كرونيك : ❤ابن_خالتي_❤محمد ♡رحمة ❤

محمد&رحمة ابن خالتي ،،، الحلقة 18

محمد&رحمة ابن خالتي ،،، الحلقة 18 شنياا هذي ما يقلقنيش مهما يكون بنت خالي و مستحيل نخلي واحد يخزرلها خزرة خبث انا طيحت من روحي ومشيت حكيت معاها و عاودت رجعت لنفس البلاصة تحبني نباصي عليها ا ليلة ،،،، رحمة كانت تخزر لمحمد و تضحك هواا زادة يخزرلها اما يغزل عليها كل ما تزيد تضحك تزيد تنرفزوو اكثر ،،، رحمة كل ما تتفكر الستاتي وكلام فهمي و كلام محمد برشاا حاجات تفكرتهم الليلة بالذات وف للحظة هذي بالذات ،، تبسمت بقهرة تبسمة صفراء ،، هزوهاا ساقيهاا تحب تفرغ الطاقة السلبية الي في بدنهاا والي في مخهاا هبطت تشطح وتحرك في خصرهاا ‏،، الاولاد الي يصفر والي يحكي والي يتغزل والي يخزر اماا محمد وقتها بالرسمي هبل طيش السيقارو على طول ايدو ماهوش متحمل يسمع شكون يتغزل بيها شكون يحكي عليهاا مشاا كان هيا ترقص فالبطحة ،،شدها من ايدها بالشوي وبداا يرقص معاها ،،، الي يشوف يقول كووبل ،،،، درصاف الي استغلت الفرصة وصورتهم محمد ورحمة شكون كان يقول يجي نهار ويرقصو مع بعضهم قدام الناس بالنسبة لرحمة معروفة ترقص عادي اماا محمد الي في تفكيرو وصعوبية طبيعتوو ما فماا حد ،،، هوا مختلف على الناس الكل وهذا الي خلا رحمة تحبو وتتعلق بيه و تموت وتفنى فيه طبس وشوشلها في وذنيهاا ،،، اعملي كيما تحبي الذري تخزر و انتي ارقصي و حركي بدنك ناويتوو يفسد انتي عرس درصاف باش ترتاحي ترصيلي عامب عركة انا كل يوم على خاطر ،،، قربتلوو اكثر لين رعشت بكلهاا ترخفت و معادش تنجم ساقيها تاقف عليهم التوازن متاعهاا اختل هيا قريبة ليه لدرجة راسها في صدرو نسات الناس الي تتفرج وقتلو بكل ربثة حشمة صوت مغري خلاه يسخن بكلو " حمة " جاوبها " نعم يا رحمة نعم " معادش فيهاا قدام الانسان الي تحبوو والي تفديه بروحهاا يلزمهاا تلقى خطة تو كيفاه تخرج مالمأزق الي حطت روحها فيه قريبت منو وسايي معادش تنجم تبعد تحب تعنقوو وتبكي وتقلوو علاه ماكش حااس بياا علاه ما تبادرنيش نفس الشعور ،، يلزمها تتصرف رخفت روحها ع الاخر وطاحت دايخة الشي الي خلاه يلقفهاا ويعنقهاا ،،، هياا واقتهاا واعية هيا تمثل لا اكثر لا اقل هيااا بااش تمووت بالفرحة كان جات تنجم راهي ولات تنقز وتعيط كيف كل مرة تفرح فيهاا لاكن تواا هيا دايخة ههه يلزمهاا تكمل فالتمثيلة،،، امهاا مشات تجري اما محمد حملها وهزهاا ،،، و امهاا واموو يمشيو وراه ويعيطو هزها لبيت درصاف دخل بيها لبيت درصاف يلقاها معبية بالبنات رجع وهوا محملهاا دخل بيها للصالة معبية بالنااس رجع لبيت مبروكة فيها النساء الكبار معندو حتى حل دخل بيها لبيتوو يلقى فهمي واصحاابوو خرجهم فيسع وحطها على فرشوو بقات امهاا تفيق فيها ومبروكة بجنبهاا ،،، جات درصاف قتلهم يخرجوو يتلهاو بالضياف تو تتلهى هيا ومحمد بيهاا خرجوو ،، محمد تكلم ،، شبيهاا بالكشي ما كلاات شي علاه داخت ،، تكلمت درصاف وهيا تذبل في صوتها ،، اي والله مسكينة ما كلات شي وعشية كاملة تاعبة ،، باهي تو نخرج نجيبلها حاجة تاكلها ،،، خرج محمد وقتها فاقت رحمة وطرشقت بالضحك هيا و درصاف اماا محمد يلقى سارة قدااموو ،،،، داخلة من باب دارهم مع اموو ‏،،،،،