♣ البارت 16♣
♥الفصل الثاني: #بين_الماضي_والحاضر👑♥
👑 بقلمي ✍: Bibou👑
♦#جحيم__زوجي__الجزء__الثاني♦
#عِنْـدَمَـا 🎁#تَـرَى 📀#أَنَ #المُعَـامَلَة⌛ٌ #بَـدَأَتْ #تَـتَـغَـيَـرْ ⏳#فَـاعْلَـم💰ْ أَنَ #البَـدِيـلْ🎭 #قَـدْ #حَضَـرْ
ريحاب تحكي:
ليوم غير نضت....روحت درت قهوة لالفين باسكو راه سكران....يعني تخف وجع راسو شوي....روحت وجدتهالو ودخلت....لقيتو هدك وين ناض وشاد راسو....
انا: اممم راهو يوجع فيك....
ألفين:وي....بصح كيفاش راني هنا....انا كنت في..
انا:في بار....وشربت بزاف...وجيت لدار وأنا دخلتك
ألفين:مرسي ريحاب....
انا:هاك اشرب قهوة باش يجف وجع راسك....
ألفين:حفظك....نغسل ونجي....
انا:نسقسيك قبل....
ألفين:وي..
انا:شكون لي وصلاتك لهديك الحالة....شكون هدي لي تحب دراهم وسمحت فيك....شكون لي وجعتلك قلبك....
ألفين: وحدة عشتها....درتها كامل حياتي....بصح هيا كلبة تع دراهم....خلاص انا نسيتها....وربي وكيلها....
انا:شيما صح؟؟؟....
ألفين:هههه شيما....لالا هديك كيف ختي جامي نخمم فيها هكداك....
انا:مالا علاش غرت هدك نهار لي حكات مع كريم....
ألفين:مغرتش....وتاني هيا كيفك منحبش واحد يجرها...اي اني رايح لدوش...
انا: اوكي
وطلعت...احساسي يقلي بلي شيما....معلباليش علاش....بصح متأكدة بلي شيما....وكان نعرفها هيا صح نبهدلها....روحت لشومبرا وفتحت المذكرة وبديت نقرا.....
#Flash__Back
ميليس تحكي:
قاعدة كارهة ليوم مكاش قراي....درت ميناج للحالة وقعدت....حتى جات قعد قدامي يما....
انا:على قعدك باينة كاين هدرا....احكي واش كاين ماما....احكي....
مسعودة:شوفي ابنتي....تعرفيني نحبك ونحب مصلحتك....بصح....
انا:بصح واش يما....
مسعودة: شوفي بنتي...عمك...عطى كلمة...وتعرفي عاداتنا وتقاليدنا....لازم نسمعو لعمك لكبير....سورتو كي انا ارملة راجلي ميت.... سما لازم نسمع كلام عمك....
انا:من لخر....واش حاب عمي..
مسعودة:شوفي ابنتي....هو قالي حابك تتزوجي بوليدي لكبير...مصطفى....
انا:وشنووو....مام طول عمري مصطفى ديراتو خويا وليد عمي.... جامي نقدر نقبل فكرة نتزوج بيه....وزيد هو متزوج....واش هدا الخرطي تاعكم....
مسعودة: علبالي.....بصح مرتو قالو عاقر....
انا:محال نقبل....ماما تحوسي ندي ذنوب طفلة.... تحوسي تبقى تدعي عليا....حابة تولي تقلي سراقة الرجال....وزيد شكون نسرق راجل بنت ختك.... نسرق راجل بنت خالتي...وزيد ماما واش تخلطو.... واش تحوسي....انا بسمة محال نخدعها ولا نديلها رجلها....راهي بنت خالتي وكي ختي....
غير كملت هدرتي تجيني كف....دروتلي وجهي....
مسعودة:واش هدي الهدرا.... من وقتاش لمرا ترفض هدرت رجال....ولا كي قريتي وتعلمتي زوج حروف وليتي تنفخي في ريشك....عاودي اهبطي للرض...انا واش يقول عمك نقول ايه....مكاش كلمة بعدو.....ونتي تقولي ايه....ولا اهدري كاش معندك واحد...اهدري.... كاش معندك واحد في جامعتك خليتيه باسكو مقبلتيش...اه ياهجالة...اهدري...هكدا تربيتي راح في ريح....وليتي تحبي وديري رجال مورايا.....
انا:مااااااامااااااا.....وشبييييك تحاااااجييي وتفسرييييييي وحددددك......شكووووون قااااالك عنديييي ليييي نحبوووو.....انا مقبلتش غيييييير علجاااااااال بسمة....ومحااااااال نقبببببببل....بااااااسكوووووو مصطفىىىىىىىى يمووووت علىىىىىى بسمةةة.... وعميييي خليييه.... مكااااااش قنوووون يخليييييه يحكم فيييااالا
مسعودة:كيفاش هدي معندو مدخلو....هو عمك.... وكلامو يتنفذ.... ادا حابة نرضى عليك.....
وراحت وخلاتي..مقدرتش نبكي...بقيت نشوف في لفراق قلبي يوجع....كيفاش هدي ندمر بيت بنت خالتي....ونتزوج مصطفى لي طول عمري ديراتو خويا....وزيد هو يحب بسمة....قصة حبهم انا شاهدة عليها.....محال نقبل تدمر....ههه بصح ضحك..... مزالهم في العصر الجاهلي.... كيفاش هدي العم كلمتو لي تمشي.... وزيد كان بيديهم يقتلوني....بصح ماما علاش تسمعلهم....انا كان يحتمي عليا نهرب عادي..خلاص اني مخنوقة لازم نحكي مع كاش واحد....غير درت حكى جا امين في بالي....جبدت تيليفون نوكيا حطبة.....وبيبتلو.... باسكو عندي غير الفراك....محال نخسرها....هو يضال يفليكسي....خلينا نستفيدي منو.....
انا:الو....
امين:وي صغرونة...
انا:اني مخنوقة....
امين:متقوليلش تفرجتي كاش فيلم... والبطلة ماتت تخنقتي....
انا:امين شحال سامط....انا مخنوقة ونت تزيد عليا.... بصح انا لحمارة لي نعيطلك....خلاص باي....
امين: يوووووو صغرونتي زعفت....احكيلي واش بيك.....
انا حكيتلو كلش...باسكو هو ومحمد وآمال كامل حياتي.....
امين:شوفي لازم متتزوجيش....وادا جبروك اهربي....
انا:وين نهرب....وين نروح.....
امين:ادا جبروك داري مفتوحة ليك....
انا: اوكي مرسي امين....انا نخليك باسكو ماما جات من عند جارتنا....
امين:باي
امين👇👇👇👇👇
👑#بختة👑
جام وكمنتار👇👇
واش رايكم في الصدمات😁😁😁
واش رايكم كي عرفتي بلي بسمة بنت خالت ميليس.....يعني شيما وريمة يكولولها😋😋😋 واش رايكم كي عرفتو بلي مصطفي وليد عمي ميليس.....اعطوني توقعاتكم كامل حبوباتي 😍😍😍
أنت تقرأ
جحيم زوجي 02(اللهجة الجزائرية مكتملة🇩🇿)
Roman d'amourأتعلم ! - أتعلم إني أتفقد هاتفي في الدقيقة مئات المرات لعلني أجد رسالة مِنك تَجبر بها خاطري وقلبي المكسور ، أتعلم أنني أتلهف كُلما سَمعت جرس هاتفي مُعلناً عن رسالة جديدة وأشعر بخيبة أمل عندما أجدك لم تُرسل لي شئ ، أتعلم أني كلما يحدث لي شئيا يُسعدن...
