فتاة تتحدى الجميع

البارت 23

وائل : أسف يا قطتي الطريق بقى.. ها إيه المشكلة مفهمتش حاجة منك في التليفون
جوري وهي تجلس : اقعد الأول ...... ( وحكت له ما حدث بالتفصيل )
آدم بضيق : ممكن أعرف مين حضرتك بقى
وائل وهو يسلم عليه وعلى صقر بابتسامة : أنا وائل محامي جوري آسف نسيت أسلم الأول
صقر : وأنا صقر ودا الرائد آدم
آدم في نفسه : إذا كان المحامي بتاعها وبتعمل معاه كدا فما بالك أصحابها بتبوسهم يعني
جوري بقلق : وائل اوعى تكون قولت لكريم أو أحمد أو أي حد
وائل بخوف من ردة فعلها : ها لا أبدًا
جوري وهي تنظر في عيونه : إنت بتكدب يا وائل قلت لمين
وائل بسرعة : قولت لكريم بس
جوري : عارف لو كريم قال لحد هكسرك يا وائل فاهم
وائل : إيه يا قطتي خلاص بقى
آدم بضيق : إيه قطتي دي اسمها جوري في محامي يقول لرئيسته قطتي
وائل بضحك : إنت متعرفش جوري مش بس مديرتي دي أختي في الرضاعه وبنت خالتي وصديقة الطفوله فهمت
آدم بفرحة واضحه :  إيه ده بجد... أمم طيب
خبط الباب وكان كريم يقف بجوار العسكري قفزت جوري عليه
جوري : واحشني يا كلب اوعى تكون قولت لحد
كريم بضحك : وإنت كمان يا قرده ومتخافيش أنا مش أهبل زي وائل
ضحك آدم وصقر وربع وائل يديه أمامه ونظر لهم بضيق
وائل : بقى أنا أهبل ماشي يا كريم
آدم : شكرًا على الهدوم يا كريم
كريم بغباء : العفو بس هدوم إيه
جوري بضحك وهي تضرب كريم على رأسه من الخلف : بتقولوا العفو ليه طالما مش عارف هدوم إيه يا غبي
كريم : إسكتي إنتي بس يا أوزعه
جوري وهي تضع يدها في وسطها : أنا مش أوزعه
" كانت جوري ترتدي بنطال بصلي وبدي كت أبيض وصندل كعب أبيض وتفرد شعرها الطويل "
كريم : لا أوزعه بالكعب إقلعيه وهتبقي قزمه مش أوزعه وبس وشيلي إيدك من وسطك عشان بتبقي قمر إنتي و كده
جوري بضحك : يابني أنا أختك روح عاكس خطيبتك مش أنا
آدم شعر بالغيرة علشان هي فعلًا قمر من غير حاجة ولما حطت إيديها في وسطها بقت أحلى
حكت جوري لكريم ما حدث وقلق عليها وشكر آدم
صقر : إنتوا شبه بعض جامد نسخة يعني
جوري : أصلي إحنا تؤام مش إخوات وبس
صقر : أه منا بقول لنفسي حتى الإخوات مش بيبقوا شبه بعض جامد كدا
جوري : يلا بقى يا كريم على البيت
كريم : بيت إيه
جوري : نعم بيت إيه القاهرة أكيد يعني وإللي في دماغك مش هيحصل
كريم : إنتي عرفتي من فين إللي في دماغي
جوري بعصبيه : كريم مش بحب أعيد كلامي ..على البيت
كريم بجدية : جوري أنا هقعد معاكي كام يوم كده تغيير جو
جوري : لا طبعًا والشغل
كريم : مإنتي أهو قاعدة وبتديري الشغل من هنا
رفعت جوري حاجبها : طيب أنا مهندسه وأقدر أصمم وأبعت التصاميم بخمسين طريقة ياترى الطب إتطور وأنا معرفش لدرجة إنك تعمل العملية وتبعتها على الواتس أب
ضحك الجميع على كلامها
كريم : مهو الصراحة إنتي رخمه لو كنت بشتغل في مستشفى عادي كنت أخدت إجازة لكن إنتي فتحتيلي مستشفى كبيرة أديرها أنا مش زيك يا جوري بالراحة عليا
جوري : إنت إللي مستهون بنفسك وبعدين أنا غلطانه بإني عملتلك مستشفى أصلًا إنت أخرك عيادة صغيرة و يلا على البيت
كريم : بطلي  بقى أنا الأكبر على فكرة
جوري وهي تتنهد بنفاذ صبر : أه أكبر ب3 دقايق... كريم صبري بدأ ينفذ لو إتعصبت عليك هتزعل ف يلا بهدوء وأدب على البيت
كريم : أوووف طب على الأقل أقضي اليوم معاكي هنا وأسافر بكرا أنا جاي من سفر ومش قادر أسوق
جوري : بس كدا متقلقش حالًا أجبلك سواق يا قلبي
كريم : أحيييه عندك حل لكل حاجة نفسي مخك ده ياخذ إستراحه لثانية واحدة
بعد بضع دقائق أرسلت جوري رسالة لإحدى الشركات تطلب فيها سائق وبعدها بقليل رن هاتف جوري
جوري : أيوة يا أدهم
أدهم : ألف مليون مبروك يا جوجو إحنا قدرنا ناخد 99% من صفقات شركة الأحلام
جوري بابتسامة : كدا حلو أوي ميرسي يا قلبي تعبتك معايا
أدهم : لا تعبك راحة يا قمر يلا سلام
جوري : سلام
كريم ووائل بفضول : ماله أدهم وإيه إللي حلو
جوري : يخربيت الفضول.. قدرت أخد 99% من صفقات حلمي يعني يلا كلو يعد معايا لخمسة
صقر بغباء : ليه!!؟
جوري : بطل ياخي غباء مش وقته خالص يلا...1..2..3..4..5
ورن الهاتف بمجرد أن قالت 5 فضحكت بسخرية ونظر الجميع لها باستغراب فردت وفتحت الإسبيكر
جوري بدلع : أيوة مين
حلمي : أنا حلمي يا جوري ممكن أفهم ليه وإزاي أخدتي صفقاتي
جوري بثقة : حلو أوي.. لعبت مع القطة يبقى متخفش تخربشك إحمد ربنا إنها جات على الخربشة بس إعتبرها قرصة ودن علشان تتعلم
حلمي بتحوير : أنا مش فاهم
جوري : يسلام يعني متعرفش واحد اسمه مصطفى مفك مثلًا
حلمي في نفسه : إزاي هربت منهم أغبية وهمن فتنوا عليا كمان
جوري : أه فتنوا عليك علشان تتعلم تبعت ناس أذكية المرة الجاية
نظر لها الجميع باستغراب
حلمي بغباء : إيه ده هو أنا كنت بفكر بصوت عالي
جوري بضحك : لا بس أنا ذكية كفاية علشان أعرف إنت بتفكر في إيه فخاف على نفسك مني وإبعد أحسنلك
وأغلقت الخط في وجهه
كريم : إنتي عرفتي إزاي هو بيفكر في إيه
جوري : يارب والله أنا خلاص هيجيلي شلل أطفال.. إرحمني يابني هو إنت مش عارف أختك وتفكيرها
خبط العسكري ودخل
العسكري : في واحد بيقول إنه سواق وإن جوري هانم هي إللي بعتاه
كريم : إنت ليه بتقولها جوري هانم دي بتكره الكلمة دي
جوري : قولتله بس الواضح إن كل إللي هنا أذكية زيادة عن اللزوم
صقر بضحك :........
*بقلمي: أميرة الظلام(مروه كمال محمد)*