كريم : يح الميه..تل..ج أنا هتجمد
جوري بضحك : سوري يا جماعة بس إتفقنا أنا ونرجس وعبد الرحمن وعمر عليكوا
مازن : هقتلك..ل..ما أطلع..يا نرجس
جوري : وريني هتقدر تقربلها إزاي
مروان : بببببرد يييح يخربيت كدا أبو شكلكم هو إنتوا كل شوية هتعملوا مقالب فينا عاااا حرام
كريم بعد أن خرج من الماء وركض وراء جوري : هتهربي مني فين ..هقتلك ده أنا حسيت نفسي في ديب فريزر هو أه الجو حر بس الميه تلج تلج يعني
جوري وهي تركض للخارج وتضحك : يا حبيبي مش إنته كل شوية تقول هموت من الحر خُفت عليك
كريم بصراخ : شيخة العرب يا بت .. هقتلللللك
أمسك كريم بجوري وحملها على كتفه
جوري بصراخ : عاااا سيبني يا مجنون
ألقاها كريم في البسين الخارجي
جوري : هههههه الميه جميلة
كريم بغضب : متعصبينيش علشان هنزل أغرقك
جوري : مش بخاف من حد وبعدين أبو شكلك المايوه إتبل
كريم وهو يرفع حاجبه : نعم ياختي وهي المايوهات بيعملوا بيها إيه يا فقيقه
جوري : بس ده لسه جديد كنت ناوية أروح بيه إسكندرية شرم مرسى مطروح كدا يعني
كريم : روحي يا شيخة بالبكيني بتاعك دا
جوري وهي تخرج من الماء : على فكرة ده مش بكيني ده هوت شورت وبدي كت يا رخم
كريم : أه بدي كت قصير
جوري : ملكش دعوة
آسر وهو يصفر ويغني وقادم من بعيد : يا نهار أبيض على الحلاوة
جوري بخجل وغضب : متلم نفسك يا عم إنت
آسر : أممم ربنا يسامحك أنا كنت بتكلم على الوردة إللي هناك دي
جوري بشك : أمم طيب أنت جاي ليه
آسر : في رجل أعمال مشهور طلبني وطلبك
جوري باستغراب : إحنا الإتنين؟! وده يطلع مين ده
آسر : عبد الله صاحب شركات السياحة
جوري : أممم عارفاه وعايز إيه ده كمان
آسر : مش قالي هو قال تعالى إنت وجوري على مطعم(....)
جوري : طيب أنا هطلع أغير وجايه
كريم : إحم إحم هو أنا كيس خس محدش شايفني
جوري بضحك : لا مهو لو أنت كيس خس كنت هشوفك ممكن كيس زباله كدا يعني
وركضت بسرعة إلى غرفتها
كريم بغل : أه يا بنت الذينه
آسر : أفندم
كريم بضحك : الذين أمنوا وعملوا الصالحات إنت دماغك بتحود شمال كدا ليه
آسر : ماشي ياخويا
كريم : إتفضل معايا على جوه لحد ما تنزل
ذهبت جوري مع آسر إلى المطعم
جوري : هو هيتأخر أنا زهقت
آسر : طيب تشربي إيه لحد ما يجي
إقترب رجل كبير منهم وجلس
عبد الله وهو يجلس : أسف على التأخير يا جماعة
جوري : لا عادي مش مشكلة خالص يا فندم
آسر في نفسه : هههههه مش مشكلة خالص مالص ياختي ده أنا حاسس إنك كنتي هتاكليني كمان شويه
عبد الله : تشربوا إيه الأول
آسر : قهوة سادة
جوري : قهوة فرنساوي
عبد الله : وأنا سادة لو سمحت
النادل : حاجة تانية يا فندم
عبد الله : لا شكرًا
جوري : ممكن أعرف حضرتك طلبتنا ليه بقى
عبد الله : فرح إبني الكبير بعد سنة وعايز أبنيله فيلا كهدية ليه هو وعرسته
جوري : طيب على حسب علمي أنا عندي شركتي وآسر شركته إنت إختار واحد ليه جايبنا إحنا الإتنين
آسر : إصبري بس خلينا نشوف حضرته..إتفضل كمل
عبد الله : أنا سألت وقالولي أحسن شركتين بتوعكم وإحترت مين منكم هيعمل الشغل ده فقررت إن إنتوا الإتنين تعملوا الفيلا مع بعض
آسر وجوري : إيه!!!!
