#سادي اعشق قسوته
~~~~~~~~~~~~
الفصل العشرين(حب جديد،يموت ف مهده)
~~~~~~~~~~~
#بداخل فيلا طلعت جلال
طلعت((أنت ازاي تسيبها تمشي يا كريم، بعد كل ده تسيبها ترجع له))
كريم بقله حيله
((وكنت عايزني أعمل لها ايه بس يا عمي، هيه ما صدقت لقيت فرصه ترجع له بيها، كنت همنعها ازاي يعني))
طلعت((انت غبيييي، قلت لك خليها تحبك، إزاي ما كرهتهوش بعد كل اللي عمله فيها، قلت لك حاول توقعها فيك، رحت حضرتك شغلتها ف المستشفى وسبتها تخرج من فيلتك، وف الأخر سابتك خالص، اومال انا عملت كل ده ليه))
رد صوت غليظ من خلفهم
((عشان انت كمان غبي يا طلعت، اللي حصل معاها ده لمصلحتنا))
نظرا الاثنين ل حسام الحوت، نعم انه عم فهد، أخو خليل الحوت، الذي كان له أثر كبير ف الجزء الاول، عاد مجدداً
قال طلعت
((مش فاهم يا حسام بيه قصدك إيه))
حسام بثقه
((قصدي انك غبي، انت من البدايه اتصرفت غلط، انا حذرتك وقلت لك فهد مالوش غير نقطه ضعف واحده وهيه عياله، وانت بغباءك أشتغلت ع مراته، انت متخيل ان راجل زي فهد عنده قلب يحب ويضحي عشان واحده، لاء يا طلعت، عياله هما هدفنا، وهما الشى الوحيد اللي هيجبروه يخضع لنا، بس خلاص ملحوقه، انت يا كريم لسه بتكلمها))
كريم((أيوا يا حسام بيه، بكلمها كل يوم واتطمن عليها))
حسام((تمام اوي، خليك متابعها ع طول واوعي تقطع اتصالك بيها، وف الوقت المناسب، هقولك تعمل ايه والمره دي تأخد أوامرك مني انا مباشره، وانا غلطان اني اعتمدت ع عمك من البدايه، انا لازم أوصل للدهب وهوصل له بأي تمن وان كان ع جثث عيله الحوت كلها وجثتك انت وعمك وبنته وجدك انتوا فاهميييين))
هز رأسه وهوه يرتعش من تهديد حسام الحوت، نظر له طلعت واؤم له برأسه مؤيدا كلام حسام وجديه تهديده
_________________________
#عوده ل أمل
تبتسم ببراءه وهيه تركب سيارتها، صعدت بجوار عمران، قابل نظرتها بنظره جافه، خاليه من اي تعبير، اخفضت
عيناها خجلا، قالت له بصوت هدير
((ممكن تأخدني ع المول، عايزه أشتري هديه ل داليا عش......))
قاطعها بجفاء
((خلاص يا أنسه هأخدك، انتي مش مضطره تشرحي لي انتي راحه ليه))
أدار السياره وانطلق، أمل شعرت بالاحراج لانه كسفها دون حرج، نظرت له بتمعن، تأملت وجهه الوسيم القاسي
وعيناه التي تحمل حزن وألم كبير، شعرت بأن قلبه مثقل بالهموم والأحزان والمشاعر الميته، تمنت بشده ان يشعر بها
ان يحاول التقرب لها، لكن من الواضح انها لا تثير اهتمامه ولو قليل، حزنت لهذا، فهيه فتاه جميله، رقيقه، يعجب بها
