Ashes & Flame ⛓️ RATED -M ( Z + U ) [ Season 1❤️ COMPLETED]

S2 🔥 E1 (U)

လဆန်းသုံးရက်နေ့ ညသည်မှောင်မိုက်ရုံမက တိတ်ဆိတ်မှုအပေါင်းကြီးစိုး၍နေသည်။ ရံဖန်ရံခါအော်မြည်လိုက်သော ဇီးကွက်တွန်သံနှင့် ပုရစ်မြည်သံတို့ကြားမှ ထူးဆန်းသည့်အသံတစုံတရာကြောင့် ဘတ်ဟျွန်းနိုးလာခဲ့သည်။

အနီးပတ်ဝန်းကျင်မှာ မသင်္ကာဖွယ်ရှိသောအရိပ်အငွေ့တို့ အာရုံခံမိသည်နှင့်တပြိုက်နက် သူ့လက်တဖက်ရဲ့ရွေ့လျားရာက ကုတင်ခေါင်းရင်း မွေ့ယာအောက်မှာရှိနေတဲ့ သေနတ်နှစ်လက်ဆီသို့ဖြစ်သည်။ လက်မှာအမြဲမပြတ်ဝတ်ထားသော smart watch လေးရဲ့ ခလုတ်တခုကိုနှိပ်ပြီးချိန်မှာတော့ သားငယ်လေးနှစ်ယောက်ရှိနေသည့် ဟိုဖက်ခန်းတံခါးကို သူကလွဲပြီးမည်သူမှမဖွင့်နိုင်အောင် အခိုင်အခံ့ သော့ခတ်ပြီးကြောင်းသေချာသွားတော့သည်။

* ကျွီ ~~~ *

ဝရန်တာနှင့်ဆက်သွယ်ထားသော တံခါး၏ ခပ်ဖြည်းဖြည်းပွင့်ဟသံက အရာရာငြိမ်သက်နေသော ညလယ်ခေါင်တွင် ခြောက်ခြားဖွယ်အတိ။ Helatrix အိမ်တော် ပတ်ပတ်လည်မှာ နေရာချထားသော အစောင့်အရှောက်တွေ၊ နောက်ဆုံးပေါ်security system တွေကို မရမကဖောက်ဝင်လာခဲ့သောလုပ်ကြံသူသည် ဘတ်ဟျွန်းအနားမှာ မောင် မရှိသည့်အချိန်ကို သေချာစုံစမ်းထားပြီးသားဖြစ်လိမ့်မည်။

ဘတ်ဟျွန်းမှာ SWAT အဖွဲ့သားဟောင်းဆိုပေမယ့် နည်းပညာပိုင်းတာဝန်ယူခဲ့ရသူမို့ တိုက်ရေးခိုက်ရေးမှာ အားနည်းခဲ့သည်။ ဒါကြောင့်လည်း မောင်က သူမရှိချိန်မှာ ဘတ်ဟျွန်းကို အနီးကပ်စောင့်ရှောက်ပေးဖို့ bodyguard တွေချန်ထားခဲ့တာပင်။

Inferno ထဲက သစ္စာဖောက်အကြီးစားတကောင်ကို နိုင်ငံရပ်ခြားအထိလိုက်ဖမ်းရမှာမို့ တစ်လနှစ်လလောက်ကြာမယ်လို့ပြောသွားတဲ့မောင်က သုံးလေးလကျော်တဲ့အထိပြန်မလာနိုင်တော့လည်း ဘတ်ဟျွန်းမှာ တနေကုန် ကလေးနှစ်ယောက်ထိန်းရင်း အေးအေးဆေးဆေးမနေနိုင်တော့။ အစောင့်ရှောက်ခံဘဝနဲ့နေဖို့က အန္တရာယ်များလွန်းတယ်ထင်တာမို့ ကလေးတွေကို အဒေါ်ကြီးတွေလက်ထဲအပ်ထားပြီး အဖွဲ့သားတချို့နဲ့အတူ အတိုက်အခိုက်တွေ ဝင်လေ့ကျင့်ရသည်။ ကိုယ်ကိုယ်တိုင်နဲ့ သားငယ်တို့ကိုကာကွယ်ဖို့အစီအစဉ်တွေလုပ်ပြီးတော့မှ ညဖက်ကိုအိပ်ကောင်းခြင်းအိပ်ရတော့သည်။