أحد الأشخاص : إيه يا قمر يا سكر يا جميل.. بقى حد بالجمال ده ويقعد في مكان زي ده لوحده
جوري وهي تغلي في نفسها : إهدي ومدي شوية يمكن تلاقي حد يساعدك
جوري في نفسها : غبية إنتي.. وهو فيه حد هنا أصلًا ده مفيش حتى عربية معدية
كانت جوري ترتدي فستان أبيض بكم وطويل مما جعل حركتها أبطأ
أحد الأشخاص ( مصطفى مفك ): إيه يا جوري هانم ما تهدي سرعتك شوية
توقفت جوري عندما سمعت اسمها ونظرت خلفها
جوري بتوتر : إنتوا مين وتعرفوا اسمي إزاي وعايزين مني إيه
مصطفى مفك : محسوبك مصطفى مفك وأنا قائد الرجاله دي وعارفين اسمك إزاي فإحنا مش هنقولك وعايزين إيه فإحنا عايزينك وإنتي حلوة لا حلوة إيه إنتي حلوة بزيادة كمان
بدأت جوري تجري وجرى خلفها أحد الشباب وأمسكها من ذراعها ولكن جوري ضربته بقدمها في المركز مما جعله يتركها ويصرخ بألم وتابعت الجري والجميع يجري خلفها حتى رأت أحد الرجال بعيدًا فركضت إليه واختبئت خلفه
جوري بدموع وخوف : ساعدني أرجوك
الشخص : إهدي متخافيش
وصل الرجال وتوقفوا أمام الشخص
مصطفى مفك : سيب البنت لو خايف على نفسك
ضحك آدم بسخرية : متخافيش
إستدارات جوري لتبحث عن شيء تضربهم به ووجدت عصى بعيده قليلًا فذهبت لتحضرها وعندما إلتفتت لتعود صدمت مما رأت واقتربت ببطء
جوري وهي فاتحه فمها على أخره ومتنحه
آدم بصلها وضحك على منظرها ... ألقت جوري العصا واقتربت
جوري بذهول : إزاي!!!
آدم بابتسامة : العفو
جوري : إيه آسفة نسيت.. شكرًا
آدم : العفو عادي ده واجبي أصلًا أنا ظابط
جوري بغضب : ولما إنت ظابط عايزني أشكرك ليه.. يا صبر أيوب
صدم آدم من تحولها السريع وذهبت جوري أمام مصطفى الواقع على الأرض
جوري بسخرية وهي تمسكه من قميصه : هتقول مين بعتك ولا أخليك تتكلم بطريقتي
آدم باستغرب للحظة : يعني دول مش شباب عايز يعاكس وبس
وصدم إنها مش خايفة ومسكاه كدا
مصطفى مفك : أنا بتكلم للي بيدفع أكتر إدفعي وأنا أقولك
كاد آدم يتدخل ولكنه توقف بعد ما فعلته
جوري : طيب
وضربته بقوة في المركز وهو يتألم
جوري : عندي من دي كتير تحب تاني ولا هتتكلم
مصطفى مفك بألم : هتكلم هتكلم خلاص أنا بعتني حلمي باشا علشان أغتصبك وأضربك ووقتها إنتي هتتكسري وهو هيخلص منك ومش هتقدري ترفعي وشك من الأرض فما بالك بإنك تشتغلي
جوري بنرفزة : حلمي صاحب شركة الأحلام
مصطفى مفك : أيوة هو ده إللي أنا أعرفه
جوري : أمم وهو متخيل كده ممكن يخلص مني أنا مش فاهمة الأغبيه كتروا ليه اليومين دول عمومًا بسيطة
أخرجت هاتفها واتصلت بأدهم
أدهم : ألوو إزيك يا جوجو
جوري : مش وقته إزيك .. فورًا تعرفلي الشركات المتعاقدة مع شركة الأحلام
أدهم : ماشي يا قمر بس هو عمل إيه هو كمان
