كرونيك : ❤ابن_خالتي_❤محمد ♡رحمة ❤

محمد&رحمة ابن خالتي الحلقة 13 ‏،،،،

محمد&رحمة ابن خالتي الحلقة 13 ‏،،،، درصاف زادة كانت تحكي مع راجلها وتبكي قاعدة تبررلو فالموقف الي تحطت فيه فالسهرية الي فسدت و العرك الي صار و المشاكل لاكن هوا كان متفهم ويحب درصاف لدرجة انو يتمنها تكون مرتوو الليلة قبل اي نهار اخر ،،،،، مبروكة الي كابسة راسهاا من كثر الوجيعة باش يطرشق من جهة محمد اذا كان باش تلوم عليه تلقاا الحق معاه لاكن من شيرة اخرى رحمة الي راغب عمل عاملة ما كانتش لا على البال ولا على الخاطر من صغرتها هيا واخواتها متربين على الحشمة والاحترام باش يجي تو ولد خوهاا يتحرش ببنت اختهاا ،،، و زادة خوها ومرتو و اولادو الي روحو من دارهاا مسحتين الي لامو عليهاا و هانوهاا على المهزلة الي صارتلهم في دراهاا ،،،،لاكن كيف جات تخمم علاش محمد عمل هذا الكل على خاطر رحمة ،، هزت ايدها وتدعي لربي انو يحنن قلبو ويرضي عليه ويصلح رايو وانوو لو كان رحمة باش تكون خير عليه ربي يكتبهالوو و ربي يسعدوو ،،،، وربي يقربها منوو ،، قداش تحبو هاك الطفلة ومستحيل تلقى طفلة تحب محمد اكثر منهاا ،،، تدعي انو ربي يكمل فرحة درصاف و انو يتعداا العرس على خير وبلاش مشااكل ،،،، ليلة كاملة وهيا تدعي ،، تدعي من قلب ام صاادق بوو وام رحمة زادة ما كانوش اقل منهم حزن راغب عملهم العار في بنتهم و كان مش محمد محمد راهو الله اعمل اش عمل فيها الطفلة ،،، سعاد ام رحمة هيا كيف كيف تدعي في قلبهاا انوو يحفظ بنتهاا و يحميها و انوو يحمي محمد و يفضلوو و يلقى الخير في حيااتوو ،،،،،" زوز امهاات يدعيوو لاولادهم " دعوات صادقة تطلع و ربي يقول " ادعوني استجب لكم " تعدات الليلة كيف ما تعدات على كل واحد فيهم ،،، فالصباح قامت مبروكة تزغرط حبت تنسي درصاف الي صار لبارح ترقص فالحوش وتزغرط و تغني قامت درصاف طلت مالشباك تبسمت مالابتسامة تحولت لضحكة ههه خرجت مالبيت ،،، صباح الخير امي ،،،،، صباح النور جبدتها وتغني وترقص هيا وياها على الشايح فهمي زادة قام على الحس كيف شافهم كيفاه يرقصوو مشا يجري لمحمد يضرب فيه على رااسو ،،،،، امعلم هههه قوم قوم شوف امك واختك ،،،، محمد راسو مكسر و زيد الصباح يحس في روحو مش قد بعضوو ،،، فهمي شيهمني فيهم سيبني خ نرقد راك تندم ،،،، زاد فهمي قواا فالضرب على راس محمد و يعيط ،،، اااا محمد قوووم حممممة ،،، الي خلاا محمد فيسع يقوم و يشدوو يلويلوو ايدو لتالي وهواا مغمض عين وحال عين ،،،، شبيك انت ا صباح اش تحب ،،،، فهمي يعيط ويقلوو ،،، باهي سييني سامحني وارجع ارقد على روحك ،،، زاد كبس عليه ،،، بعد لا قومتني مزلت نجم نرجع نرقد انا ،،،، هههه باهي يهديك سيبني رااني خووك ،،،، ههه ضحك وشدو من شعروو هاني سيبتك اخرج توا ارقص مع مبروكة ودرصاف واخطاني ،،،خرج فهمي مالبيت يميل ويشطح على الشايح المنظر متاعو بركاا يضحك يرقص وهوا يمشي ،،،، و درصاف دوب ما شافاتوو طرشقت بالضحك محمد بقا يطل عليهم م الشباك تبسم محلاها عايلتوو ما نجمش يرجع يرقد خرج ،،، عرضتوو اموو تجري حملااتوو نسات الي صار البارح ،،،، اش خص يا محمد وليدي كان تجيبلي كنة هاك تشوف ميمتك تتعب وحدها في قضية الدار و درصاف باش تعرس على روحها هههه ضحك وباسها من جبينهاا ،،،، مبروكة ما تتعبيش مالشطيح اما من قضية الدار تتعبي ميسالش تو نجيبلك اماا مش كنة نجيبلك مراا تعاونك ‏،،،