جوري : آسفة جدًا آسر صاحبي وكل حاجة لكن أنا بشتغل لوحدي
آسر : وأنا رأيي من رأي جوري
عبد الله : طيب ليه بس كدا إبني وخطيبتوا رافضين تمامًا إن حد غيركم يعمل الشغل ده فكروا كويس وأنا هدفعلكم إللي تحبوه
أسر بتفكير : لو جوري وافقت أنا موافق
جوري في نفسها : أووف جوري الشغل ده علشان الشركة حاولي تهدي وتفكري بعقل إنتي مش كنتي عايزة تبني مصنع جديد وكان ناقصك مبلغ ده غير المستشفى إللي بتبنيها علشان كريم
جوري : طيب ماشي موافقة
عبد الله : كدا حلو جدًا إمته بقى هتروحوا مرسى مطروح
جوري وآسر : نعم!!!
جوري : ليه نروح مرسى مطروح
عبد الله : الفيلا إللي هتتبني هتبقى هناك
آسر : طيب هنظبط أنا وجوري شغلنا ونكلم حضرتك
جوري في نفسها : الله مرسى مطرروح ليا بدري مش روحتلها يا بختك يا جوجو
قام آسر بتسليم إدارة شركته لمدة شهر واحد لشقيقه مصطفى وجوري سلمت العمل لأحمد على شرط مراقبته والإشراف عليه عن طريق الهاتف
" في الطريق كانت جوري تركب بجوار آسر "
جوري : آسورتي
آسر : ههههه كريم قالي لما جوري بتحب تطلب حاجة من حد بتدلعه، عيون أسورتك
جوري بهمس : يادي الكسفه على العموم أنا نفسي في أيس كريم
آسر : ههههه قالي بردو لو طلبت أيس كريم يبقى مش تجيبلها
جوري بحزن مصتنع : بقى كدا خلاص شكرًا مش عايزة حاجة منك
آسر : هو قالي كدا بردو بس إنتي صعبتي عليا حاضر أول لما نوصل هشتريلك
جوري : لا لا نوصل إيه ده أنا أكون سحت أول لما نوصل الإستراحة جيب
آسر : حاضر بس هناك مفيش غير الكوبيات العادية دي
جوري : مش مشكلة نصبر بيها نفسنا لحد ما نوصل
رن هاتف جوري وكان المتصل كريم
جوري : ألوو
كريم : إفتحي الإسبيكر
جوري : أهو
كريم : إزيك يا كبير اوعى تكون طلبت إللي بالي بالك
آسر بضحك : حصل
كريم وهو يقلد صوت النساء : يالهوووي وهو إنت قولتلها إيه اوعى تكون ضعفت
آسر بضحك : ههههه حصل
كريم : عبيط
جوري : ملكش دعوة وبعدين إنت نفسك مش بتضعف وتجيبلي الأيس كريم
كريم بضحك : مهو أنا عبيط زيه
آسر : هههه أصلها ممثلة شاطرة تاخدي جايزة الأوسكار ده أنا حسيت إنها هتبكي
كريم : مش بقولك اوعى تضعف
جوري : لاحظوا إنكم بتتكلموا عني وقدامي يعني شغل نميمه بالمكشوف
كريم : ....
*بقلمي: أميرة الظلام(مروه كمال محمد)*
أنت تقرأ
فتاة تتحدى الجميع
Teen Fictionجوري الأمير فتاة تتحدى كل من يقف في طريقها ودائمًا تفوز؛ ولكن عندما يظهر آسر في حياتها تنقلب اللعبة وتقع في حبه، من سيربح في لعبة العشاق جوري أم آسر ؟!
