#عنيد_أسر_قلبي
#فريده_احمد_فريد
~~~~~~~~~~~
الفصل الثامن والعشرين(وعادت لسيدها،مالك قلبها)
~~~~~~~~~
#مشهد عام
بداخل احدي الهناجر المهجوره، خصص حسام الحوت المكان بشكل خاص، صنع حفره ضخمه ف منتصف المكان
و علق عليها حلقات حديد، وبداخل الحفره وضع نمران شرسان جائعان، و أعلي الحفره علق خليل الحوت
ف حبل يتدلي ع الحفره قدمه لأسفل و رأسه لأعلي، وبعيد عنه بمتران، يتدلي ابناء فهد الثلاثه مربوطين معا
و حبل خليل ف يد رجلان يقفان عند حافه الحفره
و حبل الاولاد يمسكه ثلاث رجال ويقفون ايضا لكن ابعد قليلاً
و فهد يجلس فاقد الوعي ع كرسي قريب من الحفره، و يقف ف المكان رجال الاعمال المشتركين ف هذا الحدث
مجتمعين ليعرفوا مكان الذهب كلهم معا، لأنهم لا يثقون ف بعضهم، كان طلعت جلال،وكريم ابن اخيه، و الزوهري، و العناني و، حسام الحوت
حسام وقف بالقرب من فهد، و أشار لرجله، الرجل سكب دلو مياه بارده ع وجه فهد
انتفض فهد فجأة وفتح عيناه، اغلقهم وفتحهم عده مرات، نظر حوله ورآي الفخ الذي وقع فيه
لكنه وجد أمامه ابيه وابناءه متدليين من حبال ع حفره عميقه، نظر ف الحفره وبرق بفزع
نظر ل عمه والرجال حوله، لم يصدق فهد للوهله الاولي ان هذا يحدث، حاول النهوض، مسكه رجل، قال حسام
((اعقل يا فهد، ابوك وعيالك ف ايدي، و بأشاره واحده مني، هيترموا للنمور الجعانه دي، وانت ادري واحد بالحيوانات دي وبيعملوا ايه خصوصا لو قعدوا عشر ايام من غير لحمه))
فهد بتوتر غاضب
((لييييه، ليه يا حسام، دا اخوك، و احفادك، ليه تعمل فينا كده، ليييييه))
ضحك طلعت وقال ساخرا
((ظريف اوي ابن اخوك ده يا حسام))
اقترب من فهد ومسك ذقنه وقال غاضبا
((لييييه، بتسأل ليه يا روح امك، فاكر ياض، فاكر لما جيت لحد عندك و طلبت منك بكل آدب انك تتعاون معايا وتبيع لي المنظمه، فاكر يا فهد انت وابوك اتنططوا عليا ازاي، اهوه لف الزمن وجيت تحت رجلي زي الكلب،، انت عارف انت هنا ليه، الدهب، الدهب يا فهد، الدهب اللي قتلنا المنظمه بتاعتك عشانه، وع فكره صح بما انك كده كده ميت، احب اعرفك، انك ظلمت غفران مراتك، اصل انا هددتها بيكم، وطبعا العصفوره الرقيقه خافت عليكوا، و قالت لي ع مكان ملف المنظمه، واترجتني ما أذيش حد، غلبانه اوي البت دي، بس هيه كمان هتأخد نصيبها ف الوقت المناسب وتحصلك انت وابوك وعيالك لو ما نطقتش دلوقتي، فين الدهب يا فهدددد))
هزه بقوه من ثيابه، تدخل حسام وقال ل طلعت
((اهدي يا طلعت فهد عاقل وهيقول لنا ع كل اللي احنا عايزينه، هوه مش مستغني عن ابوه وعياله، ولا انت مستغني يا فهد))
