جوري بخبث : براحتك
كريم : أيوة براحتي (رفع صوته قليلًا) يا جدعااان أنا عايز أتجوز جوزوني يا ناس
جوري بضحك : ههههه مجنون
أنور وهو ينظر لآسيا بحب : وأنا كمان
آسر : جات عليا يعني، وأنا كمان عايز أتجوز
جوري وهي تمسكه من تيشرته : بتقول إيه
آسر بضحك وهمس في أذنها : عايز أتجوزك إنتي يا هبلة
جوري بخجل : اِفتكرت
آسر : يخربيت حلاوتك يا شيخة إنتي زارعة فراولة في خدودك عايز أكلك أكل
جوري بضحك : طيب يلا بقى بيتك بيتك إنت وهو
كريم بصدمة مصتنعة : إنتي بتطردينا
جوري وهي تهز رأسها بنعم : يس ويلا go out
كريم : طب عندًا فيكي هبيت هنا النهارده
جوري بابتسامة : تنور يا حبيبي
أنور : طيب إحنا سلام بقى أنا هلف شوية لحد ما آسيا تروح علشان ميعرفوش إننا كنا هنا
بعد أن وصلت آسيا إلى القصر دخل أنور وهو مبتسم ولكنه وجد الجميع حزين
أنور بمزاح : إيه العزا إللي إنتوا فيه دا
أحمد بضيق : إسكت أنا مش طايق نفسي
سلمى وهي تربت على كتفه : معلش يا حبيبي هدي نفسك
أحمد بغضب : أهدي نفسي إزاي الشركة خلاص على حافة الإفلاس
يوسف : متقلقش هنتصرف
أحمد بصراخ : إزاي ها تقدر تقولي إزاي
يوسف بصراخ هو الآخر : معرفش أديني بفكر إسكت بقى
سليم بزعيق : إنتوا هتعلوا صوتكم وأنا موجود إيه مفيش ولا ذرة أدب
أحمد : أنا أسف يا جدي
أشرف : كلو من حفيدتك دلعتها دلعتها لحد ما كبرت وقلبت علينا
إبراهيم : لا والله وهي قلبت لله في الوطن مش إنت إللي قعدت تقول عنها حرامية طبيعي لو عندها كرامة هتمشي وتقلب ده كويس إنها رجعتلكم الأملاك إللي كتبتوها بإسمها
أشرف : طيب إيه هنتفرج على الشركة وهي كل يوم ورا التاني بتفلس
سليم لأحمد ويوسف : إنتوا إيه أكياس جوافة إمته أخر مرة الشركة أخدت صفقة كبيرة تقدروا تقولولي
أحمد بضيق : قبل ما جوري تمشي على طول
سليم : أيوة أديك قولتها بنفسك ودلوقتي هنعمل إيه
يوسف بغضب : مهو لو ٱنتوا تجيبوها تدوها علقة وتحبسوها في البيت هتريحونا دي كل يوم عماله تاخد صفقة ورا التانية أول ما حد كبير يجيلنا بعدها بساعة واحدة بيتصل يلغي تعاقدة معانا
سليم : أنا مش همد إيدي عليها ولا هسمح لأي حد يعمل كدا، غلطت مرة لما شكيت فيها ومش هغلط تاني قالتلي هندم وندمت أشد ندم
أنور : ولسه هتندم يا جدي أنا أسف بس أنا قولتلكم جوري مستحيل تعمل حاجة ضد الشركة محدش صدقني
آسيا بضيق : أنا طالعة أنام لحسن الكلام مبيجبش فايدة معاكم
أنور : وأنا كمان
محمد : إستنى هو فين كريم مش خرج معاك
أنور : معرفش سابني ومشي
إتصل محمد بكريم
كريم : نعم
محمد : الأول السلام عليكم
كريم : وعليكم السلام ها عايز إيه
محمد بضيق : كلمني بأدب يا ولد.. إنت فين
كريم : عند جوري هبات عندها عايز حاجة ولا أقفل
محمد : يا خسارة تربيتي فيك
