#عنيد_أسر_قلبي#فريده_احمد_فريد

27-(خطه محكمه)

#عنيد_أسر_قلبي
#فريده_احمد_فريد
~~~~~~~~
الفصل السابع والعشرين(خطه محكمه)
~~~~~~~~
#ف فيلا الزيات

رحب الجد كثيراً بهم،وكان سعيد بنسب عائله كبيره مثلهم،لكن لسوء الحظ،وصل طلعت جلال فجأة

دخل الفيلا بكامل هيمنته،وقف الجد منزعج من حضوره،ووقفت عائله الكيال هيه الأخري

قال طلعت لأبيه بحده
((دا بجد بقي اللي سمعته ،انت هتجوز بنتي من ورايا يا حج،وهتجوزها لواد هربان من الحكومه كمان))

برق له ابيه بحده وقال غاضبا
((انت عرفت ازاي،انت بتراقبني يا طلعت))

طلعت((طبعاً،اومال فاكرني هسيبك بعد اللي حصل لكوا وبنتي اللي كانت هتتخطف من بيتك يا حج))

أبيه((واللي بيوصل لك اخبارنا ماقالش ان الناس دي هيه اللي نجدت بنتك))

تدخلت امل خائفه ان يفسد ابيها الأمر
((بابا دول ناس محترمه جدا،هوه حضرتك ما سمعتش عن عيله الكيال))

((سمعت،وبرضو هما مش هيناسبوا اي حد دول هيناسبوا بنت طلعت جلال الزيات، او المفروض يعني،بس انا مش هجوز بنتي الوحيده لراجل هربان من الحكومه))

عندما سمع عمار و رهف أسم هذا الرجل نظروا لبعضهم بصدمه،عمار كاد ان يتحرك،مسكت رهف يده

قال عمران بتوتر
((بس يا عمي انا بريئ،وهثبت براءتي قريب اوي))

طلعت((لما بقي تثبتها تبقي تيجي تطلب بنتي))

عمران كاد ان يتحدث،قالت رهف فجأة
((عنده حق اسكت يا عمران،الراجل من حقه يجوز بنته لواحد يتطمن عليها معاه،ما تقلقش يا طلعت بيه،هنفذ اللي انت عايزه والمره الجايه لما نتقابل،ها.....هتشوفنا بشكل تاني خالص))

نظرت ل عمار ومسكت يده بقوه،محمود فهم ان هناك خطبا ما،نظرت رهف للعائله و أشارت لهم بالخروج

لم ينطق احد،أمل نظرت ل عمران بحزن،اعتذر الجد عن هذا،خرجت العائله وهم غير مستوعبين لما حدث

ف حديقه الفيلا،قال محمود ل رهف امام الجميع
((ايه اللي حصل جوه ده،وانتي ليه قلتي كده))

عمار قال وهوه ف قمه غضبه لأخيه
((انت عارف البت اللي جايبنا كلنا نطلب ايدها دي تبقي بنت مين))

احمد ابيه رد
((قصدك ايه يا عمار،تبقي بنت مين ازاي))

عمار((تبقي بنت الراجل اللي قتل مراتي،وقتل ناس كتير زيها،وبالمناسبه يا عمران،انا هقتل حماك،دلوقتي انا عرفت تاري عند مين بالظبط))

تركهم ف صدمه هائله،وخرج ركب سيارته وانطلق بها وحده،رهف نظرت لهم وقالت بحزن

((دي الحقيقه يا جماعه،الراجل ده قاتل وهوه اللي خرب بيت اختي،وفعلاً لازم يتقتل ونأخد حقنا منه))