كرونيك : ❤ابن_خالتي_❤محمد ♡رحمة ❤

الجزء الثاني ،،، الحلقة 23 ابن خالتي ،،،

الجزء الثاني ،،، الحلقة 23 ابن خالتي ،،، محمد&رحمة ‏ ياا اسيا تي عندهاا نص ساعة لا فما لا الطفلة لا منية ،،،،، هاني تو نطلبها ،،، لا لا استني هااي جات ،، ههههههههه ريقل اومورك ،،،، ‏،،،،منية وينو محمد ماا فماا حد ،،،، باز راني غالطة ،،، اي يمكن هيا عيش اختي نرجعوو امي راهي شلقت والله تعمل فيا ،،،، خرج عامر م الظلمة ،، ههههه مبروك يا عروسة مبروك مفماش رجوع الما نفرح بيك ،،،ش شكونك منية شكون هذا ،،، خزرتلها وضحكت ،،، ههههه عامر ليلة سعيدة هاني ماشية ،،،، رحمة حست فما حكاية جاات هاربة ياخي شدهاا من ايدهاا وسكرلها فمها ،،،، محمد متكي على الفرش يتفكر فيها ويتبسم يخزر لبلاصتهاا الي باش تكون بجنبو ،، لمكيااجهاا لحوايجهاا ،،، في لحظة حس قلبو تقبض ،،، نحاا المريول وبقا يدور ف البيت هكاكة ،،، يحس ف النفس بدا يضياق عليه ،، ف الوقت هذاكاا عامر لسق رحمة على الحيط في زنقة ضلمة مسكرها فمها بايدو فماا اولاد متعدين ميحبهااش تعمل االحس ،،،، تاليفون حمة يصوني ،،، وي ،،، حمة ايا تخرج الليلة نعملو جوو ،،، وين انتم ،،، ف الحومة ،،، ايا لحظة هاني جاي ،،، احمد ولد سعدية هوا وجمااعتوو ،،، متعدين يغنوو ،،، وااا كلمت حمة ،،، اي هاو جاي ،،، رحمة تحس في نبظات قلبها ماشية وتزيد م الخوف دموعها هابطة وعاامر خاايف ع الاخر سمع اسم حمة والجماعة باش يركشوو هناا ،،، رحمة تحرك في راسها وهوا يزيد يكبس عليها حتى نفس تحس فيه قريب يتقطع ،،، لبس محمد مريولو وخرج يشم فالهوااء حاس قلبو مقبووض ع الاخر ،،،طلب رحمة التاليفون يصوني ما تهزش زاد تحير اكثر طلب درصاف ،،،، اسمعي درصاف انتي في دار خالتي ،، اي علاه ،،،رحمة بحذاك ،،، لا في بيتها مع منية ،،، شكون منية امشي شوفيلي رحمة علاه متهزش على التاليفون ،،، باهي هاني ماشية ،،،، عامر ولاا يرعش بكلو م االخوف الجماعة ركشو في نفس الزنقة حيااتو مرهونة في ضو البلدية كان يشعل يشوفوه ويمشي فيها،،، محمد جاا ،،، واا حمة خلينالك بايتك ،،، هههه صحة ما عينيش ،،، شنوا معرس باش تنسانا ،،،، لا اما موش جاي على بالي ،،، رحمة تسمع في صوت محمد ولت تضرب بساقيها ع الارض باش يسمعها محمد ،،،، درصاف دزت الباب ودخلت ما تلقى حد ،،،، رجعت ،، امي خالتي رحمة ما فماش ،،، لعلا ف الكوجينة والا في بلاصة اخرى شفتي بالقدا ،،،، شفت ما فمااش ،،، قاموو الكل يلوجو ف الدار مفمااش الطفلة ،،، محمد يسمع في حس يشوف في خيال ف الظلمة وقف وبدا يمشي بالشوي ،،، كل ما يقرب حمة عامر العرق ولا يصب عليه ،،، حمة قرب اكثر و اكثر ،،، وعاامر سيب رحمة و حط ايدو على رااسو وتكلم ،،،، خااطيني خاااطيني ،،،، الاولاد الكل وقفو،،،، محمد حل ضو التاليفون ورحمة صاااحت ،،، محححمد ،،،، جبدهاا بقاا يثبت في وجهها ،،، الاولاد شدوو عامر ،،، تكلم محمد ،،، ر رحمة شتعملي هناا شنوا الحكاية ،،،، تبكي وتحكي ،،، ح حكااية طويلة امان روح بيا ،،،، بدا يصيح ،،، رحمة قتلك شنوا الحكااية شتعملي هنااا معا راجل وفالظلمة ،،،