كرونيك : ❤ابن_خالتي_❤محمد ♡رحمة ❤

الجزء الثاني ،،،الحلقة 29 الحلقة الاخيرة

الجزء الثاني ،،،الحلقة 29 الحلقة الاخيرة ‏،،، سارة قالت هذي فرصتي باش نرضي محمد هوا متغشش عليا مشاات تجري ،،، محمد يحاول يقنع امو وخالتوو انهم فاهمين بالغالط وتكلمت سارة ،،،انا الي هبطت من كرهبة حمة تو يا عمتي فاهمة بالغالط راهو محمد حب يسألني على طفلة اسمها منية وكهو وقلي الي هوا معرس ،،،، خزرتلها مبروكة ،،، اي كيف هوا معرس اعملي قدر لروحك و معادش دوري بيه ،،،، تنهدت سارة وخزرت لمحمد ،،، ربي يهنيك وهزت روحها ومشاات ،،،، امي كملتوو قضيتوو نروح بيكم ،،، لا مزلنا برا تو نلحقو ،،، كيفاه يامي للتوو قريب مغرب راهو ،،،،مزلت نكمل ف الماعون الي سيادتك كسرتو ايا برا روح لمرتك ،،،، تبسم ربي يهديك هااني مروح ،،،، محمد ف الطريق ويخمم اسياا و عامر الي معروف ف الحومة ب المقص ،،، كلم صاحبو رئيس مركز الي هو ف الاصل ولد عمتوو ،،، الو ،،، الو شكون معايا ،،، حمة ،،، اهلا اهلا بالعشير وينك يا ولدي ،،،، رستم نعمل عليك في حاجة ،،،اش فما حمة لباس حيرتني ،،،، عامر *** من حومة **** و ينادلو المقص ،،،، اي اي نعرفو تي ديجاا هاو هناا جبناه البارح موقوف ،،،، بالرسمي علاه شنواا عامل ،،،، كلمتني عليه اسياا*** ،،، رستم اسيا*** تبعثلها توو يجيبوهاا ،،،، علاه محمد اش عملتلك ،،، هاني جايك تو نحكيلك ،،،،، رحمة في بيت النوم لابسة بيجاما متاع فروخ هههه وتسرح في شعرهاا ،،، خزرت للتاليفون تشوف ف الوقت تو 6 ومحمد لتو ما روحش هزا التاليفون باش تكلموو ،،، لا يمكن الحصول بعثتلو مساج ،،،، محمد لباس ياخي للتو تتراناا ؟؟ ‏ وصل محمد لللمركز ،،،، وحكاا لرستم الحكااية الكل ،،،، صاار هياا هكاا الحكااية نادى رستم للعون لبرا ،،،، اسمع تو تهز معاك اعوان وتمشي تجيبلي اسيا*** ،، حاضر سيدي ،،،،، نعمل عليك خويا رستم نبك تشعفهاا وتوبهاا هيا وعامر وخليهاا تجيب شكون منية مع انو اناا عارف الي هيا مستحيل تكون منية بنت عبد الرحمان اكيد منتحلةة شخصيتهاا ،،، تهنى ولد خالي ارقد متهني انا نوريك فيها هيا وامثالهاا ،،،، عيشوو رستم ،،، ‏،،،،، قامت رحمة قلقت ف الدار وحدها حتى فهمي لتوو لا روح ولا محمد ولاا مبروكة ،،،، نحات دبشها ودخلت تعمل في دوش ،،، محمد روح دخل الكرهبة للقراج ،،، يلقى بو رحمة مروح مالجامع كان يصلي ف العشاء ،، عسلامة عم علي تقبل الله ،،، منا ومنك وليدي ،،، جبد محمد خمسين دينار من جيبو حطهم في ايد علي وسكر عليهم ،،، علاه وليدي والله عندي ها الايامات الكل نخدم ،،، ميسالش عم علي كيف ولدك انا ،،،، يجعلهم في ميزان حسناتك ولدي ربي يحميك ،،، يعيشك ،،، حل الباب بالمفتاح ودخل ،،، للصالة لبيت مبروكة للكوجينة ،،، مبروكة لتو لا جات ،،، حل باب بيت النوم ،،، كانت خارجة مالدوش شعرهاا يقطر بالماء ،، هزت راسها تلقاه يخزرلهاا ويتبسم وخرت لتالي وجاات راجعة لدوش ياخي هواا سكر الباب وجبدها من ايدها ،،،، م محمد اش تعمل ،،،، مانيش نعمل في شي ،،، قرب منهاا اكثر ،،، ولت ترعش بكلها ،،، شبي صغرونتي خاايفة ؟؟ ،،، محمد امان مانيش حاضرة ،،، رحمة ارخفي روحك صدقيني ما تحسي بشي ،،،، م محمد ،، ما خلااهااش لين كملت هزها وحطهاا على الفرش ،،،.....( ياا منحرفاات ههههههه ماني قتلكم عندي شلل نصفي ف الرومانسية منعرفش نوصف ) بعد نص سااعة ،،، كانت متكية عندوو يلعب بشعرهاا ،،، رحمة ،،،مم ،،، هههه ماكش ملاحظة الي انتي من بكري ساكتة وانا نكلم فيك وانتي ما جاوبتنيش ،،،، ممم ،،،وجعتك ،، عملت براسها اي ،،، باسها من جبينهاا ساامحني ،،،،هزت راسها قحرتلو وعاودت تكات ،،، هههههه شنوا تو رحمة باش تبقي مغششة ،،،، خالتي وين مشات ،،،والله ما نعرف مع 6 خليتها فالسوق هيا وخالتي ،،،، بالكشي في دارناا ،،، اي يمكن ،،، محمد نحبك ،،،، ههههه وانا نموت فيك يا روح محمد ريتي انتي تو وليتي ملكي بكلك ليااا معادش نخاف عليك سايي تو وليتي مراا معادش صغرونة وزيد ملكتك ،،،، النهااية " وفاات قصة رحمة ومحمد مرسي للي تبعوني والي عجبتكم الي ليل ونهاار يتبعو فالقصة اول بأول على خاطر القصة مستوحاات م الواقع اناا ليوم بعد لا كملت القصة باش نعترفلكم الي اناا نحكي على حمة الحقيقي حمة الي نحبوو فالواقع اناا اناا كيف نحكي على عذاب رحمة نحكي على روحي وكيف نوصف محمد نوصف في شخصية محمد الحقيقي الي نحبوو فالواقع اناا حكيت احداث فما الي فيها صحيح وفما الي من نسج الخيال نحب نقلكم الي باش يقراو الكل يدعولي انو يجمعني بيه ف الحلال خااطر انا لتو مزلت في مرحلة الحب من طرف واحد مزلت في مرحلة رحمة المجنونة الي تبقى تخزر لمحمد والي تحب محمد والي ديماا تحكي على محمد ،،، نتمنى تدعولي والسلاام
تفاعلو نكمللكم الجزء الثالث فليل ان شاء الله