كرونيك : ❤ابن_خالتي_❤محمد ♡رحمة ❤

إبن خالتي ،،، الحلقة 3"،،،

محمد &رحمة إبن خالتي ،،، الحلقة 3"،،، هزهاا نوم فاقت على حس امها " رحمة قومي بنيتي درصاف بنت خالتك تحبك تهبطي معاها تشرو قضيات ماكي تعرفي عرسها مزال ليه جمعتين قومي بنيتي "،،، بدات تتكسل ،،،" باهي هاني باش نقوم وين هيا تو "،،، " هاي جت عيطت ومشت شوفيها في دارهم "،،، قامت رحمة فيسع غسلت وجهاا لبست جلبابها و خيماارهاا عملت طرف كحل و مشات لدار خالتها وهيا فرحانة خاطر باش تشوف محمد " دزت الباب ودخلت بقات دور فالحوش وتنادي " ياا درصااف درصاف ..."،،، جاوبتها مبروكة خالتها وهيا فالكوجينة " ادخلي ا رحمة درصاف في بيتها ادخليليهاا "،،، دخلت دزت الباب وجاات باش تصيح وتبداا تحكي وتضحك كيف العادة لاكن درصاف عملتلها بفمهاا تسكت خاطر تحكي مع خطيبهاا ،،، ضحكت عليها رحمة و بقات دور فالداار تعدات بجنب البيت الي ديما تحلم الي هياا راقدة فيهاا مع محمد هيا ويااه في فرشوو تحلم انهاا تعنق فيه وتبوس فيه تحلم انهاا تشم دبشوو و تستنشق ريحتوو دخلتلهاا كان مرتين في حياتهاا في حفلة نجاح درصاف فالباك و مرة في رمضان وقتلي خالتها قتلها هزي دبش محمد حطيه في بيتوو الباقي ديماا محمد مسكرهاا ميحبش شكون يدخلو عندوو برشا تبدل معادش كيف قبل ولا جاابد روحوو معاها خاصة كيف عرف الي هياا تحبوو رحمة تعرف الشي هذا لاكن متتنجمش تمنع قلبهاا الي يدق كيف يشوفو قلبها الي يرفرف بالفرحة احساس محلاه حب صادق و قلب حب مغير ما يشاور " بقات تخزر مالشباك تتأمل قداشوو منظم كل حاجة في بلاصتهاا عكس بيتها هيا الي داخلة بعضهاا " تسمع فالحثلة تلفتت تلقاه يمشي ويخزرلهاا تربثت و بعدت شوي استوات وقفتهاا لابس مريول نص ابيض و سروال فالنوال و سبادري ابيض المريول مفصلو الميسكل متااعوو كيف خزرتلو وجات العين فالعين حشمت وتبسمت قتلوو " سلام " فيسع ومشاات دخلت لبيت درصاف "،،،، هوا ما ردش عليهاا دخل لبيتو " بقات تراقب فيه من شباك بيت درصاف شافااتو كيفاه هز سااك و خرج اكيد مااشي يتراناا " جبدتها درصاف بالقوي "،،، يا بنتي شبيك تحبي تباصي روحك امي تخزر راهي مالكوجينة ،،،،"" زح يا درصاف نحبوو "،،،،، مخيبو الحب زح ضحكت عليها درصاف "والله يا رحمة كان جيت نجم نعاونك راني عاونتك اما ماكي تعرفي حمة خويا النقاش معاه لا "،،، وهذاكاا الي محببني فيه انا يا درصاف صعوبيتوو و حنيتو في نفس الوقت عيونو خزرتو صوتو مشيتوو لبستو كل شي فيه يعجبني كل شي فيه نحبو تعرفي المشاعر ،،--- قصت عليها " اا مشااعر ااهي هيا يلزمني نقضي فيسع ونروح هيا نمشوو " ،،، باهي هيا اسرحي قدامي "،، شوفو الثعلب احشمي اكبر منك راني تقولي اسرحي ،،،، هههههههه ضحكوو و مشااو "،،، مبروكة فالكوجينة تخمم هياا تعرف و فايقة بلي قااعد يصير الكل اما عاملة روحها بوهالية وما فاهمة شي تعرف الي بنت اختها باش تموت وتفنى في ولدهاا و هيا بالعكس فرحانة لهذاا عكس الي خايفة منو رحمة ودرصاف ومحمد عكس هذا الي مذابيها ولدهاا يحب بنت خالتو ويعرس بيها متحبش تاخذلو وحدة براانية و دخلها لدار لاكن حتى كيف باش تجبد الموضوع الناس الكل فالدار يخافو من محمد و من غشوو ما يحبوش يناقشوه والا يزيدو معاه حتى كلمة ،،،،، اما تخمم باش تخليه يحبها الام بالطبيعة كيف تحب لولدها حاجة يلزمها تصير بالطرق الكل توو شهرين ملي شلقت بحكاية رحمة لاكن كانت صابرة على امل انو يجيها ولدها يوم ويقلها راني شاهي بنت خالتي راني نحب بنت خالتي ،،،، لاكن شي بالعكس لاحضت انو محمد كيف يشوف رحمة دور فالدار يجبد روحو كيف يبدو قاعدين و يجبدوهاا في سياق حديث حتى يذكرو اسمهاا يبدل الموضوع ،،،،، هيا تخمم في فكره تنجم تقرب محمد من رحمة لاكن بطريقة ما يشكوش فيها انها عارفة الحكاية وما يفيقش بيها محمد والا غشوو باش يكون كبيير ،،،،، محمد فالصال دو سبور يترانا و الغش متاعو الكل فرغوو فالترانمون رحمة رحمة رحمة رحمة طفلة صغيرة وماهياش واعية بلي قاعدة تعمل فيه بالنسبة ليه ترمي في روحهاا ماهوش عارف كيفاه يتصرف معاها يشد يدقدقها بطريحة و خلي يصير الي يصير والا يحكي معاها بالشويا و ينصحهاا بالنسبة ليه حبهاا ليه حااجة غالطة خااطر مستحيل يحب ومعندوش الحب في حيااتوو حب رحمة حاجة مش في بلاصتهاا وما عندهاا وين باش توصل معااه لا وزيد اقارب بنت خالتوو كان باش يمشي معاها فالخط عيب كبير و عيب عليه وحرام ورجوليتو ما تسمحش ليه انو يلعب بيهاا وكان باش يعاركهاا و يعمل حدود بينو وبينهاا صلة الرحم و الطفلة صغيرة هوااا اكبر و اوعى منهاا حااير و ماا لقاا حتى حل ،،،،،،