جحيم زوجي 02(اللهجة الجزائرية مكتملة🇩🇿)

13

♣ البارت 13♣
♥الفصل الثاني: #بين_الماضي_والحاضر👑♥
👑 بقلمي ✍: Bibou👑
           ♦#جحيم__زوجي__الجزء__الثاني♦

و خاسرُ الوِد وإن عادَ نادماً، لا وِدّ له!
البابُ أُقفِل ،والسُور متين، والقِفل منيع، لقد حوّط الله قلوبنا بهم حتى اكتفينا مِن الزيّف كله!

ريحاب تحكي:
ليوم عندي نهار وانا بعيدة على دنيال....صراحة توحشتو...مفهمتش ادا انا ولا لوحم...بصح اني متوحشاتو......ليوم الفين خرج يتقلاقا بشيما...... حكالي عليها....قالي نحبها ونموت عليها.... منقدرش نتخيل حياتي بلا بيها....كي كان يهدر كانت كاينة لمعة في عينو....نتمنى ربي يكتبهالهم....ويكونو لبعض....باسكو صح يحب.... وقليل وين نلقاو راجل يحب...كيما قالي نخاف عليها من روحو.... جامي مسيتها...وجامي بستها...باسكو نحبها.... نخلي كلش في لحلال..... شحال كبر في عيني كي قال هكدا...حسيت بلي مزال كاين رجال في دزاير.. كرهت وحدي في دار....نضت سيقت كامل الدار.... باسكو هدي دار والدين ألفين....وهو ميجيش ليها بزاف....سما درتلها ميناج كامل...بقيت كتر من 4 سوايع باسكو فيلا....تقلقت على ألفين كي طول.... بصح معليش كملت طيبت....بصح مكليتاش.... باسكو كي طيبتها انا عفتها...قعدت وبقيت نخمم... وتفكرت دار المغلوقة....كامل ديار فاتحين غير هيا لالا....ودرتلي فضول باش نشوفها.... بقيت نستنى ألفين حتى قريب 22:00 تع ليل باش جا غير دخل كنت انا عند الباب....
انا: اووو ألفين وشبيك هدا وين تدخل....تقلقت عليك....حسبتلي كاش مصرالك
ألفين: متتقلقيش....كنت نستنى في شيما بصح مجاتش....بلاك ريمة كاش مابيها علبيها...
انا:عيطتلها....سقسيت عليها....؟؟
ألفين:اممم اني نشم في ريحة ماكلة....واش طيبتي
حسيتو كان حاب يبدل الهدرا محبيتش نضغط عليه....
انا:اغسل... وادخل شوف....
ألفين:اوكي...
راح غسل...وانا وجدتلو باش يتعشى....وبقيت واقفة حابة نهدر...ونلعب بصبعتية...
ألفين:وي.. احكي....
انا:احمم...اني حابة...
ألفين:واش حابة....
انا:شوف ليوم درت ميناج...شفت دار...لقيتها مغلوقة....حبيت نعرف واش فيها...
حط المغرف وتنهد....
ألفين:هديك دار ختي الله يرحمها....غير تزوجت غلقناها....مبدنالها والو....وكي ماتت غلقناها كامل... باش ميدخل حتى واحد....نحب نخلي الذكريات تع ختي حية....
انا:اااه ربي يرحمها...معليش نشوف دارها...
ألفين: وي تبعيني....
روحت تبعتو وانا ساكتة..... غير وصلت فتحلي لباب دخلت...
انا:يووو مزالها نقية لحالة....كيفاش هدي غلقين عليها....
ألفين:باسكو انا بنفسي ندخل نضفها....
انا:نسقسيك....؟
ألفين:وي...!
انا:شحال عندها من ماتت...؟
ألفين:قريب 25 سنة....!
انا:الله يرحمها....
بقيت ندور ونكتشف في دار....شفت لفوتو تاعها.... حطيت يدي على فمي...
انا:ألفين...شوف شوف ....تتشبهلي تبان انا....حتى لعينين كيف-كيف..
ألفين:وي علبالي....علجال هدي السبة لي تعلقت بيك بزاف.... ودرتك ختي....
بقيت ندور وانا حايرة كيفاش تتشبهلي لهدي الدرجة.... بقيت نقلب في قشها لقيت كراس قديم....يبان مذكرة....
انا:معليش نقراه....
ألفين:جامي تجرأت انا نفتحو...ومكاش لي فتحو باسكو اسرار ختي كامل راهم تماك....
انا:معليش نقراه...
ألفين:وي Bien sûr
خرجت وديت معايا المذكرة....بقات في قلبي..... دخلت لشومبرتي وفتحتها وبديت نقرا فيها....