جوري : مش مهم عمل إيه أنا هستنى الأسماء تتبعتلي على اللاب سلام الفون هيفصل شحن
أدهم : سلام
آدم : ممكن سؤال
جوري : إتفضل
آدم : 1. اسمك إيه 2. مين حلمي ولو عايزة تقدري ترفعي بلاغ ضده في النيابة أنا هساعدك
جوري : أولًا أنا جوري وثانيًا لا شكرًا مش محتاجة مساعدة والنيابة مش هتقدر تعمل إللي أنا أقدر أعمله وثالثًا دول سؤالين مش واحد
آدم : إنتي هتعملي حاجة برا القانون ولا إيه
جوري : لا خالص أنا كل إللي هعمله هقفله شركته علشان محدش يفكر يرمي نفسه في النار على أمل كداب إنه يطلع سليم
آدم بسخرية : الثقة الزيادة غلط يا قطة
جوري : قصدك إيه
آدم : قصدي واضح إنتي مجرد بت وطفلة يعني من الأخر مش لدرجة تقفلي شركة كبيرة زي شركة الأحلام أنا عارف الشركة دي سمعت عنها
جوري بغضب : إنت بتقولي أنا بت وطفلة كمان يا جبروتك ياخي بس هقول إيه حرام يا جوجو أصل هو ميعرفش إنتي مين وتقدري تعملي إيه
آدم بسخرية : هتكوني مين يعني سوبر جيرل مثلًا إنتي مغرورة زيادة عن اللزوم
عندما وجدهم مصطفى يتشاجرون استغل الفرصة وقام واستدار ليذهب ولكن أوقفه صوتهم وهم ينظرون له ويشيرون له بالتوقف
جوري بعصبية : إنت فاكر نفسك رايح فين إتنيل أقعد لحد ما يجي دورك
آدم : نعم يا روح أمك إيه يجي دورك إنتي فاكرة إنك بتهزقيني كدا
جوري بعصبية : متلم نفسك يا بتاع إنت شايف نفسك ليه ولو فكرت تتعدى حدودك أنا هعرفك علىٰ مكانتك
كاد مصطفى يهرب مجددًا ولكن جوري تنهدت بعصبية وأمسكته من تيشيرته من الخلف
جوري : لما أقول اترزع يبقى تتزفت تقعد لحد ما أخلص كلام مع الأخ ده
آدم وهو يحاول أن يكون هادئ : دلوقتي هنعمل إيه بدول أنا تليفوني فاصل شحن وإنتي كمان
جوري بتفكير بصوت مرتفع : هنعمل إيه يا جوجو هنعمل إيه
حاول آدم كتم ضحكته ولكن ظهرت ابتسامة كبيرة على وجهه من منظرها
جوري وهي تقف رافعة أصبعها في الهواء : لقيتها... نمشي شوية هنلاقي الفيلا بتاعتي ونربطهم ونسيبهم في أي أوضه لحد ما أحط الفون على الشاحن
آدم : نعم وهي فين الفيلا دي أنا مش شايف غير البحر والصحراء إللي إحنا فيها
جوري : الدنيا ضلمه يا غبي والفيلا بعيدة شوية
آدم بنرفزة : أنا غبي تصدقي معاكي حق أنا غبي إني ساعدتك أنا ماشي
جوري بصراخ وهي تدبدب أقدامها في الأرض : لا لا هتمشي وتسيبني وحدي إنت كدا مش ظابط وأنا هشتكي عليك
آدم بضيق :.......
*بقلمي:أميرة الظلام(مروة كمال محمد)*
أنت تقرأ
فتاة تتحدى الجميع
Teen Fictionجوري الأمير فتاة تتحدى كل من يقف في طريقها ودائمًا تفوز؛ ولكن عندما يظهر آسر في حياتها تنقلب اللعبة وتقع في حبه، من سيربح في لعبة العشاق جوري أم آسر ؟!