جوري لكريم : كريم عيب كدا كلم بابا بأدب
كريم : سامع يا حج
محمد : سامع إيه!!؟
كريم : إللي مش عجباكم أهي هي إللي بتدافع عنكم سلام لحسن أنا مخنوق
محمد بحزن بعد أن اغلق كريم الخط : ليه يا ربي كدا يا ريتني ما صدقتك يا أشرف ووثقت في بنتي أديني خسرتها هي وكريم وأنور
أشرف : لا والله لبسها فيا وبعدين مش ملاحظ إن الملفات إللي بتختفي والصفقات إللي بتروح لشركات أعدائنا وقفت أول ما هي مشيت
محمد : إسكت أنا مش هسمع ولا كلمة واحدة منك
رن هاتف مازن برقم جوري فقام ليرد بعيدًا
مازن بهمس : إيه فيه
جوري بهمس مقلدة إياه : بتتكلم كدا ليه
ضحك مازن على طريقة كلامها ونظر له الجميع فكتم ضحكته
جوري بضحك : إفتح الإسبيكر واقعد جنبهم
مازن : حاضر
جوري : إزيكم يا عيلتي الجميلة بصوا بقى لو خايفين على شركتكم عايزة كل واحد في البيت ده يعتذرلي ولو جه يوم واتهمتوني بحاجة تانية فوقتها حتى لو جبتوا الرئيس يعتذرلي مش هسامح حد
سليم : وأنا موافق يا بنتي
أشرف : أنا مش موافق مش هعتذر لطفلة
جوري بضحك : الطفلة إللي بتتكلم عنها هي إللي قدرت تخلي شركتكم تقف على حافة الإفلاس أه وعلى فكرة أنا أقدر أخد حتى الصفقات الصغيرة دي بسهولة بس صعبتوا عليا
يوسف : أنا متأكد إن ليكي جاسوس في الشركة إنطقي مين هو
جوري بسخرية : ههههه دمك خفيف جاسوس أنا الشركة كلها حبايبي ها هتطرد كل الشركة يا بطه
جوري بهدوء : ممكن بقى أعرف مين هيعتذر ومين لا
سليم : كلنا يا بنتي
يوسف : لا مش كلنا
جوري : أوكيه أسمع بس مين موافق
سليم ومحمد وإبراهيم : إحنا موافقين
شهد وحنان : وإحنا يا بنتي
مازن وندى : وإحنا
مروان و ياسمين وسلمى : وإحنا بردو
أحمد بحزن : أنا آسف يا جوري
جوري : بعدين يا أحمد
جوري بعد دقائق : أفهم من سكوت الباقي يبقى يوسف وأشرف باشا مش موافقين.. أممم طيب وفين لوجين هانم
حنان : مش قاعدة خرجت ولسه مرجعتش مإنتي عارفها
جوري : المشكلة إني عارفاها عمومًا لما تيجي يبقى مازن يقولي وبالمناسبة أنا عمري ما هرجع البيت إلا لما يوسف وأشرف باشا بنفسهم يعتذرولي..بباي يا زونه
مازن : باي يا جوجو
أغلقت الخط
كريم : مش وافقوا صح!!؟
جوري بسخرية : يا عم سيبك
رن هاتف جوري برقم آسر
جوري : إي يا واد
آسر : إيه إي يا واد دي عمومًا أنا إِتصلت علشان نسيت أقولك إن ماما عزماكي على الغداء بكرا
جوري : أوكية أنا هخلص الهكر ليارا وأجي على طول
آسر : ماشي سلام علشان أنا داخل البيت دلوقتي
جوري : سلام
*بقلمي: أميرة الظلام (مروه كمال محمد)*
أنت تقرأ
فتاة تتحدى الجميع
Teen Fictionجوري الأمير فتاة تتحدى كل من يقف في طريقها ودائمًا تفوز؛ ولكن عندما يظهر آسر في حياتها تنقلب اللعبة وتقع في حبه، من سيربح في لعبة العشاق جوري أم آسر ؟!
