كرونيك : ❤ابن_خالتي_❤محمد ♡رحمة ❤

ابن خالتي ،،، الحلقة 16

محمد & رحمة ابن خالتي ،،، الحلقة 16 دخل للصال دو سبور دخل للفستيار بدل دبشو ومشا يترانا ،،،، رحمة روحت لدارهم ،،، تغسل فالماعون و تخمم فيه ، الانسان الي قلبهاا دق كان ليه هوا زعمة يجي نهار و يحبهاا يجي نهار و تحقق اكثر حلم واكثر امنية تتمناها في حياتها هيا انهاا تعرس وتعيش مع حب حياتهاا ،،، خممت في قرايتها عندها نهارين غايبة فاتووها برشا دروس ضحكت وقالت مش مشكلة ،،، من بعد تنهدت وقالت زعمة اش باش نسمي ولدي انا ومحمد ،،، ههههه مهبوولة ،،، فالعشية ،،، محمد روح بكري كان متكي على الفرش ويكنكتي يحكي مع سارة يرضي فيهاا ،،، جاتوو نوتيفيكاسيون شافهاا يلقى صاحبوو عماد مهبط تصويرة هوا وياه فالصال دو سبور و عاملوو ايدونتيفي ،، وكاتب عليها ،،،" كلمة احبك من عند طفلة مراهقة لا تسوى شيء امام كلمة خويا من عند صاحبك ،،،، عملوو كمنتار ،، و كمل يكنكتي عادي ،،، العايلة كأنهم معندهمش عرس ههههه كل واحد لاهي في حاجة مبروكة محلقة هيا والنساء الكبار ليلة زادة سهرية اماا الليلة الرجال ماخذين حذرهم بالباهي باش ما تصيرش حتى عركة ،،، درصاف في بيتها تتمعشق هيا وراجلها رحمة شدهاا عم الهادي يبعث فيها من بلاصة لبلاصة ،،، نضمت الكراسي الكل هزت التاي لرجال هزت القازوز و العصير هزت الحلو ،،،لين تعبت ومعادش فيهاا كانت هازة صحن الحلوو عرضها فهمي يكشخ ،،، هههههه هات جاا عليه و برا ادهن وجهك السهرية عهدك بيها بدات ،،، عطاتو الصحن و حطت ايدها على جنابها يا حسرة عليك سي فهمي اناا بيضاء ومزيانة مغير ما نبقى ندهن ،،، ههههه ضحك اي ضاهر وهذا الي خلا حمة خويا ما يتلفتلكش حتى بشطر عين ،،،، هواا قالها بفدلكة اما هيا حستهاا وغاضتها على الاخر و عيونهاا زغلوو مشات وخلاتوو ،،، ‏‎ ‎دخلت لبيتها تبكي تبكي من قلبهاا ،، هيا مش لايمة على كلام فهمي اماا خاطر الي يحكي فيه حقيقة محمد تحبوو وهواا ما يتلفتش ليها بشطر عين ،،، مسحت عينهاا فيسع ،، يلزمهاا ما تبينش ضعفهاا ،، لبست سورية بيضة و جيب طويل اجوستي دخلت السورية تحت الجيب لبست صباط طالون فالنواار و فولارة فالنواار ،، عملت شوي قلوس في فمهاا عملت كحل ،،، طلعت تهبل ،،، حمة في بيتوو لبس سروال بااج و مريول نوار سبادري نوار ،، ركح شعرو بالجال ،،، بماا انوو الليلة مش باردة برشاا لبس مريول نص مكبوس على بدنوو ،،، الزوز كل واحد خارج من بيتوو هيا تمشي بكل انوثة تحاول تخبي الحزن الي في عيونهاا ،،، و تتبسم هوا زادة يمشي بكل قوة بكل رجولة ،،،