كرونيك : ❤ابن_خالتي_❤محمد ♡رحمة ❤

محمد & ورحمة ابن خالتي ،،،،،الحلقة 8

محمد & ورحمة ابن خالتي ،،،،،الحلقة 8 ‏،،،اسكتي عيش اختي ما تبكيش راهو سخطة و ميعرفش يحكي يعطيه قصة في لسانو ،،،،، درصاف الدعاء لا امان اللطف عليه ،،،،، رحمة اختي باش نحكي معاه بالرسمي بعد هذا الكل و مزلتي تحبيه احقريه طفيه تو تشوفي محمد كيف شافك انتي تحبيه اذاكا علاه يتصرف هكاكة هوما يحبو الحقرة ما يحبوش الاهتمام ،،،،، ليلة كاملة ودرصاف تنصح في رحمة و هذا الي خلاها تبداا صفحة جديدة من حيااتها خلاها تتبدل كومبلاتمون خلاها تخرج من افكار رحمة البريئة من حب محمد الي مسطير عليها خلاها تتحرر ،،،، صبااح جديد ضو خافت داخل ضرب في عينو ،، راقد بحوايجوو فوق الفرش قام رااسو يحس فيه باش يطرشق حط راسو بين ايديه ،،، يتفكر كان اخر مرة و قتلي شرب مع الاولاد و روح ،،،،، ضحك بالشويا ،،، ان شاء الله مبروكة تكون ما فاقتش بيه والا الحكاية تشدهالو جمعة وجمعتين وهيا تقنقن و تعاود طبس باش ينحي صباطوو راسوو رزين ع الاخر و باش يتقطع بالوجيعة ،،،، نحا سباطوو و نزع مريولو و السروال بقا كان في خلعة و شورط ،،،، درصاف اختوو لابسة لبسة العروسة نهار حنتها اللبسة الحمراء متااع الدار و ايديها وساقيها بالحنة سمع باب بيتو يدق ،،،،مشاا حل : شاف اختوو با للبسة هذيكا حتى وجهها منور تبسملهاا فرح قلبوو رفرف تحيرت الحنية متاعوو الي مخبيها وما يحبش يوريها لنااس : ،،، قرصهاا من خدهاا و قلهاا ،،، صباح الخير عروستناا اياا ادخل ،،،،، بقات حاايرة اول مرة يعملهاا يطلعش شارب حتى الصباح تي هاو كغير فاق ،،، مالا تأثير الشراب مزال م البارح ،،، دخلت قعدت على حافة الفرش وهوا قعد بجنبهاا ،،، حاجتك بفلوس درصاف ،،، جاوباتوو بربثة هيا اصلن مش متعودة تحكي معاه في اي موضوع و الا تجبد معاه حديث خاطر تخاف منوو : محمد نحب نحكي معاه على البارح ،،،، ضحك وقلها ،،: ان شاء الله خير و ان شاء الله ما تطلعش مبروكة فاقت بياا ،،،تبسمت لا لا اما رحمة ،،،تحولت الضحكة متاعو لغش لاكن بمجرد ذكر اسم رحمة هوا كأنوو تفكر لمحة ملي صار البارح تفكر كيفاه طبس عليها بكلو وعنقهاا و بالشوي بالشوي تفكر كل شي تفكر اش عمل و اش قال ،،،،،،، : درصاف انتي حاضرة ،،، لا محمد كيفاه وانا بالحنة اما رحمة حكاتلي و ضاهر فيك تفكرت كل شي ،،،، اي اما انا لبارح مانيش في وعي مانيش عارف كيفاه عملتهاا وبستها اما مانيش في عقلي ،،،،، محمد انا مانيش نحكي على ،،، حمشت باش تقولهاا طبست راسها وقتلو ، نحكي على الكلام الي قلتهولها ،،،، تنرفز وقلهاا ،،، تستاهل الي قلتو الكل و انت تعرفي وانا نعرف درصاف مش لازم نبقى نفسرلك علاه قلت اكاكة في جرت حب المراهقة متاعها دار خالتي من بعيد لبعيد نسلم ماعادش نمشي خالتي الي مربيتني كيف ولدهاا جبدت روحي منهاا عم علي(بوو رحمة) وليت نشوفو مالعام للعام منجمش نمشيلو لداار ،،، قلت صغيرة و تواا تركح وتفيق على روحهاا مالتصرفات الي تعمل فيها اما هيا زادة على قداام متحشمش الطفلة هذيكاا صحيح بنت خالتي اما بالرسمي باش نقولها مش متربية و ما تحشمش ،،،، محمد مش متربية وما تحشمش على خاطر حباتك على خاطر عشقاتك على خاطر تحبك حرام عليك والله و الكلام الي تقول فيه مش صحيح ،، هيا بريئة و على نياتها لدرجة انهاا كيف تشوفك تفرح و تبقى تخزرلك مش خاطر وقحة و ما تحشمش على خاطر تحب تتمتع بيك خاطرها تحبك افهم ،،،،، درصاف عيش اختي راسي يوجع مش ناقص هم قلو حب انا ما نحب حد وبالاخص الطفلة هذيكاا مستحيل يجي نهار ونحبهاا مستحيل يجي النهار هذاكاا ووصلهولها المساج هذاا باهي فماش ما تفهم روحهاا ،،،،، فالوقت هذاكاا دخلت رحمة ،،،، وصل المساج سايي و كلامك ياسر معبر محمد وغالط انا منحبكش جيست اعجاب و توا مشا على روحو ،، تلفتت لدرصاف ،،: درصاف خالتي مبروكة قتلكم هياا باش تفطرو و انا هاني مروحة ،،،،،