كرونيك : ❤ابن_خالتي_❤محمد ♡رحمة ❤

الجزء الثاني ،، محمد &رحمة ،،، ابن خالتي الحلقة 1 ،،،

الجزء الثاني ،، محمد &رحمة ،،، ابن خالتي الحلقة 1 ،،، رحلت وتركتني في اول الطريق جف الدمع في عروقي لمن تركتني!! الي الدمعة التي احرقت جفوني ام الى دنيا مليئة باشباه البشر ماا اقساك اتعلم كم سأفتقدك تركتني اعاني :( رحيلك كان سكين ذبح كل احلامي ،،،،، قاعدين في صالون متاع دار مبروكة محملتها وتبكي وجهها اصفر و شفايفها ترعش عيونها حوقت النساء قاعدين الي يدعي بالخير والي يهدي والي يبكي ،،،، سعاد محملة فهمي الي متكي عليها كيف الطفل الصغير الرجال قاعدين في كرااسي لبراا فالحوش ،،،، تو 6 متاع العشية وما جاش حتى خبر على محمد التلفزة تعدي في الحادثة 4 جنود مااتو لتو ما قالوش على اساميهم مبروكة قلبهاا محروق تبكي ب الساكتة و رحمة خانسة في حضنها و تبكي تبكي بصوت قوي ،،، وهذا خلا النساء الي حاضرين يتغامزو عليهاا حايرين الكل هيا ضاهرة حااسة عليه اكثر من امو ،،، درصاف الي عروسة مزالت الحنة والنقشة في ايدهاا محملة حماتهاا وتبكي ،،، العايلة دخلت في حيط و الرجال الي يمشي ويجي والي يطلب يسأل شكون الي توفاا لاكن لتو معرفوش اساميهم ،،،،،،،، السبعة وربع تاليفون فهمي يصوني الكل تربثو تكلمت مبروكة ،،،، فهمي هز على تاليفونك وليدي بالكشي فما خبر،،، تاعب امي منجمش نقوم ،،،،، اا درصاف بنيتي قومي جيبي التاليفون ،،،،، تكلمت رحمة وقامت من حجر مبروكة ،،،، تو نشوف انا ،،،،، األو ،،،،،، ألو فهمي ،،،،، قلبهاا تحس فيه باش يحبس طرشقت بالبكاء ،،، محمد ،،،وقتها النساء الكل قامو ومبروكة قامت تجري فهمي وسعااد الكل والرجال البرة دخلو يشوفو ،،، يحاولو يجبدو من عندها التاليفون لكن رحمة كبشت فيها وعملتلهم بفمهاا باش يسكتو،،،، محمد لباس ،،، رحمة شبيكي تبكي باز سمعتو بحكاية الزملاء الي استشهدو الله يرحمهم ،،،، اي و الدنيا داخلة بعضها لهنا ماشي في بالنا انت منهم ،،،،، لا لباس الحمد الله الدورية الي خرجت قبلنا غدروهم الله يرحمهم معادش تبكي يزي وعديلي امي والا فهمي ،،، م محمد والله قريب نموت علاه ما كلمتناش من بكري ،،،، رحمة داخلة بعضها حتى احنا لهنا وما لقيتش وقت باش نكلمكم ،و معاادش تبكي ،،، باهي هاي خالتي معاك ،،،، الو امي ،،،محمد وليدي لباس اش صار فيك يا كبدي علاش ما كلمتنيش راني قريب نتجلط ،،،، اللطف عليك يامي لباس زملائي استشهدو ادعيلهم بالرحمة ،،،، الله يرحمهم ويصبر عايلاتهم وانت يا محمد رد بالك على روحك وليدي والله تصيرلك حاجة نموت ،،،، اللطف عليك يااا ان شاء الله نهاري قبل نهارك ،،،، اللطف يا وليدي ربي يحميك ربي يكون معاك ،،،،،، عديلي فهمي امي،،،،، كلمهم محمد واحد واحد وطمنوو عليه ،،،،الليلة الناس الكل بايتين في دار مبروكة حتى درصاف وراجلها وحماتها رحمة وامها و جارتهم وبناتها زوز وسعدية ،،،،، حلت رحمة الفايسبوك تلقاه مسكر عندو ساعتين وباعثلك زوز مساجات ،،، -3lech tebki taw enti ma3adch tebki hedha ili nwasi fik 3la omi kif todh3fi enti fi maw9ef haka mabrouka chkoun biha - ra7ma m3dch tebki wallah kif sma3t soutek fe tlfn t9hart 3aychk 3aychk lbka la ‏ اه منك يا محمد اه من حبك الي عيشني متعذبة و خايفة تنهدت كيفاه ما تحبنيش نبكي وانت بعيد كيفاه متحبنيش نبكي وانا نحبك وانا في كل لحظة نخاف عليك وانت في كل لحظة مهدد انك تمشي وتخليني انك تحرقلي قلبي ،،، هبطت دمعة سخونة تحرق من عيونها وجاوبتو - rod belek aala rouhk ‎‏ كان مسكر و بالوقت رجعلها ‏ - kif trod belek enti 3la rou7k ena labes رجعتلو ‏ -ma7amed وقتها سكر وما جاوبهاش يخدم ،،،، ما جاهاش النوم الفجعة الي كلاتها اليوم عمرها كامل ما تنساهاش اكبر صدمة بالنسبة ليها لاحضت امها كيفاه تخزرلهاا ،،،تفكرت كيفاه في لحظة نسات دارهم و قالت راني نحبك في لحظة اعترفت تنهدت وقالت ،،، ميهمنيش الحمد الله محمد طلع لباس دارنا تو نقلهم نحبو كيف خويا هههه ،،زعمة محمد اش يعمل تو بردان والا لا جيعان شبعان "ربي يحميه