كرونيك : ❤ابن_خالتي_❤محمد ♡رحمة ❤

الحلقة 6 محمد&رحمةالجزء الثالث

الحلقة 6 ،،،،، محمد&رحمة ‏،،،،،،،،، الجزء الثالث ،،، ابن خالتي ‏،،،،، اش قلك ،،،ما قلي شي ،،،، شبيكي تبكي اش صار شقلك ،،،، هنتلني وعيط عليا و تو باش نروح ومعادش باش نحكي ومعادش قارية اصل ،،،،،،، يا بنتي وسعي بالك ،،، رحمة يا مهبولة ايجي ،،، شو كيفاه خلتني وحدي ومشت....... دزت الباب ودخلت ،،، اهلا رحمة ،،،،،، عسلامة خالتي ،،،،، رحمة شبي بنتي علاش تبكي ،،،، ترمات في حضنهاا كأنهاا تستنى فيها وقتاش تسألهاا باش تفرغلهاا قلبهاا ،،،،،،، محمد خالتي محمد ،،،،،، شبيه شعملك ،،،،،عيط عليا وعلق عليا التاليفون ،،،،،،،،تو نقلك فيه اسكتي معادش تبكي ،،،، حست بوجيعة قوية في كرشهاا مرضت كهو هيا غايبة على القراية وتزيد تمرض ،،،،،، دخلت للبيت بدلت دبشها ورقدت ،،،،مبروكة تحضرلهاا ف الطيزانة وتكلم في محمد ،،،،،،، الو ،،، اهلا امي لباس،،،،،،،منين لباس اه منين وانت الطفلة معذبها علاش تعيط عليها ،،،،،،،،،، تبسم ،،، معيطتش عليها ،،،،،،،، ايا يزي بلا لعب تراه وكلم مرتك مريضة مسكينة من بكري تبكي ،،،،،، شنواا باش مرضي بكري كلمتها وما قالتليش ،،،،،،،،،مرض نساوين ومشي ماشية تقرا خليها ترتاح هيا ماهيش ناقصة وانت كملت عليها،،،،،،،، بالقوت علق على اموو وطلبهاا ،،،،،، تخزر لتاليفون ،،،، هآه منهزش عليك والله لا هزيت عليك ،،،،، حطت التاليفون سيلونسيوو و رجعت غطست ف النوم ،،،،،،،،،
‏ رحمة ،،،، رحمة قومي بنتي اشربي الطيزانة تو ترتاحي ،،،،،،، رحمة ،،،، مممم خالتي تاعبة نحب نرقد ،،،،،، على كيفك بنيتي وراهي جاتك امل ،،،،، قامت ،،،،،،، امل قلهاا تدخل ،،،،،،، باهي شدي اشربي هذي لين ندخلهاا ،،،،،
‏،،،،،،،،، يااا طفلة وينك عشية كاملة غايبة ،،،،،،، وخيتي مريضة وضاهرلي باش نكمل نغيب غدوة ،،،،،،،، هههههه وزيدي كملي نهارين اخرين اك الثعلب جابت امهاا و دخلت تقرا و البروف نحالها التقرير ونحنا الزوز مشيناا فيهاا ،،،،،،،، خير عطلة 3 ايام ،،،،،، ما كلمكش محمد ،،،،،، اووه فكرتني ،،،،، هزت تاليفونها تلقاه طالبهاا 11 مرة ،،، تبسمت والله لا هزيت عليك تعيط عليا وتعلق اه ،،،،،،،، ههههه يا بنتي حرام عليك ،،،،،،،،، لا مش حرام شبيه هوا يعيط عليا و ما يقولش حرام عليا نبكيها ،،،،،،،،
‏،،،،،،،، 4 اياام تعدااو محمد كل مرة يطلب رحمة ما تهزش عليه ،،،،،،، وكيف العادة البروف عطاها هيا وامل رفت ب 3 ايام هياا ومبروكة عايشين كيف العادة قضية الدار و الحس والجو و ف الليل يسهرو على المسلسل ،،، عمرهم لا تعاركوو واالا تناقشو على حاجة ،،،،،، فهمي نهار يروح وعشرة لاا ،،،،، بطبيعتهاا مبروكة متنجمش تحكم فيه تستنى في محمد يروح باش يربيه هواا ما يخاف كان من محمد يسكت عليه و ينصحوو يسكت يسكت وين يشدوو يدقدقوو يسيبوو كان لحموو ازرق ميحبوش يتبع الخلط و يتبع الاولاد الفاسدين ف الحومة هذي الي يبطل القراية و ما عندوش خدمة يفسد ،،، محمد قبل كان صحيح يخاالط و يشرب وللتوو يشرب اماا ماهوش مدمن ما خلاش روحو لين يفسد سااعات وين يروح في كونجي ويسهر مع الاولاد ما يقولش لاا امااا فهمي صغير و الصااحب سااحب ،،،،
قامت الصباح متعرفش علاه كثر عليها النوم الايامات هذي ،،، تفقدت روحهاا تلقى روحهاا مزالت مريضة ،،، تمشي وتحك في شعرهاا لابسة مريولو و كالسون دخلت في العرصة ،،، اه راسي ،،، تحس في روحهاا مكوخرة ،،،، دخلت للكوجينة ضحك عليها مبروكة ،،،،،،،،، ياا ناري على مرت ولدي صباح الخير ههههه ،،،، تبسمت صباح النور خالتي ،،،،، تو مش نبهت عليك الف مرة معادش تقوليلي خالتي ،،،،، جبدت كرسي وقعدت تشرب في قهوتهاا ،،،،،،، باهي امي ،،،،،،، لتو متغششة عليه ،،،،،، شكون ،،،،،،،محمد الفطايري ماهو محمد راجلك ،،،،،، تبسمت كأنهاا مستمتعة بالي تعمل فيه اربعة ايام متهزش عليه التاليفون كوم كوا متغششة اما هياا كل ما يطلبهاا تبدا ترعش بكلهاا تحب تسمع صوتوو تحب تكلموو ،،،،،،،،،،
تسمع في حس الباب كيفاه تحل ،،،،، رحمة سكرت الباب متاع الكوجينة هياا ماهياش لابسة خيمارهاا ،،،،،، تكلمت مبروكة ،،،،، فهمي ادخل لبيتك تو نجيبلك فطورك اهامل تو بركا مروح تو نقلك خلي يجي خوك تو يوريك ،،،،،،،دز باب الكوجينة ودخل ،،،،، صار هوا فهمي متعود يروح الوقت هذا في غيابي ،،،،،طيشت العضم الي كانت تقشر فيه ونقزت عليه حملااتوو ،،،،، محمد ولدي شنحوالك ا كبدي لباس عليك ا روح امك ،،،،،، يبوس فيها ويعاود ،،،،، الحمد الله امي شنحوالك انتي ،،،،،،،،
كاس القهوة في ايدها وهيا ترعش بكلهاا ،،،، رااح من بالها انو ليوم مروح ترعش شي م الخوف وشي م الاشتياق تكلمت بالسيف نطقتهاا ،،، م محمد ،،،،