#Falsh__Back
💔لست عاهرة 💔
بقلم:  ⓜⓐⓨⓐⓡ ⓜⓐⓢⓢⓡⓞⓝⓘ

لََّستّ عٌأّهِرةّ لَمَجِردِ أّنِنِيِّ أګمَلَتّ دِرأَّّستّيِّ أّلَدِرأَّّسةّ عٌلَمَ وِأّلَلَهِ أمَرنِأّ بِأّلَعٌلَمَ  فِّأّنِأّ لََّستّ عٌأّهِرةّ لَأّنِنِيِّ لَمَ أّفِّعٌلَ أّيِّ شٍيِّ  محرم ولانني متعلمة رايتني عاهرة

(شوفو حبوباتي باش تفهمو كي نقلكم فلاش باك.... معنتها هيا واش راهي تقرا في المذكرة بصح حبيت انا نحكيهالكم هكدا باش نكون نحكي على الماضي والحاضر)

ميليس تحكي:
ليوم اول يوم ليا في لفاك...اني خايفة ومتحمسة في نفس الوقت....اني متمنية نلقى لمجموعة تاعي...باسكو انا بلى بيها والو.... بدلت قشي ولبسة وخرجت....
انا:باي ماما...
مسعودة:وين بيها بلا متفطري ياهجالة...وزيد وشنو هدي لبسة....اكبي غلطت كي خليتك تقراي وتحقي حلمك...كان خليتك كيما بنات عمك تزوجتي كان تهنيت....
انا:ماما نفس السيناريو كل يوم...اي باي دوكا نطول....
هدي هيا حياتي...نفس السيناريو كل يوم مع ماما... حنا عدنا بلي طفلة عار...وزيد ادا قرات تخلى تولي عاهرة....بصح ماما واجهت كامل عائلتي....واجهت كامل تقليدنا وعاداتنا.... وخلاتني نكمل قرايتي.... صح هيا تعيط وتسبني...بصح مكاش أم متتمناش النجاح لبنتها.... بصح عندها الحق تخاف.... رانا في وقفت فيها ذيابة.... مكاش لي يقدر عليهم....وزيد ادا لقاو طفلة ياكلوها بلا طياب....وصلت لفاك غير دخلت قبلتني مجموعتي ولا نقول عصابتي... طرت من الفرحة....
انا: اوووو نتوما تاني راكم هنا وجوه الشر...
محمد:مكاش كيفاش نخلوك ....
امين:شكون يخلي صغرونتو ويروح....
امال:مكاش كيفاش نخلي نتي ختي....
انا:مانيش مأمنة عينيا طحنا في نفس لفاك.... اوو اديشني مبصوطة....
امال:ههه غير ارجعي لاصلك...
انا:هههه....
محمد:اي نروحو نقراو...
غير دخلنا جا الاستاذ...وهنا بقينا نتبهلو... ونضحكو....
الاستاذ:نتوما ربعة....طيرو براااا....
انا:اووو استاذ كشغل طلبت على قلبي.... والله مام انا حابة نخرج...
وبعتلو بوسة في لهوا... هدي هيا انا...جريئة بزاف... وزيد يقولو مهبولة... غير خرجت قرصني امين من خدي....

تتمة الثالثة للحلقة25
وبعتلو بوسة في لهوا... هدي هيا انا...جريئة بزاف... وزيد يقولو مهبولة... غير خرجت قرصني امين من خدي....
انا:اححح
امين:واش قتلك على لهبال ولمشاكل....وزيد تبعتي بوسة للاستاذ....
امال وهيا تلعب بشعرها:دوكا يتخيلك قحبة....
انا:يتخايل واش يحب انا نعرف روحو واش نسوى بب'ه اي باي نروح لدار....
محمد:بصح مزال كاين قراية....
انا:ماهيش نفختلي نقرا باي...
روحت لدار...
#End__Flash__Back

ريحاب: اووو تبان حياتها فيها بزاف الغاز.... غدوا نكمل نقراها دوكا نعست نرقد⁦☺️⁩

👑#بختة👑
جام وكمنتار👇👇