مسحت جوري دموعها جيدًا ووقفت بجواره وخلعت الخاتم الذي أعطاه لها في الأمس ووضعته أمامه
آسر بصدمة وهو يقف : جوري إإإإيه إن إنن إنتي
جوري بضحكة سخرية : إنت فاكر نفسك مين وعارف حاجة أنا مش بحبك أنا بكرهك يمكن أكون اتشديت ليك وأعجبت بيك بس أنا مش بحبك .... يلا باي وودع شركتك علشان كلها يومين وهجيب أجلها
آسر وهو يمسك يدها ليوقفها : جوري استني إنتي مش فاهمة
نظرت جوري ليده ثم له بحده : سيب إيدي
آسر بعد أن ترك يدها : طيب اسمعيني
جوري للفتاة : وإنتي مين يا حيلتها أو أقولك طظظظظظ فيكي وفيه سلام يا باشا
ذهبت جوري مسرعة قبل أن تنهار أمامه وكادت أن تقوم بأكثر من حادثة ولكنها تفادتهم جميعًا
" في القصر "
جوري بصراخ : أحمد يا زفت أأأأحمد
أحمد نزل من غرفته على صوتها والجميع نزل أيضًا
أحمد : في إيه يا جوري إنتي كويسة
جوري وهي تحاول أن تكون هادئة : لما تبقى تصاحب وتيجي تعرفني على أصحابك متنساش تقولي إن كانوا ولاد كلب ولا لا..لا لا حرام ذنب أبوه إيه هو إللي كلب وحقير وقذر وأنا ههد شركته فوق دماغه
كريم : في إيه يا جوري ومين ده ومال آسر بيكلمني يقولي كلم جوري وقولها أنا عايز أقابلها ضروري
ضحكت جوري بسخرية : آسر إللي بتكلم عنه، أه وبالمناسبة لو كلمك تاني قوله متحاولش أصلها خلاص قررت وأنا مش بتراجع عن قراراتي وههد شركته فوق دماغه ووريني هيعمل إيه
محمد : جوري إهدي وفهمينا إيه إللي حصل
جوري : الحمد لله أنا طالعة أصلي ركعتين شكر لله إني متجوزتش الكائن ده، بابا ده كداب وإنت عارف أنا بكره الكدابين قد إيه بس الغلط غلطي
صعدت جوري لغرفتها وإتصلت بأدهم
جوري : أدهم فورًا تعرفلي كل الصفقات بتاعت آسر
أدهم : إيه؟ ليه؟!
جوري بدأت تتعصب : أدهم هتعرف ولا أشوف غيرك
أدهم : طيب إهدي إنتي ليه متعصبة هو إنتي مش هتيجي الشركة النهارده
جوري بتنهيدة : أسفة نسيت هجهز وأجي وألاقي الملفات إللي طلبتها عندي
أدهم : حاضر
أغلقت جوري الخط وإرتدت بنطال أبيض وشيميز أحمر وجاكيت أبيض وحذاء أحمر كعب ونزلت وجدت آسر يجلس مع العائلة ويحاولوا أن يفهموا أي شيء منه ولكنه لا يتكلم جوري اعتبرت أنه غير موجود
جوري : بابي أنا خارجة رايحه الشركة عايز حاجة
محمد : لا يا بنتي بس شوفي آسر
جوري : أوكيه مش عايز حاجة يلا باي
آسر وهو يقف أمامها : جوري أنا...
جوري مقاطعة : اللهم طولك يا روح ورايا زفت شغل وسع من قدامي
آسر : طيب إسمعيني إنتي مش فاهمة
جوري بضحكة سخرية : فهمني هتقول إيه إنك كدبت عليا علشان بتحبني وإللي سمعته بودني إنك عايز تتجوزني علشان تستغلني ده غلط
آسر : أنا...
جوري : هجبلك من الأخر بص في عيني وقولي أنا بحبك يا جوري أكتر من حياتي وإللي سمعتيه وشوفتيه كدب
آسر : جوري أنا...
جوري بنرفزة : هتقول ولا أمشي
آسر : أنا بحبك يا جوري أكتر من حياتي وإللي سمعتيه وشوفتيه كدب
دخلت جوري في نوبة ضحك هستيري
جوري : بزمتك إنت مصدق نفسك طيب معلومة مهمة جدًا أنا بعرف الكداب من نظرة واحدة في عينيه بس أنا إللي كنت عاميه ورافضة أستخدم الطريقة دي معاك علشان كنت بثق فيك
آسر : يا جوري صدقيني
جوري بغضب : إنت إيه مبتفهمش غبي ( تحاول أن تهدأ ) طيب أحسنلك تروح تلحق شركتك لأن العد التنازلي بتاعها بدأ من اللحظة دي
آسر : إيه!!؟
جوري : تيك توك تيك توك يلا بسرعة حاول تلحقها
ذهب آسر بغضب ووقفت جوري وقبل أن تمشي
كريم : جوري أنا عايز أفهم إيه إللي حصل
جوري : أممم طيب هقولكم علشان مجيش وألاقي الزفت ده هنا تاني ( وحكت لهم ما حدث بالتفصيل )
صدم الجميع وأولهم أحمد الذي إعتبره صديقه وأمنه على شقيقته ..ذهبت جوري إلى الشركة واستطاعت الحصول على أغلب الصفقات التي لدى شركة آسر وآسر كاد يجن وأرسلت له رسالة
" من حفر حفرة لأخيه وقع فيها إحمد ربنا إني هكتفي بالكام صفقة دول إللي خسروك ملايين بس أقسم بالله لو قربت ناحيتي أو ناحية شركتي لكون مخلياك تمد إيدك لللي يسوى وإللي ميسواش "
للحظة غضب آسر وكاد ينتقم ولكنه علم أن اللعب مع جوري أصبح على المكشوف ولو أكمل الآن لن يقدر عليها وستنفذ كلامها ففضل البعد على أمل أنها هي التي تذهب له....
بعد مرور بضعة أيام قررت جوري السفر إلى مرسى مطروح لتغير جو وترتاح قليلًا، تمارس عملها من هناك عن طريق اللاب وأمسكت الإدارة لأحمد بشرط أن يساعده مازن وآسيا وأدهم وبمجرد وصول جوري إلى مرسى مطروح كان المساء قد حل دخلت وقامت بإدخال الحقائب وأعطت إجازة للبواب ووقفت في الصالة قليلًا وفجأة بدأت تصرخ وتكسر كل شيء في البيت ومن حظها أن الفيلا في مكان مقطوع تقريبًا خالي من الحياة نامت جوري على الكنبة واستيقظت قبيل المغرب بقليل تناولت بعض الطعام وجلست قليلاً ولكنها شعرت بالملل فخرجت لتركض قليلًا وبمجرد خروجها من البوابة وسيرها مسافة بعيدة عن الفيلا لاحظت أن هناك من يلاحقها فخافت
جوري في نفسها : أحييييه أنا الغبية يعني ضروري أشتري فيلا في منطقة مفيهاش صريخ إبن يومين منك لله يا آسر بسببك بعت الفيلا القديمة علشان قعدت معاك فيها
أحد الأشخاص : إيه يا .......
*بقلمي: أميرة الظلام(مروه كمال محمد)*
أنت تقرأ
فتاة تتحدى الجميع
Teen Fictionجوري الأمير فتاة تتحدى كل من يقف في طريقها ودائمًا تفوز؛ ولكن عندما يظهر آسر في حياتها تنقلب اللعبة وتقع في حبه، من سيربح في لعبة العشاق جوري أم آسر ؟!
