Chapter 02
Part II
Your Name's View
මම හිතන්නේ මට ආපහු පාඩම් කරන ගමන් ම නින්ද ගිහින්. මගේ ඔලුව මගේ දකුණු පැත්තට බරවෙලා තිබ්බේ. මම හිමින් හිමින් මගේ ඇස් ඇරියේ ආපහු පාඩම් කරන්න ගන්න ඕනේ කියලා මතක්වෙලා.
ඒත් මගේ ඇස් ඉදිරිපිට හිටියේ එයා.. එයාගේ මූණ මගේ මූණට නැමිලා තිබ්බේ. ඒ ඇස්වල තිබ්බේ කියලා නිම කරන්න බැරි තරමේ ආදරයක්. ඒ ඇස් දිහා බලාගෙන ඉද්දී මගේ තොල් අතරට සිහින් හිනාවක් ඇදුනේ හැමදාම මම උදේ ඇහැරෙද්දී මම දකින හොඳම දර්ශනය එයාලා නිසා. මගේ ජීවිතේ හැම දවසක්ම හිනාවකින් ආරම්භ කරනවා නම් ඒකට එකම හේතුව තමයි එයාලා. එයාලා මගේ ජීවිතේ එලිය කරපු විදිහ විස්තර කරන්න මං ලග ඇති තරම් වචන නැහැ. මම දන්නවා.. හැම ආ'මි කෙනෙක්ටම එයාලා වටිනවා. ඒ වුණත්... ඒ වුණත්... හැම කෙනෙක්ටම එයාලා විශේෂ වුණා කියන එකේ තේරුම මට එයාලාව විශේෂ වෙන තරම අඩු වෙනවා කියන එක නෙවේ නේ. ඒ නිසා මටත් එයාලාව මගේ ජීවිතේ තරම් ම වටිනවා. මම සිහින් හිනාවක් එක්කම මගේ ඔලුව උස්සන්න හැදුවත් මට දැනුනේ පුදුම මහන්සියක්. ඒ නිසා මම එහෙම්මම ටික වෙලාවක් හිටියා.
ඒ අතර තමයි අසාමාන්‍ය දෙයක් සිද්ධවුණේ.
මට එකපාරටමයි මතක්වුණේ මගේ කාමරේ ජින් ගේ තනි ෆොටෝ එකක් නැහැ නේ කියලා. මගේ කාමරේ බිත්තියේ කිසිම දෙයක් ගහන්න මට අවසර තිබ්බේ නැහැ. මම ජීවත්වුණේ විශ්ව විද්‍යාල ශිෂ්‍යයන්ට අඩුගානට ඉන්න තියෙන පරණ නිවාස සංකීර්ණයක. එහේ තිබ්බේ හරියට ඉස්සර හිට්ලගේ වගේ නීතී ගොඩක්. ඒත් ගාණ බොහොම අඩු නිසා මගේ ආර්ථිකය මාව එහෙ නතර කලා. මං ලග තිබ්බේ එයාලාගේ ගෲප් ෆොටෝ එකක්, ඒකත් ගොඩක් පොඩියි. මොකද මගේ ඇඳ ලග තියෙන මේසේ උඩ තියාගන්න පුලුවන් විදිහට මම ඒක හදාගෙන හිටියේ.
ඒත් මේ වෙලාවේ කොහොමද මගේ ඉස්සරහා ඒ ඇස් තියෙන්නේ? ඒ මූණේ හීනී හිනාවක් ඇඳිලා තිබ්බේ හරිම ආදරණීය විදිහට! මම මගේ අතින් ඇස් පිහදැම්මේ මගේ හීන ලෝකෙන් එලියට එන්න. ඒත් එයා තාමත් එහෙම ඉන්නවා!!
දෙයියනේ!!!
මම හිතුවේ ඒක හීනයක් කියලා.. ඒත් එයා ඇත්තටම ඉන්නවා!
YOU ARE READING
Wishing On A Star pt.01 ✔
FanfictionY/N is a University student. She was studying hard for the "Korean Literature" exam, which will held tomorrow. But suddenly she slept without knowing. Next day, on the very good morning, she woke up with a tiredness that could kill her. But the thin...
