ကြွေလွင့်သော ချယ်ရီဖြူ [COMPLETED ]

7.2

ဦးရီးတော်က ဝမ်လေးနဲ့ ပန်းချီဆွဲပြိုင်ပြီး
ပြန်လာတဲ့လမ်းမှာ အပြုံးလွင်လွင်တို့
ဝေနေတယ်။ တစ်နေရာအရောက်မှာတော့ -

"ဘယ်လိုလဲ စစ်သူကြီးချင်! ခင်​ဗျားရဲ့
ပုန်ကန်ရေးကြီး ကျရှုံးနေပြီလား"
"အခုမှ အစပဲရှိပါသေးတယ် ဦးရီးတော် "
"အဟက်! "
"ကျနော်မျိုးကို ဦးရီးတော်က ကူညီမယ်ဆိုရင်တော့ ကျနော် အတိုင်းမသိ ဝမ်းသာရပါပြီ"
"ဟက်! ငါကိုယ်တော်တို့က လမ်းမတူဘူး"
"ယခုမင်းကြီးကို ဖြုတ်ချချင်တာချင်းက
တူတူပဲမလား ဦးရီးတော် "
"စစ်သူကြီးနဲ့ ငါကိုယ်တော်နဲ့က ရည်ရွယ်ချက်ချင်း တူပေမဲ့ လျောက်တဲ့လမ်းချင်း မတူဘူး... ခင်​ဗျားက အလိုလောဘသိပ်များလွန်းတယ် စစ်သူကြီး"
_ကျောက်စိမ်းရောင်ယပ်တောင်ကို တဖျက်ဖျက်ခပ်ရင်း အေးအေးလူလူထွက်သွားတဲ့ ဦးရီးတော်ကို ကျောပေးရင်း အံကြိတ်ထားရတဲ့သူကတော့ စစ်သူကြီးချင်...

.........................................

မြောက်ပိုင်းကို စစ်ချီသွားသော တပ်ဖွဲ့ အောင်နိုင်စွာ ပြန်လာပြီဆိုသော သတင်းစကားကြောင့်.. ဒုတိယမင်းသားရိပေါ်မှာ နန်းတော်အဝင်ဝ ကြိုဆိုသူတွေနဲ့ အနဲငယ် အလှမ်းဝေးတဲ့ နေရာလေးမှာ လမ်းကို မျှော်ကြည့်နေရှာသည်။ သစ်ပင်ကြီးများနဲ့ကွယ်နေတာမို့ သူ့ကို အလွယ်တကူမမြင်နိုင်။ သူ့ကိုမမြင်ရတာ ကိစ္စမရှိပေ... တစ်ဦးတည်းသောသူ ဘေးကင်းရဲ့လား အတည်ပြုချင်ရုံလေးတင်။
မနီးမဝေးမှ ပြန်လာချီတက်လာသော စစ်ကြောင်းကို မြင်လိုက်ရချိန် ရိပေါ်ရဲ့
မျက်လုံးလေးတွေက တဖျက်ဖျက်တောက်ပလို့ ။ ​အိမ်ရှေ့စံလိုက်ပါလာသော
ဝေါယာဥ့ရှေ့မှ မြင်းနက်ကြီးကို စီးပြီး
ခန့်ညားစွာ လိုက်ပါလာတာက သူရဲ့
ကျန့်ကျန့်လေး... တကယ်ကို စစ်သူကြီးဂုဏ်နဲ့ ထိုက်တန်လွန်းတဲ့ ဒီလူသားပါပေ။
.
ရိပေါ်ကွယ်ကြည့်နေတဲ့ နေရာကို ကျော်လွန်သွားတာတောင်မှ ကျန့်ကျန့်ဆီက အကြည့်တွေကို မခွာနိုင်သေးဘူး ။ တကယ်ကိုငေးမဝပါပေ။ ရုတ်တရက် သူရှိတဲ့ဘက်ကို
လှည့်ကြည့်လာတဲ့ စစ်သူကြီးကျန့်ကျန့်လေးကြောင့် ရိပေါ်ရဲ့ နှလုံးသားလေးဟာ တဒုတ်ဒုတ်ခုန်လွန်းလို့ သစ်ပင်နောက်အမြန်ကွယ်ပုန်းလိုက်ရတယ်။ ​ရှောင်းကျန့်နဲ့ ပတ်သက်ရင် ဖြစ်ပေါ်လာတဲ့ ရိပေါ်ရဲ့
နှလုံးသားတုန်လှုပ်သံတွေကို မထိန်းချုပ်နိုင်ဘူး။ ဒါပေမဲ့လဲ... ရအောင်ထိန်းချုပ်မှ ဖြစ်မယ် ။ဒါဟာ မဖြစ်သင့်တဲ့ ကိစ္စကြီးမလား...