كرونيك : ❤ابن_خالتي_❤محمد ♡رحمة ❤

ابن خالتي ،،، الحلقة 15

محمد & رحمة ابن خالتي ،،، الحلقة 15 حل الباب يلقى امل ،،، صباح الخير ميسالش تناديلي رحمة ،،،، ما بقاش يثبت فيها برشا ،، صباح النور في بيت درصاف ادخليلها،،، امل بالعاني حبت تعمل اكاكة حبت محمد يكلم رحمة هيا ما فيبالهااش بالتطوراات الي صارت ،،، قتلوو : سامحني مزروبة وهيا عندها نهارين غايبة على القراية ميسالش تناديلها باش نشوفها باش تمشي تقرا ولا ،، ،، وخر لتالي بدا يمشي في خطواات ثابتة اتجاه بيت درصاف ،، رحمة وقتها لابسة كان توب ‏،،، توري في درصاف فالضرب الي في ضهرهاا ،،،، احيت شنواا هذا يا رحمة وخيتي ،،،ريتي بالله اما نرمال كلو يهون على خاطر محمد مستعدة نتوجع انا و ما يتوجعش هواا ،،، هوا وقتها قدام الباب الباب محلول شوي ما فاقوش بيه كيفاه واقف يخزر لرحمة ولبدنهاا يسمع في كلامهاا لاكن اخر كلمة حسهاا كيف الرعشة في بدنوو بقات تتعاود في وذنوو كل يهون على خاطر محمد مستعدة نتوجع انا وهوا ما يتوجعش ،،،" حس حاجة في قلبو تحركت بقا سارح ومركز معاهاا ودرصاف تعدي في ايدها على الجروح الي في ضهرهاا ،،، وهوا مع كل لمسة يحس روحو هواا الي قاعد يعدي في ايدو على ضهر رحمة مش درصاف ،،، فاق كان على شهقة رحمة الي حماارت بكلها وحطت ايدها على فمهاا وعلى درصاف الي ضحكت وقتلوو، محمد اش تعمل هنا ،،، تربث و حشم ،،،، ههههه طبس راسو نسا اش باش يقول ،، من بعد هز راسو وخزر لرحمة خزرة لكلها شهوة خزرة ما تعبرش على باش يقولو،،، صاحبتك تناديلك ،،، هز روحو وخرج قال لامل الي هيا باش تجيها ،،، خرج الكرهبة رغم الي الصال دو سبور مش بعيدة على الدار لاكن يحس في روحو مهدود من العركة الي صارت لبارح ،،، تنهدت امل وخزرت لرحمة الي تمشي و تحط فالخيمار على راسهاا ،،،، يا رحمة وخيتي عندك حق و انا نقول شبيها الطفلة شادة فيه بايدها وساقيهاا و مكبشة ،،، باستهاا من خدها وعنقتهاا ،،ايا سيبلي حبيبي اذاكا ليا اناا وحدي ،،، وينك يا نصفي الثاني نهارين غايبة زح بقيت وحدي ،،،، اي ومزلت باش نغيب عرس درصاف رااهو ،،، ربي يهنيهااا و العاقبة ليك ولحمة متاعك ،،،، اااامين يا ربي و نعرسووو انا وياه اكاكة نجم نتمتع بقربوو ونبوسو ،،، يا وخيااني يا وخيااني الطفلة انحرفت ا بنتي شبيكي على البوس انتي ،،،، هههه وخيتي لحقيقة وما بيناتناا كل ما يحكي والا يتكلم نشتهى نبوسو والله ،،،، ضربتها امل على راسها ،،، فضحة ان شاء الله فالعوض هوا طفل يقول هكاا اجرولي الطفلة فسدت ،،، شدتلها فمهاا ،، تي اسكتي فضحتيني تعرفي اموولة فماا برشا حكاايات صاروو كان كملتي بكري ولقيت وقت العشية تواا نجيك نحكيلك راكي مش باش تصدقي والله ،،، هي كي انا مش باش نصدق معنتها انتي تكذبي معنتها ما صار شي و علاش باش تحكيلي اصل ،،،، هربت امل تجري ورحمة تجري وراهاا ،،، ههههه مهبلة ،،،، محمد حط الكرهبة على جنب الطريق و دخل للصال ،، يحكي بينوو وبين روحوو ،،، ،،، رحمة رحمة رحمة معادش تخمم فيهاا تي ايامات بركاا ملي كنت تبخر بريحتها ملي كنت ما تهضمهااش ملي كنت تحسها صغيرة وطايشة علاه علاه بالذات الايامات هاذم حااس روحي مخنوق حاس روحي مفتقد خزرتها واهتمامهاا بيا كيف العادة ،،، لا يا محمد شنواا الي قاعد يصير حط ايدو عل الجرح الي تحت عينوو وتبسم ،، تفكر كلامهاا بكري كيفاه قالت " نتوجع انا وما يتوجعش هواا ،،، زعمة هذا الكل حب مراهقة زعمة هذا الكل تفوريخ لا مستحيل ،،،