Wishing On A Star pt.01 ✔

₁₆⍣, II

⍣Chapter 16⍣
Part II

Your Name's View

"ඔයාලා මොනාද මේ ගෙට කලේ?!"

මම ඇහුවේ අපි අපේ ගෙදර ගිය ගමන් පුදුමවෙලා. දෙයියනේ.. ඊයේ මේ කට්ටිය ඔක්කොම අපේ ගෙදර නැවතුනා නේ.. මේක කාලා දාලා!!

මම මගේ පිටිපස්සෙන් ආව ජින් දිහාට හැරුණේ එයාගෙන් උත්තරයක් ගන්න පුලුවන් ද බලන්න.

එයා, එයාගේ අතේ එල්ලිලා හිටිය සොක්බින්, ඒ වගේම එයා වඩාගෙන හිටිය සොක්මින් මං දිහා බැලුවේ අහිංසක විදිහට!

මම අත්දෙකත් බැඳගෙන එයාලා දිහා බලාගෙන හිටියේ මට උත්තර දෙන්නේ කවුද කියලා දැනගන්න. "අනී... ඔයාලා හැමෝම හිටියේ නැති නිසා ඊයේ ලමයි ටික වැඩියෙන් දඟ කලාද මන්දා අනේ.. අනික හැමෝම එකට නේ.. ඒ නිසා මේ.. අපිට උදේ අස්කරන්න බැරිවුණා. මම මේ දැන් අස් කරන්නම්!! ඔයා මේ දෙන්නත් එක්ක වොෂ් එකක් දාගෙන එන්නකෝ.." අන්තිමේ ජින් උත්තර දෙන්න ඉදිරිපත්වුණා. එයා අන්තිම ටික කිව්වේ එයා වඩාගෙන හිටිය සොක්මින්ව බිමින් තියන ගමන්.

"අනි.. ඔයාලා තුන්දෙනා ගිහින් වොෂ් එකක් දාගන්න.. මම මේ ටික අස් කරන්නම්" මම එහෙම කියද්දී ජින් මං දිහා සමාව ඉල්ලන්න වගේ බැලුවත් මම එයාට හීනී හිනාවකින් සංග්‍රහා කලා. "හරි එහෙනම් සොක්ජින්, සොක්බින්, සොක්මින් එකට නාන්නලු යන්නේ!! කෝ දූවලා ගිහින් ඇඳුම් මාරු කරගන්න!" ජින් එහෙම කියද්දීම බිනායි, මිනායි ගේ ඇතුලට දූවගෙන ගියේ තරඟයකට වගේ. "හහ්! මම ලු අපිලිවෙල! බලන්නකෝ කට්ටිය මේක කුණු ගොඩක් කරලා නේ.." මම ගේ වටේම බලන ගමන් මටම මුමුණ ගත්තා.

එකපාරටම මගේ ඉණ වටා තදින් තියවුණු අත් දෙකක් මාව එයාගේ පැත්තට හරවගත්තා. ජින් හිටියේ එයාගේ ෂර්ට් එකේ බොත්තම් ඔක්කොම වගේ ගලවගෙන. මම එයා දිහා බලාගෙන හිටියේ පුදුමයෙන්. එයා මේ.... අඃ.... අඃ.. මට නිකං කැස්සකුත් එනවා වගේ.

"මං කියන්න ද ලමයි දෙන්නව මම සේදුවට පස්සේ.. අපිට ඕන්නම් එකට වොෂ් එකක් දාන්නත් පුලුවන්.." එයා කිව්වේ එයාගේ තොල් හපාගන්න ගමන්. මම ඇස් දෙක ලොකු කරගෙන එයා දිහා බැලුවේ මොනාද මේ කියන්නේ කියලා හිතන ගමන්. ඒත් මගේ අකීකරු ඇස් හැමවෙලේම වගේ ගමන් කලේ එයාගේ හිතු මනාපෙට. ඒවා හැමවෙලේම වගේ රැදුනේ ජින්ගේ.. පපුවේ.. මට පිස්සු ද මන්දා..