كرونيك : ❤ابن_خالتي_❤محمد ♡رحمة ❤

محمد&رحمة إبن خالتي ‏،،،،الحلقة 2،،،"

محمد&رحمة إبن خالتي ‏،،،،الحلقة 2،،،" امل تضحك عليها " رحمة راهو مصوحب الطفل يهديك ربي والله والله ريتو بعيني ديما مرندف هوا وطفلة طويلة شويا وبيضة وماهيش متحجبة "،،،" لا لا مستحيل تي اكيد سامبل آمي هوا صديقاتوو برشاا و انا اصل نحبووو و منجمش نحب غيرو "،،، خزرتلها امل "،،، انا هاني نبه فيك وعلى كيفك وخيتي"،، ضربتها على كتفهاا "،،امل زحح هزيلي شوياا موراال موش ديماا بكلامك المرزي ،،،" شدتها من ايدها "،، والله على مصلحتك قبل كنت نفرح كيف يكلمك كيف يخزرلك ...اما في بالي مراهقة واعجاب ويروح و زيد انتي شلقتي هكاكة الصباح باهتة والطفل فايق بيك راهو يا نهار الي يطرشق عليك رحمة اختي اقسم بالله مصوحب هاني حلفتلك اخطااك و راك باش تعمل مشاكل لداركم كان يسمع بوك والا امك كان تسمع امو هواا تصير بيناتكم مشاكل وانتي تعرف المجتمع واك الحومة كيفاه يخممو اخطاك ،،،" " منجمش يا امل منجمش سايي محمد تو ولا قطعة مني حاجة منجمش نستغني عليها محمد هواا كل شي بالنسبة ليا ،،ريت الفلاح كيف يغرس بذرة متاع شجرة زيتون و تبدا تكبر بالشويا بالشويا لين تثمر و معادش ينجم يستغني عليها حتى الشجرة سايي تغرست فالارض و حتى كيف نقصوها تبقى الجذور متاعهاا انا حب محمد كيف هكاكة معادش نجم نحب غيرو والا حتى نخمم باش نحب ساي حبو تغرس في قلبي و معادش نجم نستغنى عليه "،،،" حاسة بيك رحمة اما على الاقل ما تبينش للناس ما تشلقش بروحك الناس ما ترحمش يااختي والله ما ترحم "،،، دخلوو يقرااو وكلام امل يتعاود في وذن رحمة "مصوحب "،،مصوحب،، كان يطلع مصوحب بالرسمي مجرد التخمام فيها خلاا الدموع تهبط من عيونهاا في قلبهاا غصة هيا طفلة وحبت بصدق احساس صادق " امل تخزرلها وقلبها دم عليها حاسة بصاحبتهاا وحاسة بلي كلامهماا وجعهاا اما هياا حاولت معاها بكل الطرق و منجحتش خاطر رحمة بريئة برشا متنجمش تخبي شعورهاا واحساسها الي فرحانة بيه تحب تشارك الناس فرحتها ميهاامهاش كلام الناس ميهمهااش نضرات الناس يهمها فقط الي هيا تحب محمد وكيف يتعدا يلزم تبقى تثبت فيه يلزمها تحط ايدها على قلبها وتتبسم سوى في شارع قدام دارهم الناس تتفرج هوا يشلق هذي الكل ما يهمهااش ،،،، امل متحبش لرحمة لمضرة على هذاكا هيا نصحتك خاطر بالرسمي قداش من مرة تلقاه هوا ونفس الطفلة و باينين كوبل و هوا عايش حياتو متحرر كان رحمة الي عاملة سجن لروحها سجن المشاعر الي تكنها لمحمد الي متحكمة فيها و تخليها تتنفس كان باسم محمد و على لسانها كان،،سيرة محمد " دموع محبتش تكف من عيون رحمة الي تحولت لشهقات تبكي ميهمها في حد البروفة انتبهت ليها اما خلتها على راحتها البروفة تفهم تلامذتها كيف يبدو متقلقين وتعرف الي البكاء راحة من اي مشكلة " كمل محمد الحواسة مع سارة بعد ما شرالها تاليفون وشكلاطة و قضيات لامها المريضة ،، و هزها وصلها قدام دارهم و روح ركش مع اولاد الحومة يعسو على الماشي والجاي خاصة البنات هواا كأي طفل فالدنياا بالطبيعة باش يخزر للبنات ويبزنس ديجا حتى سارة مصوحبها ومايحس تجاهاا حتى شي جيست شوي معزة فالقلب و عشرة وكهو هكاكة و متعدية رحمة كانت مطبسة راسهاا ما تكرهم الاولاد الي يبقاو هناا الكل خاطر فاسدين و ما جاو شي هيا ما هزتش راسها باش تشوف حبيبهاا الي قاعد ما بيناتهم متعدية ساكتة كان الشهقة بقات تراس من البكية كل مرة تشهق عيونها حمر محمد كيف شافها متعدية هبط راسو والاولاد الكل ما ركزوش معاها كيف العادة خاطر ولد خالتها معاهم وخايفين عكس العادة الي كيف يبدا محمد مش معاهم ياكلوها بعينيهم هبط راسو لاكن الفضول خلاه يهز عيونو بالشويا خزرلها مش كيف العادة رغم الي هوا ما يهضمهاش اما توا ما بقاتش تبحلق فيه كيف عادتها اكيد ما شافتوش وزيد ضاهرة منرفزة " عاود هبط راسو وقال شيهمني فيها المهم تبعدنا من بلاها خير كيف ما بقاتش تخزر والا راهم الاولاد شلقو بيهاا ،،،، دخلت رحمة لدارهم تلقى خالتها مبروكة ام محمد قاعدة هيا وامها كيف العادة يحكيو سلم ودخلت لبيتها بدلت دبشها العشية مش شاهية تمشي تقرا ساعتين عربية كلاسهم متفاهمين باش يفصعوو " ،،، حطت راسها على المخدة جبدت التاليفون وحطت تصويرتوو تثبت فيهاا " رجعتلها الضحكة والبسمة طمن في روحها الي هوا مستحيل يكون مصوحب و الي باش يجي نهار ويحبهاا هزنا النوم وهيا تحلم بقصة حبهاا معاااه ‏،،،،