جحيم زوجي 02(اللهجة الجزائرية مكتملة🇩🇿)

2

♣ البارت 2♣
♥الفصل الاول: #تائهة__في__ذاكرتي👑♥
👑 بقلمي ✍: #Bibou👑
           ♦#جحيم__زوحي__الجزء__الثاني♦

جـــســـد فــ' الـــتاسع  عـــشر 😇😊
و قـــلــب تـــجــآوز الــــســبـعــيـن' 💔

ريحاب تحكي:
حليت عينيا في سبيطار... بقيت حابة نفطن.... تع شكون انا....كيفاش وصلت هنا...واش راني ندير هنا....جا طبيب ليا...
انا:قتلك شكوووووون انااااا ويييين راااانيييي
دكتور:اهداي بنتي نتي دخلتي غيبوبة 4 شهر
انا:غيبوبة كيفاش
دكتور:شوفي بنتي نتي صرالك انهيار دخلتي غيبوبة وليوم فطنتي
جيت راح نوض....باسكو حابة نعرف روحي شكون...
دكتور:بنتي حبسي....ماشي مليحة ليك.... ولولادك
انا:ولادييييييي؟؟؟
دكتور:ايه بنتي راكي حامل
انا:وشنو....كيفاش... وقتاش....
دكتور:اهداي بنتي....دوكا نعيط لراجلك....
انا:اوكي
كيفاش هدي بالحمل....شكون انا....شكون راجلي... واش صرالي....كيفاش حتى صرالي انهيار... زعما راجلي يقبل بيا...ادا هو قبل انا كيفاش نقبل نعيش مع واحد منعرفوش...مع واحد ماشي متفكراتو.... ياربي علااش غير انا....اففف عائلتي وينها..... وزيد ولادي... ايه كان يكون راجلي ماشي شباب واش ندير....اععععقق منقدرش نعيش مع واحد ماشي شباب.... ادا كان يتشبه لشيخ...اععع نطلب انا الطلاق بلا تخمام.... انا نخمم ونطلع نهبط جا طبيب
الدكتور:بنتي
انا:واقيل كي سمع راجلي بلي فقدت الذاكرة محبش يجي... ديجا الله لا جا...واش ندير انا بشيخ مطزطز(معنتها كبير بزاف)... اففف بالناقص منو....يروح يجو عشرة غيرووو...
الدكتور:وشبيك بنتي.... رآه جاي راجلك...انا نخليك تريحي.....
ريحاب: اوكي
بقيت نخمم في غويجلي زعما كيفاش داير
الممرضة:ريحتي ختي
انا:ايه..معليش نسقسيك
الممرضة: ايه
انا:راجلي مالفة تشوفيه...قصدي مالف يجي ليا....
الممرضة:ايه يوميا يجي
انا:ياا معليش تقوليلي ادا شباب
الممرضة:...
جات تهدر...ويدخل واحد ياخياتي شدوني...راح نطيح...هبطلي السكر لريكابي... ااا في هديك الدقيقة قلت بلاك غاجلي...انبعد قلت محال يشوف فيا....محال يشوف في وحدة كيفي...يعني انا وجهي نسيتو بصح مشكيتش يشوف فيا...عندو زين يفشل ركايب...سمر يهبل شيكولا.... عندو لحية خفيفة تڨعر....عينيه كحولا....سنيه مستفين....كلش فيه يهبل....انا خلاص راح نموت... الطبيب ارواح خرجوا عليا لا نغطصبو هنا.....

لن يفيدك المعطف عندماا يكون البرد من الدااخل🥺🥀🖇🖤❄️⚡️

دنيال يحكي:
بعد معيطلي طبيب.. روحت لطونوبيل تاعي...لازم نشوف ريحاب....لازم نشوف ادا راهي مليحة... توحشت عينيها...(هو توحش عينيها وانا الماعن توحشوني باش نغسلهم🥺)
غير وصلت لسبيطار روحت نجري ليها....غير وصلت لقيتها تهدر مع الممرضة....شفتها تشوف فيا شوفات ههه يضحكو
انا:ريحاب!!
ريحاب:راهو يحكي معاك!(قصدها على الممرضة)
الممرضة:سيدة
ريحاب:ايه سور راهو يحكي معاك .....محال انا نعرف البوڨوص هدا...ديجا كان جيت نعرفو بلاك ننسى روحي وهو محال ننساه....
انا:هههههههه
شحال عندي مضحكتش....عندي بزاف مضحكتش كامل بالتمثيل ومضحكتش...وريحاب خلاتني نضحك من قلبي.....ههه جابلي ربي كي فقدت الذاكرة ....ولات مهبولة...
انا:احمم نتي ريحاب
ريحاب: انا؟(وبقات دير بصبعها على روحة)
انا:ايه نتي ريحاب
ريحاب: احمم شكون نت... اين هو غاجلي العجوز... زهري ونعرفو....محال تكون نت غاجلي.... بلاك تكون نت تكون وليدو من مرتو لولا.... وانا كشغل مرت باباك...لازم نغمض عينيا....محال نتزوج... ولا يكون راجلي بوڨوص كيما نت...
ههه يعني تخمم بلي راجلها يكون شيخ كبير في لعمر.....هههه والله مهبولة.....ولات تتصرف كيما لبيب..... حبيبة قلبي توحشتها...وتوحشت عينيها.... وصوتها... وهدرتها...
انا: معليش تخلينا وحدنا(قصدو عل الممرضة)
الممرضة:حاضر سيدي
انا:احمم
ريحاب:وي
انا:بابا بزاف توحشك.... وقالي روح جيب يماك...
ريحاب:يعني صح انا مرت باباك🥺🥺🥺مأه مأه مأه نطلق
انا:بصح كنتي تحبي بابا.... لالا تموتي على بابا..... وكنتي تكرهيني....
ريحاب: نحب شيخ ونكرهك....سور نت مريض...
انا:هههه مهبولتي
ريحاب:متحشم تقول لمرت باباك مهبولتي..... معليش هدا مكتوبي...نقبل بالمطزطز.... بصح غير نزيد نطلق
انا:هههه مهبولة والله كيفاش جا في بالك بلي راجلك شيخ
ريحاب:احساسي🥺🥺🥺
انا: احساسك غالط....باسكو انا راجلك
ريحاب:ياااا يعني انا مرتك....اعطيني دليل بلي مرتك ماكش تكذب
انا عيطت لطبيب
انا:شكون انا
الطبيب:السيد دنيال
انا:قصدي واش تقربلي هدي
الطبيب:راجلها
انا:مغسي تقدر تروح
ريحاب:واش يضمن لي....بلي معطتوش  رشوة
انا: رييييييييييييييييييييييييحااااااااااااااااااااااااب  ماناش ذراري
على عياطي صوطات من بلاصتها
انا:وقتاش تقدر تخرج
طبيب: نديرو شوي فحوصات غدوا تخرج
انا:اوكي

