فتاة تتحدى الجميع

البارت 11

جوري بخجل وهي تخفض رأسها : أنا أسفة كل دا بسببي
آسر : جوري متقوليش كدا هو إنتي إللي ضربتيني غدر
جوري : لا بس
آسر : مفيش بس أنا فرحان إني اضربت أصلًا علشان عرفت غلاوتي عندك
جوري مغيرة الموضوع : أنا حفظت شكلهم وأول لما أروح هرسمهم وهبعت صورهم القسم
آسر بخبث : عندي فكرة أحسن
جوري : إيه؟!!
آسر : سيبك منهم وإرسميني أنا
جوري في نفسها : عبيط وأهبل إنت لو روحت أوضتي في القاهرة هتلاقي دفاتر رسوماتي كلها بصورك أنا الفترة إللي فاتت دي كلها كنت برسمك إنته وبس يا غبي
آسر : روحتي فين
وقبل أن تجيب دخل وائل الغرفة
وائل : ألف سلامة عليك يا كبير
آسر في نفسه : رخم إيه إللي جابه ده
آسر بإقتضاب : الله يسلمك
وائل : طيب مش يلا أنا جهزت أوراق الخروج ولا عايز تقعد هنا
آسر : لا يلا
ذهب وائل ليحضر العربية أمام البوابة
آسر وهو يقف وكاد يقع فسند على جوري
جوري : خليك ساند عليا
آسر وهو يحاوطها بذراعه : إنتي أوزعة كدا ليه يا بت
جوري بضيق : أووف أوف منك أنا مش أوزعة، أنت وكريم رخمين كل شوية تقولوا عني أوزعة وبعدين أنا مش اسمي بت وبكره إللي بيقولي كدا
آسر : إهدي يا شبح خلاص إنتي مش بت إنتي جوجو وإنتي أوزعة أه بس أنا بس إللي أقولك كدا إتفقنا يا صاحبي
جوري : أمم ماشي يا صاحبي
عادوا إلى الفيلا وإكتشف آسر إن وائل شقيقهم في الرضاعة وسعد كثيرًا بذلك وطوال الوقت كانت جوري تهتم بهِ حتى عادوا إلى القاهرة
" في منزل عائلة آسر "
بسمة : يالهووي إيه الربطة إللي حولين دماغك دي يابني
آسر : متقلقيش يا ست الكل أنا زي الفل
بسمة : فل إيه بس إنت مش شايف نفسك
منصور : مش هتقولنا إيه إللي حصلك
آسر : خناقة بسيطة
" عائلة آسر "
منصور : والد آسر ومصطفى لديه مستشفى خاصة وعصبي جدًا وشديد
بسمة : زوجة منصور وتحب أبناءها جدًا سيدة جميلة لو رأيتها لما عرفت سنها الحقيقي قط
مصطفى : عمره 33 سنة شاب وسيم عيونه خضراء وشعره أسود كالفحم وأملس كالحرير مهندس بيشتغل مع آسر في شركته متزوج من منة وعنده ولد وبنت ندى ونور
منة : عمرها 28 سنة بنت جميلة شعرها ناعم ولونه بني فاتح بنفس لون عيونها دكتورة في مستشفى والده تعرف عليها أثناء زيارته للمستشفى ووقع في شباك حبها من النظرة الأولى
ندى : عمرها 6 سنين شبه مامتها في كل حاجة معادا العناد عناد عمها زي ما بيقولوا
نور : عمره 3 سنين شبه باباه في العيون الخضراء وشعره بني فاتح وناعم زي مامته
آسر : عمره 29 سنة يملك جسد رياضي جميل يجذب الفتيات وعيون خضراء محدده باللون الزيتوني
مر بضعة شهور وجوري وآسر يتقربان من بعض أكثر كل يوم وفي أحد الأيام
" في شركة الأمير في مكتب جوري "
جوري بغضب : أدهم متعصبنيش أنا عمري ما خسرت ولا صفقة والملفات إللي بتتسرق دي أنا لازم أعرف مين بيعمل كدا
أدهم : هحاول بس المشكلة إن كل حاجة عادية في الكاميرات مفيش أي مشكلة
جوري : خلاص أنا ماشية دلوقتي بكرا أجي ألاقي كاميرات جديدة متركبة ومتقولش لحد عنها وتكون مخفية إنت بس إللي تعرف بيها
" في قصر الأمير "
أشرف بغضب : بابا الهانم إللي عمال تمدح فيها أهي وصلت الشركة للإفلاس كلها كام شهر ونفلس
سليم : جوري بنتي إيه إللي بيحصل أنا مش فاهم حاجة إنتي عمرك ما خسرتي صفقة فما بالك بالصفقات الكتيرة دي إللي عماله تخسريها واحدة ورا التانية أنا مش قادر أصدق
أشرف : يمكن تكون هي إللي بتبيع الصفقات وتكسب فلوسها
جوري : لا كدا كتير أنا مستحيل أعمل كدا في حد بيسرق الملفات مش أنا
أشرف : وياترا قدرتي توصلي للحد دا
جوري بضيق : لا بس..
