركب في النيل ومعها آسر وكانت ترتدي غطاء للعين
جوري : أشيل البتاع ده بقى
آسر : إستني إطلعي السلالم دي .... أيوة بس أقفي هنا..شيليها يلا
شالت جوري الغطاء ووجدت أنها في مركب مزين بالورود والشموع
جوري بفرحة : الله يا آسر
آسر : إرفعي رأسك لفوق شوية
رفعت جوري رأسها ووجدت أن أضواء المباني مطفئة
جوري : إيه ده!!!
آسر : خليكي باصة ويلا نعد من 5
جوري وآسر : 5..4..3..2..1
وفجاءة إشتعلت بعض الأضواء حتى شكلت كلمة بحبك
جوري بدموع وهي تنظر لآسر : أنا مم مش مش عارفة أقول إيه
آسر وهو يمسح دموعها : متقوليش حاجة أنا مش عملت كدا علشان أشوف دموعك
جوري بابتسامة : دي دموع الفرحة وعلى فكرة وأنا كمان
آسر بخبث : وإنتي كمان إيه
جوري وهي تضربه في كتفه : بطل بقى
آسر : يالهووي لما بتتكسفي بتبقي عسل
جوري : آسر شكرًا
آسر : على إيه
جوري : على كل ده
آسر : ومين قال إني عملت كدا علشانك
جوري بصدمة : نعمم طب عملت كدا علشان مين بقى
آسر : علشاني طبعًا إنتي لما بتفرحي أنا بفرح أكتر
جوري : ربنا يخليك ليا
آسر : ويخليكي ليا يا حياتي
Back
إبتسمت جوري على هذه الذكرى وإتجهت لقصر الأمير
دخلت جوري إلى القصر وكان كريم يلعب في الموبايل وبمجرد إستماعه لصوت كعبها إبتسم
كريم بدون أن يبعد عينيه عن هاتفه : جايه ليه البيت الكئيب دا يا حبيبتي
جوري بابتسامة ثقة : أصلهم صعبوا عليا
محمد بفرحة وهو يتجه ليحضن إبنته : نورتي بيتك يا بنتي
جوري وهي ترفع يدها في وجهه لتمنعه : ده مش بيتي.. بيتي مستحيل يعيشوا فيه ناس قاسية زيكم
أشرف : جايه ليه عايزة تشمتي فينا وإنتي شايفانا بنفلس
جوري وهي تنظر له بقرف وضيق : إحنا الإتنين يا عمي عارفين كويس مين إللي ممكن يشمت في التاني
كريم : يلا بينا من هنا أنا أساسًا مجهز شنطتي وكنت همشي وأجيلك دلوقتي
محمد بصدمة : إيه!!!
جوري : ثانية يا كريم..أولًا يا عمي ( وهي تنظر لأشرف ) إنتوا مش هتفلسوا ولا حاجة دي شركة الهندسة إللي هتفلس لأن أنا أغلب شغلي بيروح لآسيا علشان الديكور ومازن الحديد ومستلزماته يعني مستحيل تفلسوا
أشرف وهو ينظر بصدمة لمازن وآسيا : نعم يعني إيه طب ليه بتقولوا إن ربح الشركتين يدوب فين الفلوس إللي الشركتين بيكسبوهم
جوري بسخرية : وهو إنت فاكر إني ممكن أسمحلهم ياخدوا الفلوس إللي بيكسبوها من ورايا ويدوها لحضرتك no way الفلوس دي تروح لشركتكم على جثتي
كريم الذي كان قد تركهم ليحضر حقيبته وعاد : يلا يا جوري
أشرف : يعني إيه ها رد عليا يا مازن إنت بتتحالف معاها علينا إنت وأختك
مازن : الفلوس دي بنكسبها من جوري ولولاها كان ممكن تخلينا نفلس إحنا كمان بس هي مش شريرة زي ناس ( يقصده ) علشان تعمل كدا جوري أحسن واحدة في البيت ده وفي الأخر تمشوها عند أول غلط ( ضحك بسخرية ) وياريتها غلطتت بجد إنتوا إيه ليه مش افتكرتولها ولا حاجة من إللي هي عملتها علشانا كلنا إنتوا مش بشر إنتوا.....
جوري بزعيق مقاطعة إياه : بس يا مازن بس
مازن بغضب : مش هبس يا جوري مش هبس عارفة ليه علشان إللي بتعمليه ده غلط إنتي دايمًا بتسامحي أنا نفسي تبقي أنانية شوية وتحبي نفسك
جوري : وأنا أنانية أهو فتحت شركتي إللي بقيت رقم 1 ف شهر واحد عمرك شفت حد عملها قبل كدا لا طبعًا
كادت تمشي ولكنها توقفت ونظرت لكريم الذي يمسك بحقيبته ويسير خلفها
جوري : كريم إنت مش هتمشي من هنا فاهم
كريم : بس يا جوري
جوري مقاطعة : قولت كلمة ومش حابة أعيدها المشكلة مشكلتي إنت ذنبك إيه إسمع الكلام يا حبيبي
كريم : أوف وهو لو أنا إللي واقع في مشكلة كنتي هتسيبيني..لا طبعًا أنا وإنتي تؤام والمفروض نفضل مع بعض في الحلوة والمرة
جوري : أرجوك
كريم : أرجوكي إنتي أنا لو مش روحت معاكي هروح أقعد في أي فندق لكن مش هفضل في البيت ده
جوري باستسلام : طيب هتفضل واقف كتير يلا
كريم بفرحة : يلا
خرجوا وذهبوا إلى الكورنيش ووقفوا وجوري تنظر للنيل بصمت
كريم بحزن : أنا أسف
جوري بحزن هي الأخرى: على إيه إنت عمرك عملت حاجة غلط سيبك يا حبيبي منهم قولي أخبارك إيه
كريم : مش كويس يا جوري تعبان
جوري بخضه : إيه!!
*بقلمي: أميرة الظلام(مروه كمال محمد)*