جحيم زوجي 02(اللهجة الجزائرية مكتملة🇩🇿)

30

♣ البارت 30♣
♥الفصل الثالث والاخير: #هل_يغفر_الذنب👑♥
👑 بقلمي ✍: Bibou👑
           ♦#جحيم__زوجي__الجزء__الثاني♦

_لي ما عندو والو عندو ربي ⁦☝️⁩✨ ولي عندو ربي عندو كلش💫🥀

ريحاب تحكي:

بعد مخرجت ورحت ديركت لخالو....في لول مأمنش انبعد أمن بصح غيرة دنيال مرڨتها.... مفهمتش علاش يغير من خالي....ودعت خالي  وروحت لدار....باسكو ليوم طويل....وراني عاينة.... بقيت نخمم زعما كان جيت ماشي فاقدة الذاكرة كنت زعما راح نقبل بكلش جاز عليا....بقيت نخمم حتى طلع دينال....
انا: امم نسقسيك....
دينال:وي صغرونتي...
انا:مانيش صغيرونة راني كبيرة في عمري 25 ونص😒....
دينال:هههه صح كبيرة بزاااف سمحينا يالكبيرة.... سقسي دوكا 😑...
انا:الفين خالي....علاش غرت منو....
دينال:شكون قالك غرت...
انا:حسيت...اي جوبني بلا متهرب....
بقى يقرب مني وانا نبعد حتى لسقت في لحيط.... وهو لاسق فيا...دار شواربو على شواربي....غير من الفوق وهدر....
دنيال:باسكو بسهولة....صح هو خالك....بصح انا ولفت بلي هو غريب عليك....كنت نحس بلي هو معجب بيك....ههه ومنحب حتى واحد من جنس ادم حتى ويكون خوك....
يهدر فوق شواربي....رهوجني....بقيت غايسة حتى عضني من شواربي...
دنيال:فهمتي....
انا:اممم..ايي..ه فه...م...ت...
دنيال:وشبيكي تأتئ....
انا:اففف بعد عليا....
راح خرج وانا بقيت نخمم.... حتى حتى جا خويا في بالي....دخلت للفيس لقيتو اكسيبتاني....وزيد اونلين...عرفت بلي ليوم زهري.... دخلت ديركت...
انا:احمد حابة نتلاقا بيك خير المكان والزمان...
بقى قريب 10 دقائق باش رد...
ايمن:شكون نتي....
انا:كي تتلقاني تعرفني....
ايمن: اوكي نتلقاو في مطعم السعادة....على 10:00
انا:اوكي غدوا مالا...
روحت رقدت بلا منزيد نستنى....نضت صباح حسيت بجهامة فوقي....ثقيلة برشا....
انبعد:بعد شوي...خليني نتنفس.... 
لقيت دنيال فوقي يتفرج فيا....
دنيال:ناس يقولو صباح صباح الخير...
انا:نوض نلقى جهامة فوقي واش من صباح يبقالي....
دنيال:اممم لبارح نضتي بكري...وعزيتي فيا محبيتش نوضك....ونورمالمو لبارح نبات عريس....
انا:متحشمش😒😒خليني نغسل وجهي....
دنيال:وينها بوستي تع صباح....(ابكو بلعقل لبنات)
انا:اخطيني خصني غير البوس....
جا راح يبوسني وعلبالي من بوسة تولي لعب يخشان....درت يدي على فمي كلش راح نتقية (حشاكم) بعد عليا يجري وهو مخلوع...
دينال:وشبيك حبي...واش كاين
روحت نجري لدوش... وغلقتو ودرت روحي نتقية زعما.....
دنيال:افتحي وشبيك....
انا:من لوحم برك....ودوكا نولي مليحة....بعد الدوش....
دنيال:اوكي راني لتحت
(نزرب شوي كان نبقى نحكي عليهم نكتب 10 حلقات غير عليهم)
لحقت لعشرة وجدت روحي(لبسة كيما في الصورة).....وخرجت ومن زهري دنيال ماشي في دار....روحت وين قالي... بقيت نستنى شوي حتى شفتو جاي عندي... وحسيتو كي شافني تخلع....
ايمن:ريحاب....واش راكي ديري هنا....
انا:انا لي عيطتلك....
ايمن: وين تعرفيني....
انا:كيفاش منعرفش خويا التوام....
ايمن:يعني عرفتي كلش....
انا:ايه....ونت تاني علبالك....
ايمن:ايه
ألفين:وي ريحاب...غير الخير....
انا:واش من خير....
ألفين:واش صرا....
انا:شيما نتحرت....
ألفين:وشنووو كيفاش.... وقتاش....
انا:معلباليش راهي في سبيطار ****
ألفين:واش دخلني فيها تموت....
انا:راك سيريو....شوف كان متجيش والله منزيد نحكي معاك....
ألفين:علاش ديري هكدا....اوكي اني جاي....
روحت نجري وبقيت نخمم في بزاف حوايج.... وفي حياتي لي تقلبت....حتى شفت دنيال يحكي مع ختو....بعد نص ساعة....شفت في دنيال.... عروقو بارزين تع يدو ورقبتو....وعينيه حمورا..... تحول لوحش في لحظة....خلعني....بقيت نشوف فيه ومخلوغة جامي شفت دنيال هكدا....مفقت لوالو غير وهو يجبد فيا بزور.....دخلني لطونوبيل وبقى يسوق بسرعة جنونة....
انا:نقص دنيال....دنيال نقص..
دنيال:توحسي نقص...
غير قال هكدا وزاد في لمح البصر كنا قدام الدار.... هبطني يكركر فيا.... دخلتي لدار ورماني في الارض....
دنيال:تشوفي فيا طرطور....تشوف فيا نقش... طحان ماشي راجل....
انا:واش درت....
جبدت تيليفوني ورهولي....تصويرتي انا وخويا معنقني....
دنيال:تخوني فيا....وتعنقي في الرجال
انا: اصبر خليني نفهمك...
وقفت باش نفهمو....منحس غير بكف طيحني في الارض....وبسبت الكف خبطت رأسي في طابلة.... غير شافني طايحة ودم في راسي تخلع جا يجري ليا....
دنيال:فيقي فيقي......
انا نهدر بالسيف وبصوت شبه مسموت:لي كان معنقاتو كان خويا التوأم...تلقيت بيه....ومن وحشي عنقتو....اسمحلي...قلت هكدا ومحسيت بوالو

👑#بختة👑
جام وكمنتار👇👇

(في ليل بلاك نكملها ونحط نهاية تاعها😌😌)