كرونيك : ❤ابن_خالتي_❤محمد ♡رحمة ❤

إبن خالتي ،،،، الحلقة 7

محمد&رحمة إبن خالتي ،،،، الحلقة 7 فالليل البنات عاملين سهرة وحدهم " فالحوش متاع الدار جوو عرس بالرسمي والبخور و الرقيص و التصفيق بالنسبة للنساء الكبار عاملين حلقة وحدهم رحمة كانت تعرف تشطح لبست ملية و ذهب امها وذهب خالتها مبروكة و نحت الحجاب وسيبت شعرها بحكم انوو ما فماا حد في الدار البنات كانت ترقص وتميل وتحرك في خصرها وشعرها الطويل هابط عليهاا ترقص و تفكر فالحاجات الايجابية تفكر في محمد فالحب في الاحاسيس المزياانة الاشياء الايجابية هذي هيا الي تعطيها طاقة كانت ترقص وفرحاانة ع الاخر ماهيش فاهمة علاه اماا كل الي تعرفو انوو هياا فرحاانة ،،،، محمد مش م النوع الي يشرب يتكيف كان دخان وكهو ساعات ،،، لاكن وقتلي يتلموو بيه اولاد الحومة ما يقولش لا شرب معاهم ،،،، بالنسبة ليه وللاولاد تعدات سهرية عاالمية ‏ و بالنسبة لرحمة كيف كيف سهرية اقل ما يقال عنهاا انهاا روعة ""،،،، ‏ تأخر الوقت توا نص الليل مبروكة و ام رحمة و رحمة وزوز بنات بقاو يلموو فالفوضة بعد ما روحو نساء الحومة من عندهم ،،،، بعد ما كلموو روحت ام رحمة وزوز البنات اما رحمة متفاهمة هيا ودرصاف ملي يبداا العرس لين يوفى وهياا باش تبات بحذاها طير منهاا وحشة ،،، هكاكة ودز محمد الباب يطايح ،،، مبروكة شدت بيتها باش ترقد و بقات كان رحمة تعمل فالحس ،، بعثتهاا درصاف للكوجينة باش تجيب الماء بحكم هيا ايدها وساقيها بالحنة متنجمش تاقف ،،، كانت لابسة كالسون نورا و خلعة نوار شعرهاا مسيب فمهاا مبلبز بالحمير اما الدنيا ليل مش باينة فما كان ضو بيت درصاف والا ضو شباك بيت مبروكة ،، حتى فهمي مش هناا عند بيت جدو فالبلاد باش يجي غدوة ،،،، خرجت تدعثر فالضلام ،، الله يهلكك يا درصاف في جرتك كان المصايب كيفاش باش ندل انا الماء ،،، تحس في روحهاا صدمت في حاجة ،،، شدت فالمريول بالقوي وكبشت ،،، ش شكون ع عبيثة درصاااف ياا درصاف فماا شكون جاا يااا محمد ،، وهوا سكرهاا فمها بإيدو ،،، مش منجم يمشي طبس عليها ووشولها في وذنها ،،، تكلم بالشويا هذي جهامة عبيثة ،،، ‏،،،، حشمت ،،، م محمد شبيك لباس شنواا صايرلك شبيك هكاا ،،،، زاد كبش في ايدها باش ما يطيحش حط راسو على كتفها ،، وهيا وين تلقاوهاا بدنها رعش بكلوو و ساقيها معادش منجمة تاقف عليهم شمت عليه ريحة الشراب ،،، وخاافت فالاخر هيا طفلة صحيح تحبوو وصحيح ولد خالتها وصحيح مستمتعة بقربوو اماا هيا طفلة وتخاف خاصة فالليل و دنيا ضلمة وهياا لابسة هكاكة و محمد شارب و الي يشرب معادش يعرف اش يعمل " بدات تجبد في روحها منوو بالشوي اما هواا كان اقوى منهاا عنقهااا بالقوي حط دقنونتوو على كتفها الي معري هواا كان اطول منهاا طبس باش نجم يوصلهاا من بعد بدا يهبط في راسو بالشوياا لكتفهاا وباسهاا من كتفها وقتهاا هيا ماهياش عارفة فرحة وخوف وحزن و ربثة في نفس الوقت "" دموعها هبطت اما الخوف كان مسيطر عليهاا اكثر عاودت جبدت روحهاا بالقوي ،،،ا أمان محمد ا ادخل لبيتك لا تفيق بيك خالتي وانت فالحالة هذي ،،،، ، ضحك عليها " شوفو شكون ينصح فيا ريت انتي راك ما تعنيلي شي راك فرخة ما غير ما تعملي فيها الناصحة و تقوليلي اش نعمل اش منعملش ونحبك تفهمي حاجة رااني مستحيل نحبك راك صغيرة و نوعك ما يعجبنيش اجبدي روحك معادش تتصرفي تصرفات مراهقين منحبكش رااني منحبكش ،،،، هز روحو بالسيف يمشي كل مرة يعثر لين دخل للبيت ،،،،، بالنسبة لرحمة الي غرسللهاا سكينة في قلبها رحمة الي دمرها الي دمرلها احلامها و طموحاتها جمدت في بلاصتهاا حتى الدموع نشفت وجيعة قوية في قلبهاا دخلت جبدت دبوزة ماء ورجعت ،،، " رحمة لتو تجيبي فالماء يااخي تخرجي فالبيترول والا شنوا حكايتك "" ،، تبسمت تبسيمة صفراء ههه لا لا ماهو بقيت نشوفلك في دبوزة باردة ،،، جبدت الغطاء و غمت راسهاا " تكلمت درصاف " رحمة شبيك ،،، جاوبتها من تحت الكوات ،،،، شبيني جيتك نعيط ،،، لا اما حسيتك ملي خرجتي رجعتي وجهك مقلوب حتى عيونك مزغلة طرشقت رحمة بالبكاء نحات الكوات على وجههاا و تربعت فالفرش ،،، وحكاات لدرصاف كل شي