فتاة تتحدى الجميع

البارت التاسع

جوري : لاحظوا إنكم بتتكلموا عني وقدامي يعني شغل نميمة بالمكشوف
كريم : إيه ده ..ألووو هو الخط قطع
جوري : لو قفلت هشتمك يا كريم بطل تمثيل
كريم بصوت بعيد بعض الشيء ومتقطع : مش ب...م..ث...ل
جوري : أمال سمعتني إزاي يا ذكي
كريم بضحك : أما أنا غبي بصحيح ؟! باي باي يا جوجو
أغلق كريم الخط وإنفجر آسر في الضحك
جوري : أنا سحلانة منك
آسر : ليه بس كدا ده أنا حتى هجبلك أيس كريم
جوري : علشان أنت وكريم بتضحكوا عليا
آسر : أنا آسف ياستي وبعدين إحنا بنهزر
جوري بإبتسامة : هسامحك بشرط
آسر : سبحان الله بتتحولي في لحظة، أؤمر يا معالي الوزير
جوري : هتجبلي عصير وشيبسي ومصاصة ولبان
آسر : إنتي متأكدة إنك جوري أنا حاسس إني مسافر مع بنت أخويا الصغيرة
جوري بجدية : عيب عليك دا أنا أصغر منها
آسر : الصراحة أه على العموم كل دا ماشي لكن مصاصة إيه يا بنتي إللي عايزاها إنتي عندك كام سنة
جوري بثقة : 3 سنين
آسر : أنا شايف إنك أكلتي عشرين سنة
جوري : أيون علشان أنا عقلي توقف عن النمو بعد 3 سنين
آسر : يسلام وإنتي لو عقلك واقف كنتي هتروحي تمسكي أكبر شركات الهندسة في مصر وتخليها تكبر بالمنظر ده
جوري : أنا في الشركة عقلي بيبقى عقل واحدة عندها 50 سنة أما بقى برا الشركة والشغل بيبقى 3 سنين
آسر : بس أنا عاجبني إللي عندها 3 سنين مش 50
جوري وهي تحاول التهرب من كلامه : إسكت بقى
" بعد بضع ساعات في فيلا صغيرة في مرسى مطروح "
جوري : نورت البيت يا أخينا
آسر : نورت إيه بس ده مضلم
جوري : هههههه لا عيب تقول عن نفسك كدا يا حبيبي
آسر بفرحة : يا إيه؟!
جوري بتوتر : يااااا..يووه أنا متعودة أكلم كريم ووائل ومازن وكلو كدا بطل رخامه
آسر بضحك : خلاص متزعليش ..تاكلي إيه
جوري : أنا هطلع أنام وشوية نشوف نأكل إيه
آسر : بس أنا جعان هو فيه أكل في المطبخ جوا
جوري : أيوة أنا خليت الحارس يجيب واحدة تنضف المكان وتشتري شوية طلبات للبيت
آسر : حلو جدًا
جوري : هو أنت بتعرف تطبخ
آسر : أيوة بعرف أعمل حاجات خفيفه زي المكرونة والأرز كدا يعني
جوري : طيب على المطبخ يا باشا
آسر : إنتي مش كنتي هتنامي
جوري : لا أنا هموت من الجوع عصافير بطني ماتت مش بتزقزق جعااانة
آسر بضحك : هههه طب يلا يا مفجوعة
" في المطبخ "
كان آسر يرتدي المريلة هو وجوري وطقية الشيف
آسر : ها هنعمل إيه
جوري : إنت إعمل المكرونة وإقلي الفراخ وأنا هعمل كب كيك
آسر : إتفقنا
بدؤا في تجهيز الطعام والجو كان مليء بالضحك والمزاح
آسر : في دقيق على وشك
جوري وهي تضع يدها المليئة بالدقيق على وجهها : فين
آسر : ههههه يخربيتك بهدلتي نفسك أكتر إستني أمسحهولك
جوري : أنا لا أثق فيك سيبه أنا هغسل وشي
آسر : براحتك
بعد بضع دقائق
