كرونيك : ❤ابن_خالتي_❤محمد ♡رحمة ❤

ابن خالتي ،،، الحلقة 12

محمد&رحمة ابن خالتي ،،، الحلقة 12 العرس تحول لعركة كبيرة بين اولاد الخال واولاد العم ما تسمع كان في النساء الي تعيط والي تبكي ،، ولدي قتلوه ولدي ضربوه ،،، محمد شد راغب دقدقوو ما خلاش فيه و رحمة تجبد فيه وتعاود و هذا الي خلا خوات راغب يدغلوو واولاد عم محمد الي جاو معاه الاولاد قتلو بعضهم والي مشات فالعفس رحمة الي يجي يضرب وهيا بين يجي 15 طفل ،،،،، ما حزوهم كان بالسيف و الشي الي يفرح انو محمد ضرب و ما تضربش رحمة كانت فوق ضهروو وهوا هابط على راغب كانت كل ضربة باش تجي فيه تجي فيها هياا تفضت المشكلة كل واحد لاهي في روحو الي يمسح فالدم والي يلم فالكراسي المكسرة الي تهدي فالعروسة و الي تعاون في مبروكة الي داخت مالفجعة ولدها واولاد خواتها قتلوو بعضهم الي تعاون في ام رحمة باش تقوم رحمة من اول العركة ما فمااش ‏ الي يضحك والي متشمت روحوو راغب و امو وبوه وخوااتو والي دارو معاه بعد لا خوو مبروكة سمعهاا الكلام في دارها ولدهاا يعطي لولدوو طريحة في وسط هذا الكل محمد الي حاط رحمة قداموو في كرسي يمسحلهاا فالدم الي هابط من خشمهاا ما حبش يكف كلات الضرب على راسها لين رعفت حتى وجهها دمدم كانت تبكي ما حبتش تقص على البكاء وهوا يمسحلهاا قلبوو الي كان حجرة رجع القلب الرحيم قلب الانسان الي يحن و يلين ،،،، هوا كان حاس عليها اكثر من روحو عركة كاملة وهيا فوق ضهرو وهياا وراه الضرب الي موجه ليه جاا فيهاا هياا ،،،، ماكانش حاس بالجرح الي تحت عينوو ،،، تكلم بالصوت الحنين ،،،" رحمة يزي بلا بكاء ،،، ما جاوبتوش وكملت تبكي ما فاقت كان على حس امها الي جاات تحمل فيهاا و تعاود هزتها من اكتافها بالشوي روبتها مقطعة من تالي شويا خيمارها الي تفرعس عيونها وشوافرها الي يقطرو بالدموع تمشي هيا وامها من قدام وهوا يمشي وراهم يتبع في خطوااتهاا ،،، دخلت لدار خالتهاا عرضتهاا درصاف حملتها و قوت فالبكااء كان يخزرلهم بعيون ذابلة ،،، اموو عرضتوو تجري ،، حرام عليك علاه تضرب في ولد خالك شعملك علاه تخلي فينا فضيحة قداام الناس علاه تخلي الناس تشمت فيا وفي بنتي جااب ربي عايلة راجل اختك ناس طيبين والا راهم بطلو العرس من اول سهرية عركة علاه يا محمد يا خسارة تربيتي فيك ،،،، امي يعيشك خليني نفسرلك ،،،، ما تفسرليش هزت ايدها الفوق وجاات باش تعطيه كف ورحمة تنطرت تجري جات قداموو تبكي ،،، امان خالتي انا السبب هواا دافع علياا انا خاطر را راغب منعرش كيفاه تصرف معاياا ،،،، جبدتها امهاا ،،،، اش عملك شنواا صار و طيتلي رااسي قلي اش صار بيناتكم ،،، تكلم محمد لا خالتي فاهمة بالغالط ،،، راغب شرب برشاا و دخل يرقص وجبد رحمة و " صعبت عليه منجمش يقولها خصوصي قدام العايلة اموو و اختوو ام رحمة واختها وبوها الي في كروسة مينجمش يتحرك برشا ،،،والا ياقف برشاا ،،،، و و حاول انو يعملها حركات مش باهين ،، انا وقتها دخلت مش على حاجة (وخزر لرحمة ) على خاطر رحمة كيف اختي الصغيرة ،،،، و مهما يكون هيا بنت خالتي شرفي وعرضي ،،،، ‏،،،، ليلة كانت كلهاا حزن على الناس الكل على محمد الي في بيتوو يخمم ما جاهش نوم حتى انو كيف كلمتوو سارة عاركهاا وسكر عليها التاليفون ،،، كان حاط راسو بين ايديه يحس في بدنوو سخون رغم الي الدنيا باردة ،،، لابس كان شورط ،،،كل مرة يعدي يديه على الجرح و يتفكر السيناريو الي صار بكري يتفكر رحمة كيفاه وقفت عند ضهرو كيفاه تمرمدت وكلات ضرب يزيد يتنرفز كيف شاف راغب كيفاه تصرف ماعاد معدل على حد رغم الي راغب ولد خالوو كيفو كيف رحمة لاكن بداية جديدة بداية حلووة في حياتوو فاصل خلا كل شي يتغير رحمة بالنسبة ليه بداية مرحلة جديدة و حمايتها من واجبووو،،، لاكن شنوا الي صار شنواا الي جراا في يوم من الايام سمعها كلام كان يحس انو يكرهاا حبها تبعد عليه حس انو حبها ليه جريمة و قلة تربية ،،،، على رحمة الي راقدة في بيتهاا بدنها الكل ينمل ويوجع اما مش مشكلة كلوو يهون على خاطر محمد على خاطر حب حياتهاا الي في لحظة دخل و ضرب راغب على خاطرهاا الي هزهاا و قعدها في كرسي و يمسحلها فالدم الي كلمهاا بحنية و لاول مرة و قلها ما تبكيش ،، علاش علاش كل ماا تحاول انها تجبد روحها منو تحاول تحس بعد وجودو وما تحبوش و لكوو منوو هواا الي يلز فيها تبعد على الحب الي عايشتوو تخرج مالعالم الي فيه حب محمد لاكن في نفس الوقت يعاود يجذبهاا ليه يعاود يجدد المشاعر الي تحاول تدفنهاا و تخبيهاا ،،، اه يا محمد اه منك ومن حبك الي لا حب يفرحني ولا حب يبعد 💔💔💔 عليا ولا حب يخرج من قلبي ‏،،،