#عنيد_أسر_قلبي
#فريده_احمد_فريد
~~~~~~~~~~~~
الفصل التاسع والعشرين(سعاده أخيراً تملأ قلبه)
~~~~~~~~~~
#ف منزل قديم ف حي السيده
يدخل زياد الشقه ومعه طعام الأفطار، سقطت الحقيبه البلاستيك من يده عند رؤيته عمران
نطق وهوه مفزوع
((ع.... ع... عمران... انت عرفت مكاني إزاي))
عمران بضحكه خبيثه
((وحشتني يا واطييي... يا ندل... بقي كده تعمل ف صاحبك كده... تهرش المصلحه لوحدك يا زياد))
ارتاح زياد واخذ نفسه بأرتياح، ضحك وقال
((يا شيخ خضتني، يعني انت مش زعلان مني يا عمران))
((وهزعل ليه يا صاحبي انا وانت زي بعض، ناس زباله معندهاش ضمير، بس اللي محيرني، انت قتلت شريف ليه))
((لالالا، مش انا اللي قتلته، دا الواد صاحبي هوه وشويه من الصيع اللي معاه، انا مكنتش رايح لها عشان أذيها وربنا انا كنت هقفش القرشين وشكرا للتحيه، وكنت هرجع ولا من شاف ولا من دري))
((ياض يا ناقص ع اخوك برضو، اومال كنتوا هتغتصبوها ازاي يا واطي، البت عجبتك من اول ما شفت الفيديو بتاعنا صح، قول يا معلم دا انت طلعت داهيه ودماغك سم))
((هوه ااه، البت جامده وكان نفسي فيها، واللهي انا لقتها معهاش فلوس وجايبه لنا جوزها يخوفنا، فا خلصنا عليه وحاولنا نخلص عليها هيه كمان، بس الواد الاهبل اخو جوزها لحقها مننا والحكومه جت، واهلها، بس احنا ايه فكينا منهم ف لحظه، برضو حكومه الصعيد مش زي حكومتنا، قدرنا نخلع ف لحظه))
عمران وقف واقترب منه وهوه يضحك، فجأة، لكمه بمنتهي القوه ع وجهه، وقال له
((انا عارف ان حكومتنا انصح واسرع واذكي،، صح يا حضره الظابط))
ظهرت عناصر الشرطه من غرفه داخليه ومعهم عبد الرحمن، نظر عبد الرحمن ل زياد، وهجم عليه ضربه
بعنف، تدخلت الشرطه، و قبضت ع زياد وهوه يصرخ انه بريئ، عمران أدار عبد الرحمن تجاهه وقال له
((كده انا عملت اللي عليا،كده احسن يا عبده احسن ما تقتله وتضيع عمرك ع كلب زيه....الحمدلله دلوقتي انا اقدر ارتاح بعد ما الحقيقه ظهرت))
عبد الرحمن
((ماشي يا عمران،بس برضو ده مش هيغفر لك اللي عملته ف عليا،يعني انا عمري ما هسامحك أبداً))
((عارف وحقك،وعارف ان عقابي عند ربنا لسه مجاش،بس انا بستغفر كل يوم،وبدعي انه يسامحني وعليا كمان تسامحني))
((مالكش دعوة انت ب عليا خالص،انت يابا تروح دلوقتي لخطيبتك وتراضيها وتتجوزها،وانا هرجع السرايا اخد مراتي وابن اخويا،،وهنحضر فرحك يا عم ولا تزعل))
عمران دون اراده ارتمي ف حضنه،طبطب ع كتفه عبد الرحمن و دفعه ليذهب ل أمل
أبتسم عبد الرحمن برضا، وأنطلق بسيارته للسرايا
_________________
#عوده ل رحيل