جوري وهي تقف على حرف الرخامة لتحضر كيس الكاكاو : أوف حد يرفع الكيس بالغباء دا
آسر وهو ينظر لها بصدمة : الله يخربيتك إنتي طلعتي كدا إزاي!!؟ حاسبي لتقعي إنزلي أنا هجيبه
جوري : خلاص قربت أوصله
أمسكت جوري بالكيس وكان يوجد زيت على الرخامه فتزحلقت وكادت تقع ولكن آسر حملها وكيس الكاكاو سقط عليهم
جوري بضحك : ههههه منظرك يفطس من الضحك
آسر : بصي في المرايا يا قلبي وبعدها إتكلمي هههه منظرك تحفه
جوري بضيق : وسع كدا نزلني
آسر وهو ينزلها : إنزلي ياستي بقيتي تورته تحفه جوري وهي تمسك ببيضة وتكسرها على رأس آسر : طب خد يا تورته
وطلعت تجري وآسر مازال في صدمة وركض خلفها إلى الخارج حتى أمسكها من الخلف وحملها
جوري بضحك : ههههه عااااا نزلني
آسر : بقى أنا تعملي فيا كدا ماشي أنا هوريكي
أخذها آسر إلى المطبخ وأمسك بزجاجة اللبن وسكبها على رأسها وهي تصرخ وتضحك
آسر بضحك : ههههه مش قادر شكلك تحفه
وفجاءة تزحلق بسبب الزيت الذي في الأرض وسقط وجوري فوقه
آسر بصراخ : أه ظهري إتكسر يخربيتك تقيله
جوري وهي تخرج لسانها له : تستاهل
آسر : شريرة وإيه إللي إتزحلقت فيه ده
جوري بإبتسامة براءة : أصلي أنا خبطت من شوية في زجاجة الزيت فوقعت وإتكبت
آسر : هههه إحنا بقينا تورته بكل حاجة
جوري : أممم تصدق صح ههههه
_____________________________________
إنتهى الإثنين من تجهيز الطعام وتناولوه تحت جو من المرح وصعدوا لغرفهم ليغيروا ملابسهم ويحصلوا على قسط من الراحة
في الساعة الثانية صباحًا استيقظت جوري لأنها شعرت بالجوع وتسللت ببطء للمطبخ وإتجهت لمفتاح النور ولكنها شعرت بحركة غريبه حولها فتراجعت ببطء شديد وإصتدمت بشخص وصرخ كلاهما
جوري وهي تضرب هذا الشخص بكل ما لديها من قوة : عاااا إلحقوني هيقتلني حرامي
آسر بضحك : إهدي ده أنا ..إيه إللي جابك هنا
أضاءت جوري النور ونظرت له بتعجب
جوري : آسر أنت بتعمل إيه هنا دلوقتي أنا إفتكرتك نايم
آسر : وأنا بردو إفتكرتك نايمة.. إنتي جايه هنا ليه
جوري بخجل : جعانه
آسر : ههههه وأنا بردو
جوري : طيب إيه رأيك نطلب أكل
آسر : وهو في مطعم هيبقى فاتح في نص الليل كدا
جوري : لا متقلقش أنا معايا رقم مطعم علشان كل لما باجي هنا بجوع بالليل وبطلب منه
آسر : طيب مستنية إيه إتصلي يلا
جوري : طيب أنا هروح أجيب الفون هو أنت بتحب البيتزا إزاي
آسر بتفكير : أممم باللحمه لا لا ..بالفراخ..لا لحمه
جوري بغضب : إثبت على قرار متعصبنيش
آسر : آخر قرار سي فود
نظرت له بغيظ وتركته وذهبت لتحضر الهاتف، طلبوا الطعام وجلسوا يأكلوه وهم يشاهدوا فيلم رعب
آسر : إنتي جبله مش بتخافي
جوري وهي تنظر له بخوف تحاول أن تخفيه : ها لا مش بخاف خالص
آسر بضحك : هههههه واضح
جوري : ........
*بقلمي : أميرة الظلام (مروه كمال محمد)*