أشرف : شوفت يا بابا أنا من رأي تسحب الإدارة منها
سليم بحزن : أنا أسف يا بنتي بس أنا مضطر أعمل كدا
جوري بضحكة سخرية : أسف؟! أسف على إيه؟! إنت مصدق كلامه دا
لم يجيب عليها وفضل الصمت نظرت لوالدها ولكنه أخفض رأسه بسرعة
جوري بغضب : خلاص تمام بس أنا هسيب البيت وهعمل شركتي الخاصة وهخليها تكسب وتعدي شركتكم بمراحل وهتندموا
صعدت إلى غرفتها ولم تسمح لأحد بالرد عليها، كانت تضع ملابسها في الشنطة ودخل كريم
كريم بحزن : جوري أنا واثق فيكي ثقة عمياء أرجوكي متمشيش
جوري وهي تحضن كريم وتبكي : مش بإيدي يا كريم دول بيتهموني إني حراميه
كريم : سامحيهم أو أقولك متكلميهمش أصلا بس خليكي هنا
جوري : أنا هرجع يا كريم متخفش بس هرجع لما أخلي شركتي أكبر الشركات في مصر
كريم : يعني مفيش أمل
جوري : لا مفيش أنا هقعد في الشقة بتاعتي وإنت مرحب بيك في أي وقت
كريم : بس إنتي عندك فيلا يا جوري هي أه صغيرة شوية بس أحسن من شقة
جوري : هبيعها علشان أقدر أفتح شركة جديدة ومعايا شوية مدخرات في البنك هينفعوني متقلقش
كريم : طيب بس كل يوم تكلميني علشان أطمن عليكي
جوري : حاضر يا حبيبي
أنور وهو يقف عند الباب : يعني خلاص يا جوري هتسيبيني
جوري : معلش يا حبيبي بس أنا لازم أثبتلهم إني مش خاينة ومش محتاجة أبيع الصفقات علشان أكسب
أنور بإبتسامة حزن : هتوحشيني
جوري : وإنت كمان
ذهبت جوري إلى الشقة قامت بتنظيفها على السريع وعندما جاءت لتجلس وترتاح رن هاتفها
جوري بتعب : ألوو
آسر : إنتي فين يا حبيبتي وليه سيبتي البيت دلوقتي حالًا ترجعي
جوري : مش هينفع البيت إللي يقول عني خاينة يبقى مليش مكان فيه
آسر : طيب على الأقل ممكن تيجي تقعدي عندنا
جوري : معلش يا آسر مش هينفع أنا لازم أثبتلهم إنهم خسروني وأنا هدمر شركتهم مش كره ولا غيره بس لازم أبينلهم إنهم خسروا أحسن مصممة في مصر
آسر :.......
*بقلمي: أميرة الظلام (مروه كمال محمد)*