أحيانّـا الذكريـات السعيـدة تؤلـم أكثـر🖤🦋

شيماء تحكي:
جازت كتر من 6 شهر مشفتش ريحاب....وكي شفتها...كانت مصروعة...كانت فاقدة الوعي... وين راهي ريحاب لي نعرفها....لقوية...لي لسانها طويل... وين راهي ختي لكبيرة....ختي لي وقفت معايا... لي كي خلاوني خياتي هيا وقفت معايا...من صغيري ريحاب معايا وجامي سمحت فيا....واقفة معايا قلب ورب....كي كنت صغيرة كانت ختي ايفا.... متكبرة....جامي عونتني....جامي وقفت معايا.... Malgré انا الصغيرة تع الدار....مي جامي حسو بيا.... كنت toujours نحس روحي ماشي مرحبا بيها في لعائلة....ماما كانت تهتم غير بختي إيفا..  وبابا غير بختي ريمة... وانا كنت وحدي....غير ريحاب لي وقفت معايا....غير ريحاب لي حست بيا...كانت تمثل بالنسبة ليا الاخت...والاخ...والاب... والام...ريحاب كانت كامل عائلتي....محال ننسى خيرها....نشفى كي كنا صغار وكي يقلقوني ... هيا دافع عليا ....كانت مافيا ههه.... كانت تضرب ذراري علجالي...كيفاش ننسى خيرها...وكي جا خطبها الفين ....فرحت حسبتلي ليها...مي كي قال سيدي مشوه .....وفي عمرو ربعين.... حولت نقنع دار ميقبلوش...بصح هوما....دارو لي في راسهم
#Flach__Back
انا:ماما...بابا
بسمة:خير واش تسحقي
انا:ماما متقبليش بسيد باسم مضيعيش حياة ريحاب علجال حب الدراهم
مصطفى:وشنو وشنوو.....نكسر بكلمتي قدام الرجال....... وزيد نتي واش دخلك ياك هدي حياة ريحاب
انا:ماما كان كانت وحدة منا....زعما تقبلي تتزوج... وضيع حياتها...مع واحد كبير عليها ب15 سنة... وزيد معاق...ومشوه....ماما ريحاب لي يضالو يخطبو فيها....كل يوم يجي واحد لبابا علجالها... في الأخير تتزوج بواحد مشوه....واحد ميقدرش يخليها تعيش كأي زوجة.....اه ماما هكدا تحبي.... بصح كانت جات بنتك تع الصح....جامي ضيعيلها حياتها
وانا نحكي نحس بكف طيحتي في الارض
بسمة: متنسايش....ريحاب ماشي بنتي....وعمرها لا تكون بنتي....بعد مجبت 3 بنات....خلاص هيا ولات كشغل خدامة....وعلاش متتزوجش سيد باسم... ماشي في الأخير عندو دراهم....شوفي...واسمعي.... تعرفيني مليح....دوكا نتي....ايه نتي...تولي تضحكي على رجلها....وكي تجي قوليلها كلام يجرح.......باش متخممش كامل ترجع....فهمتي كلامي....تجرحيها.... كرهيها فينا....وكان مديرش هكدا.... اقسم بالله.... غير نقتلها....ونكرها حياتها...
انبعد شدتني من شعري بزور
بسمة:فهمتي
انا:حرام عليك....طفلة يتيمة....واش يصرالها كامل نتوما سبتو.... حسبي الله ونعم الوكيل فيكم .... على واش درت في طفلة...علاش مرجعتوهاش للميتم....وكي وليتي بالحمل ...ولا حبيتي تكون عندك خدامة باطل
امبعد جبدت ماما تيو تع حديد.....وبقات تضرب..... ههه واش قتلكم انا المكروها تع الدار باسكو نحب ريحاب....
#End__Flach__Bach
👑#بختة👑
جام وكمنتار👇👇