كرونيك : ❤ابن_خالتي_❤محمد ♡رحمة ❤

الجزء الثاني "الحلقة 5 ابن خالتي ،،، محمد&رحمة

الجزء الثاني "الحلقة 5 ابن خالتي ،،، محمد&رحمة محمد ما كلمنيش ،،،، تو يكلمك تي يخدم الراجل بالك في فوياج تسخايبيه ،،، توحشت صوتو من اخر مرة تغشش عليا و ما كلمنيش وزيد خلالي ‏vu ‎‏ ،،،، قداش عندو هوا ملي مشاا يخدم،،، يمكن شهر شهر ونص هكاكة ،، كلمني فيهم مرتين كهو :( وحكيت معاه على الفايسبوك 5 مرات ضاهرلي ،،،،، هههههه اي هاو باهي تتفكري قبل ما يحكيش معاك جملة احمدي ربي على الاقل كلمك ،،،، ههه علاه وخيتي وهف يهزو يكلم والا يقعد ماكش خارجة ،،،، اي ستني حتى احناا ملي عطلناا ما خرجتش هيا هيا نخرجو نحوسو شوي يلزمني نرجع لمبروكة مريضة في حالة و قضية الدار عليا ،،،،لبست امل حوايجهاا وخرجو يتهوملو كيف العاادة ،،،،،، محمد خويا روح علاه هكاا ،،،، لا منحبش ،،،، يا ولدي ماكش تشوف لحالتك وجهك احمر باهي على الاقل امشي عدي ،،،،، مراد نقص م الحس مانيش معدي ومانيش مروح خليني هكا مرتاح ،،،،، اي ضاهر عليك وجهك قريب يترشق مالسخانة امس نوصي فيك الطقس ما تفهموش بارد والا سخون كل مرة يتغير لف على روحك وانت ما سمعتنيش ،،، باش نطلب امك انت ،،،، مراد والله تعملها نقوم ندقدقك ،،، هههههه تي ايدك متنجمش تحركها باش تدقدقني ،،،،، هوما هكاكة ويدخل الوكيل الاول ،،، مراد استوى روحو اما محمد منجمش يقوم جاا باش يتحرك ياخي عملو بإيدو خليك " مشالو للفرش " محمد ولدي ايا سايس روحك وقوم باش تروح " عيشك سيادة الوكيل اما منحبش نروح ،،،، على كيفك هوا ايا ولدي قوم ،،، مراد حضرلو دبشو و حوايجو " ،،،، في دار سعاد ام رحمة " اش باش نقلك يا مدام اسيا اما بنتي مزالت صغيرة وتقرا وزيد خليني نشاور بوهاا و ناخذ رايها فالحكاية ،،، سعاد ولدي ازر صحيح مطلق اما راهو باهي و مرتو ما تفاهمش هوا وياها ما تسمعش كلام الناس والله يكذبو عليه وليدي لا يشرب لا يزطل لا يتبع البنات حدو حد خدمتو وزيد نعرف الي انتي تنجمي تأثري عليها وعلى بوهاا و خوذي هاذم ،،،مدتلها فلوس " اشري بيهم قضيات و ملازم الخطبة ،،، لا لا ا مدام شدي فلوسك عندك انا مانيش نبيع في بنتي كان وافقت وافقت ما وافقتش الله غالب ،،، هكا تو تي هذوما كادو من عندي خوذيهم و كان ما وافقتش ميسالش ما فما حتى مشكلة،،،، لا ما ناخذ من عندك حتى شي،،،والله كان ما تاخذيهمش لا عاد نكلمك ولا نجيك وننسى العشرة الي بيناتناا سعاد راك كيف اختي وهاذوما خوذيهم ميسالش احسبيهم سلف ،،، باهي ا سيدي ربي يهديك ،،، هههه ايا نخليك وكيف ما قتلك ريقلي الامور و كلميني ،،، ان شاء الله ،،،، روحت رحمة تو 6 متاع العشية اكيد راهي سعاد تقنقن ومبروكة مريضة تعداات لدارهم ،،، امي هاني عند خالتي ماكي تعرفي مريضة باش نقضيلها ونبات بحذاها تستحقش حاجة ،،،، ايجي ساعة عندي م نحكي معاك ومبعد بري ،،، لا مزروبة غدوة احكيلي ،،، تي ايجي ،،، شو كيفاه مشت وخلتني ا وخياني ا طفلة ،،،،، دخلت رحمة لدار خالتها بما انو فهمي في البلاد عند بيت جدو ،، لبست كالسون و مريول طويل غسلت الماعون وريقلت الدار و طيب فالعشاء،،، ااا رحمة،،، هاني جاية ،،، نعم خالتي ،،، جيبيلي بنيتي كاس ماء ،،، باهي خرجت رحمة حطت تاليفونها ف الشارج في بيت محمد و تعدات للكوجينة هزت كاس ماء تمشي و تخمم فاللحظة هذيكا يتحل باب الحوش بالمفتاح ويدخل ،،،،